政治劉姥姥

2008/03/12 23:49:31 網誌分類: 時事

12 Mar

劉姥姥初入大觀園是紅樓夢中一幕頗為搞笑的塲面ｏ劉姥姥是一個心無惡念的鄉下人, 去到充滿了爾虞我詐的大觀園, 自然鬧出了很多笑話, 但劉姥姥本身卻以心為心, 不知自己所作的愚行ｏ

近日黃SIR見蘋果日報（通常我都將此報的論調反轉來諗）大讚汪亞姐為泛民議員中, 冇回鄉証之人請命, 叫中國政府寬宏大量, 發放回鄉証, 等呢班大哥大姐可以返祖國一看開放改革的成效！甚至得一次的回鄉証都殺！等呢班大哥可以睇吓奥運！（睇完又再媽义中國政府！）

可惜的是, 曾特首先來一句冷語: 多做事, 少說話ｏ﹝應該不是話亞姐, 是話泥班反叛政治異見人仕！﹞而汪亞姐同行的政協們又不肯联署, 汪亞姐只得一人孭晒飛！佢自己仲以為眾人皆醉佢獨醒！在黄SIR眼裡, 她只是一個政治劉姥姥吧了ｏ

須知道上次05年曾特首政改方案推出前, 已安排成班友（全部）去拜會廣東高官（係咪人地已做咗功夫呢？不過呢班友不領情吧了ｏ）大陸上面諗住, 大家有計傾, 就越放越鬆ｏ但特首做了好人.卻冇回報, 05政改被泛民綑綁一嘢打沉（根本毫無道理可言ｏ只是惡意破壞！為民主？為民主至奇！為反對而反對吧了！）異見者刻意玩破壞！冇計傾！

你想想一班刻意想同你玩嘢的人,刻意破壞的人, 你會唔會帶佢地返屋企, 招呼佢地吖？

汪亞姐空有一顆善良的心, 可惜的是, 幫的是一班想籍人權玩殘奥運, 或利用民主插死北京的異見者！異見者充滿了惡念, 不懷好意, 又點可以期望人, 單方面無條件, 向佢地示好呢？