一片冰心在玉壼

洛陽親友如相問, 一片冰心在玉壺ｏ

最近黄SIR同一班中學的同學茶聚, 數數中學畢業至今, 相隔已將近五十年前矣（64年中學畢業, 另加三年高中, 47年矣！）

眼見出席的同學已垂垂老矣（起碼一個花甲子啦！）, 尚幸健康依然！黄SIR在此等塲合, 例牌十分寡言, 防不知不覺間, 得失朋友也ｏ

長時間未明別人情况, 胡亂發言, 好易出事者也ｏ

例如別人有些傷痛, 如投資失敗, 事業無成, 婚姻出事, 兒女不孝, 甚或身染頑疾ｏ不幸閣下胡吹一通, 觸及別人痛處, 何苦來哉呢？

有人甚或埋怨舊同學不慹心, 誰知能熱心相會者, 皆有遠慮, 又無近憂方可ｏ例如要憂柴, 憂米, 憂配偶出事, 憂子女前途, 憂健康問題, 鬼有心情同閣下聚舊咩？

何况有時遇到, 有些與會之人口设遮欄, 得罪人唔駛本ｏ你話俾佢聽寫BLOG, 佢就話你無聊, 都冇錢收嘅ｏ你話去做粵劇, 佢就話從來不睇！（唔出声, 冇人話你啞嫁？）, 你話去唱粵曲, 佢就話你把声仲衰過麥炳榮, 得咩？去學跳舞仲大劑, 男人就係想溝女, 女人就…….唉！總之話不投機！

尚幸黃SIR舊友中冇此類人, 能相聚一刻, 亦是一個頗愉快的經驗也ｏ