施比受更為有福

黄SIR發覺朋友當中, 有D人注定不快樂ｏ因為佢做人諗嘢, 全部一面倒向壞處想, 你請佢飲茶, 佢就以為你想同佢借錢！你講D說話引佢笑, 佢就當你唔知想做乜！你對佢好D, 女人就以為你別有用心, 男人就以為你想攪基！

誰知世上偏偏有如黃SIR此等超級好人, 俾D歡樂人, 根本完全冇望回報, 寫BLOG吹水, 不為名, 又不為利ｏ送D嘢俾人, 完全冇諗過有乜回報ｏ（所謂包利是之說, 純屬同D很熟的朋友, 如勇哥呀, EVA姐呀, 講笑吧了, 其他人仕不適用！）

根本上, 世界雖然世途險惡, 唯獨是尚有正面的人和事, 不必事事想得咁負面, 正是保持赤子之心, 平常心待人可也ｏ

害人之心不可有, 防人之心不可無ｏ事事不防, 好易被騙, 但事事去防,  卻又無謂, 至於事事想到最壞, 就一定寸步難行！又一定唔快樂！

黄SIR做人, 總之率性而行, 日日去過快樂的一天ｏ通常施比受更為有福, 能夠接受到黄SIR的書呀, CD呀, 讚美呀, 好意呀, 其實就是間接令黄SIR成為一個有福之人矣, 明冇？

至於你想學, 就要同一樣態度對黃SIR啦………..嘻嘻！