冇家教
2008/03/18 09:16:05
網誌分類:
生活
黃SIR細個時, 家家戶戶都很重視家教, 例如吃飯要叫齊晒D長輩食飯, 先至准夾餸ｏ一到食飯, D細路就乖乖的叫: 亞麻食飯！亞爸亞媽食飯！ 姑姐食飯！………一叫漏咗, 一嘢筷子兜頭卜落泥, 非同小可也ｏ
對人又要有禮貌, 一定要唔該前, 唔該後ｏ 要人讓小小位, 一定要話聲, 唔該借歪！ 或者 唔該借過！ 甚至對乞兒都要禮貌周周, 唔該你過主ｏ 小小嘢都要多謝前, 多謝後, 先至叫有家教也ｏ
近年黄SIR都好小見, 有人咁樣教D靚仔矣！借歪！ 借過！過主！唔該！都甚少聽見人講了ｏ
而家D靚, 一唔叫你死開！一唔係就叫你彈開！你幫佢做嘢, 佢地就當正老奉, 多謝你至奇也, 唔該你至奇也, 冇晒D傳統家教矣！
你而家話人冇家教, 人地以為係學校其中一科, 可能以為是健教, 或者是性教（育）ｏ有D仲直程話俾你聽, 佢冇TAKE呢科, 吹漲你！
近年話人冇家教, 直頭屬於多鬼餘, 乜有D咁嘢咩？D靚仔直頭當你係傻溉, 你講緊乜呀, 老嘢！死開啦！
乜食飯都要叫人咩？边處嘅鄉例呀？吓？
過主？乜嘢泥嫁？吓？
唉！吹到漲！
話時話,我都好怕人無家教,我都習慣同人講野,唔該前唔該後,自己感覺好溫瞹,特別對無禮貌的人,我一定會講唔該,顯得自己係有禮貌的一族,要有比較,突出佢哋無禮貌
kakaka
安仔
年紀大咗, 就淨係叫阿爸阿媽食飯囉, 阿哥姐姐之類都唔駛叫, 同輩嘛。
不過我外父D孫兒, 每逢食飯, 都係要逐個叫勻哂的, 係講現時進行中的事。
-----------------
如果話西藏單野無其他勢力在背後支持我打死都唔信架啦~
今朝電視播美國佬講野, 叫我國政府要容忍!
大佬, 你估家下真係示威咁簡單咩, 殺人放火的暴亂啊!
西方國家一致幫達賴去分裂中國ｏ香港所謂民主人仕一致望大陸衰俾佢地睇（因為冇佢地D民主喎！）不明就裡的普通人, 見倒僧侶就以為道理在喇嘛個边（可能個腦壞晒, 成鬼日想獨立！）睇過明成皇后就知, 凡政治事件, 幕後一定很複雜ｏ边有無啦啦去搞事咁簡直吖！港大選校長（早幾年）ｏD學生都出泥搞事啦！李嘉誠捐錢人地都搞佢啦！張五常ｏ李國宝都俾美國佬搞啦！
D暴民有組織去搞事嫁！