蠢研究

中大一個什么什么教授, 什么什从曾榮光先生, 鄭重其事, 介紹佢花了六七年的研究, 香港母語教學的結果ｏ

結果發現中三前, 用母語教學, 理科及文科都學得好過用英語, 但到了中六就冇乜分別了ｏ

至於英文科, 中中就一直落後ｏ（亞媽係女人！）

以升讀大學為標準, 中中就完全失敗, 原因是中中只及英中入大學人數的一半！（蠢研究結果！）

黄SIR聽了, 笑到碌地！這個算是乜鬼嘢學術研究！（研究亞媽係女人？）

亞媽係女人！使唔使研究先？

D醋係酸溉！使唔使研究先？

用母語去學嘢, 係會容易D, 係人都知啦, 仲使鬼研究咩？多鬼餘！

教育署一嘢將中中打做次等學校, 讀中中D學生係次等學生, 點學都唔叻啦！唔叻又點入倒大學呢？呢個結論簡直係廢嘅！

此研究用咗教育署好多錢, 得來的結果卻是以偏盖全ｏ

唉！用常識都可以得到答案的事, 卻研究了六年, 勞民傷財, 莫此為甚ｏ（想來教授呢份工真的很易做也！）

難得在電視, 見到這位曾榮光先生, 以為佢的結果, 証明了母語教育撤底失敗！

在黃SIR眼中, 撤底失敗就係呢個蠢研究！