木水火
木水火
木水火

枉稱維護法治 但見庇奸護淫

2018/12/05 12:30:01 網誌分類: 輿論
05 Dec

枉稱維護法治 但見庇奸護淫   {#iconb_410}  

西諺有云︰行動比說話更加響亮。尋日係「國家憲法日」,特衰政府同舊年一樣,門面工夫做到足,繼續舉辦座談會,官老爺口口聲聲「完善特區同《憲法》和《基本法》實施相關的制度和機制」,一副忠心愛國嘅架勢,實情係律政司有法不依,對天字第一號漢奸洋奴賣港賊明縱暗放,淨係對漢奸黎涉刑恐東方報業記者案拖足十八個月唔處理,就知佢哋眼裏既無「憲法」,更無「國家」。  {#icono_35}

律政司司長鄭若驊民望長期尋底,早有「墊司底」之名,證明市民嘅眼睛雪亮。鬼咩,喺佢「英明」領導下,律政司唔係捍衞法治,而係帶頭葬送法治。漢奸黎粗口辱罵兼恐嚇記者,全程有相有片,吟詩都吟唔甩,律政司手握檢控大權,居然遲遲唔肯將漢奸黎落鑊,唔係包庇邪惡又係咩呀! {#icono_39}

東方報業集團旗下《on.cc東網》時事評論節目「阿王辣爆」主持人王國興就講得啱嘞,受害記者唔係第一次,而係第十一次去信律政司要求交代檢控進度,律政司次次官話廢話連篇,一味以「徵詢法律意見」、「不評論案件」嚟迴避,以虛詞帶人遊花園,擺明違反自訂嘅《罪行受害者約章》裏面,十四天內回覆受害人嘅服務承諾。堂堂政府自毀長城,仲講咩捍衞法治、捍衞新聞自由吖。 {#icono_34}

講起上嚟都唏噓,林鄭呢頭大講特講「法治係香港最重要核心價值」,嗰頭就同反對派玩「大和解」,更搵着一個知法犯法嘅人主掌律政司,咁就難免令人質疑到底係咪買咗漢奸黎背後外國勢力嘅怕,係咪有份豁免刑事檢控嘅名單,而漢奸黎正正係榜上有名?定抑或鄭司長故意放水,換取反中亂港傳媒唔再狙擊佢嘅大宅僭建醜聞? {#icono0_34} {#icono0_35}

事實勝於雄辯,回歸以來,「愛國愛港一仆一碌,反中亂港招財進福」儼然成為特區主旋律,律政司對愛國愛港者判決從速從嚴,對反中亂港者就網開一面,佔中期間,向漢奸黎掟豬雜嘅三義士、執行職務嘅七警同朱前警司受牢獄之災,反觀漢奸黎刑恐記者,公然踐踏新聞自由,港府卻大歎慢板。有人形容以漢奸黎為首嘅牛鬼蛇神十足十攞咗古代嘅丹書鐵券,計功夫茶話齋,以前嘅免死金牌唔包「大逆」、「謀反」,家陣香港班漢奸公然播獨分裂國家,一樣毫髮無損,簡直恨死古人。  {#icono_85}

一句到尾,香港地港英餘孽同洋奴漢奸當道,正義傳媒備受打壓,維權無門,冤過岳飛,慘過竇娥,唔通真係要逼到東方報業參與反中亂港大合唱,先至可以得到當局嘅庇護? {#icono_86}

功夫茶

http://orientaldaily.on.cc/cnt/news/20181205/00190_001.html

回應 (0)
我要發表
user

最新回應

木水火
木水火 2018/12/13

Pik Keung Wong 琴日鬧山頂缆車站冇帳栅遮风雨話对待市民唔好,今日衝红燈想撞市民,唔知係乜医生嚟,正畜生???  {#icono0_41}

木水火
木水火 2018/12/06

Hoky Ho “就算出席亦無法否決”咁你就真係多餘啦~  {#icono_37}

...............................................................................................................................................................

Kam Fung Chan  呢啲叫犯民式言論自由囉   {#icono_39}

.

木水火
木水火 2018/12/04

何少麗  一個讀和教社會學的,不知發起羣眾活動的後果?一個是拿著美國護照的神的所謂使者,不知發起羣眾活動的後果?他們是為那隻羊在哭。無辜被牽連的至要傾家跳樓入獄的,這是愛與和平是神的旨意咩???不負責任的鱷魚淚。  {#icono0_38}

...........................................................................................................................................................

Rachel Hung  都唔知佢地哭咩?哭那些不知天高地厚的小子被佢地耍到團團轉,然後反社會、然後或坐監、或潛逃海外有家歸不得;之後仲美其名為「人生更精彩」,受牽連的學生,他們的家庭因而被迫分離,要哭的應該是這些父母。  {#icono0_9}

.