藏獨

爭取西藏獨立人仕, 承北京搞緊奥運之機, 開始搞事ｏ西方世界一致要求北京克制, 𣎴可使用武力. 要同示威搞事者, 用和平理性談判, 解決事件ｏ

表面看來, 和平理性解決事件, 似乎十分合理ｏ唯獨是如果閣下開間鋪頭, 有班不理性的人搞事（理性根本就不會搞事！）, 人地叫你不要報警, 要耐心去說服呢班搞事之人, 你話有冇道理先, 你話有冇可能先ｏ

反過來說, 如果北京要求美國不要用武力, 同樣用和平說道理的方法, 解決塔里班, 伊拉克, 等國際問題, 唔知美國佬又點去回應呢？

國際舞台, 有時D政治事件, 很容易一時不察, 就令人站錯了边ｏ

作為中國人, 又豈可支持藏獨, 台獨呢？

君不見蘇联一經分裂, 各有各獨, 得番個俄羅斯ｏ車臣獨到而家都獨唔倒ｏ（打到七彩！）

你試吓去美國, 搞加（州）獨吖, 搞夏（威夷）獨吖, 甚至搞冰天雪地的亞拉斯加獨吖, 美國佬唔用武力對付你就奇矣！仲會耐心同你講道理？講至奇也！

而家西方各國政府一致要求北京不要用武力, 連自己友, 馬英九都叫北京咪用武力, （你試吓台灣有人搞事, 唔用武力, 淨係得把口, 搞唔搞得掂吖？）呢班友只不過想綁住北京雙手, 等D搞事者有恃無恐而已, 等如小弟細時同人打交, 家兄去攬實對方（等對方不能使用武力！我就可以用大量武力！） 道理是一樣的ｏ