吹皺一池春水

2008/03/15 20:50:49 網誌分類: 生活

15 Mar

最近在一社交塲合, 碰上了一位朋友, 自然會寒喧幾句, 又會例牌問吓近况ｏ但當佢聽到我, 學唱粵曲和跳社交舞的時候, 問題就來了ｏ

首先此君（當然毫無惡意）說這两樣活動, 打死佢也不會做ｏ（你唔做, 同我做緊, 是否毫無關連呢？駛唔駛講俾我聽呢吓？我又冇叫閣下参與！）跟住佢又繼續, 口沒遮欄地, 列舉粵曲多麽嘈吵, 多麽討厭（此君根本冇留意黄SIR此刻對佢也很討厭！）粵曲會令到佢頭痛！（咁就最好講都咪講啦！而家到我頭痛也ｏ）

跟住佢講到社交舞仲妙, 佢話此事佢也不會做, 就是要揾派拿ｏ（黃SIR立刻由心笑出來, 以你閣下如斯自我中心的人, 如斯性格, 何止揾唔倒派拿呀, 相信揾個朋友都難啦！要跳就去跳排排舞啦！）

觀乎此君之思維, 由見面第一句開始, 只談自己之感受, 完全冇理會別人的感受, 根本一D社交的禮貌也不懂（可能佢以踩人為樂！）ｏ佢見黃SIR默言無語, 仲洋洋得意, 以為黄SIR完全受哂ｏ

誰知黃SIR心中澄明一片, 此君成世人也揾唔倒一個伴侶, 無兒無女,孤獨終老, 可能這就是主要的原因也ｏ

一個人錯了大半生, 居然錯而不自知, 黄SIR有小小替佢難過ｏ如果能夠有一位諍友講俾佢知, 相信佢呢世人, 會過得快樂好多也, 我想ｏ

回應 (3)

我要發表

KC blog 主 2008/03/16 09:56:57 回覆

交淺豈能言深ｏ小弟家教也ｏ

2008/03/16 02:05:03 回覆

自我中心慣了，的確很難配合到人，　　　　　　　　　　　　　　　　　　　　　　　　　　　　　　　　個性亦會較孤僻乖張，看事情總輕易挑出負面之處，　　　　　　　　　　　　　　　　　　　　　　　　令人心裡酸酸的，不願多說，怪難受！

黃sir你難得有耐性肯聽他吹水，　　　　　　　　　　　　　　　　　　　　　　　　　　　　　　　　　　　　　　　　　　　何不好心指點對方幾句，　　　　　　　　　　　　　　　　　　　　　　　　　　　　　　　　　　　　　　　好讓他如夢初醒，改善一下做人方式？

2008/03/15 21:17:01 回覆

哦．吹脹．．他看到你的忠言．．不知會笑還是喊．