公德心

有時黃SIR見D人在公眾場所的所作所為, 突然想起, 而家香港仲有冇人講公德心嫁ｏ

坐巴士下層, 有两排四人的坐位, 經常見有D人一個人坐, 仲將隻腳踏住對面坐位, 踩個鞋底落去ｏ（大佬！知唔知你鞋底幾汚糟嫁？吓？）旁若無人, 通常此類人, 生相都唔謊好佐, 有鬼人敢話佢咩？只會會心中暗罵一句, 有爺生！冇姆教！

有時去聽粵曲演唱會, 成晚手提電話响, 又有人在座位大聲講, 今晚聽歌呀, 衰佬, 食自己啦！大姐, 仲駛唔駛聽台上唱呀？聽你講都夠啦, 行出場外聽又有幾難呀？

有次係地鉄, 坐係個師奶旁边, 條師奶居然擰個指甲挾出泥剪指甲,又唔理D指甲會四圍飛, 嚇得我詐詐帝帝企去第二卡, 費事俾佢D指甲彈親, 唔知咁會唔會冇馬嬴嫁？

流感期, 又有D人在地鉄車廂大力咳, 又唔掩咀,  D病菌四圍飛, 完全晤知會傳染溉！（知都話之你死！冇晒公德心矣！）

D人係公眾塲所, 冇公德心的行為, 真係馨竹難書也ｏ（此乃用盡南山的竹, 也不能盡錄也ｏ明冇？）