總商會大派福利 「請客」搭電車天星小輪
2018/11/20 04:12:19
網誌分類:
生活
香港總商會想同所有香港市民分享商界嘅成果，決定第八年「請客」，喺二十九號全日乘搭天星小輪來回灣仔同尖沙咀，以及同日早上六點開始港島所有嘅電車路線，都係免費，任何人不花分文，任何人搭到夠。
Kelly提提大家，如果知道有外地朋友喺當天訪港，不妨提提佢哋試下搭呢兩個交通工具啦，就好像香港總商會主席夏雅朗咁講，天星小輪同電車已有過百年歷史啦，都係香港嘅標誌之一。
根據Kelly記憶，香港總商會喺二○一一年開始主舉呢個活動，今年係第八屆啦。再睇翻佢哋嘅資料，原來每年都有大約三十萬人次受惠，累積至今大概有二百萬人次受惠啦，真係一個好可觀嘅數字，希望之後每年都有啦。
另外，香港總商會正舉辦「十八區詩人」比賽，只要Like商會嘅facebook，然後再留言一首詩，就有機會贏得酒店或自助餐大獎了，咁等小妹努力吟番首詩先。
Kelly Chu
■香港總商會推「全程為您」免費搭乘活動，總裁袁莎妮（前排左三），主席夏雅朗（前排左四），理事于健安（前排左五）。
回應
(0)
我要發表