自我實現的衰退
美股在過去的一星期,持續大插,走勢十分樣衰。上週五美股朝早先造個「死貓彈陷阱」,之後就一瀉如注,更以接近全日最低位收市,認真慘情。杜指再插414點,收報22445點,跌幅1.8%,在過去的6個交易日,杜指累跌超過2100點;標普500指數上周五跌2%,納指大插3%。
美股上週五非常波動,全日成交量較過去20日的平均成交量接近倍增至151.8億股,主要係股票和指數期權和期貨到期(即所謂的「四巫聚首日」)所致。
總結美股全個星期,投資者更係「一公升眼淚」,杜指插6.9%,標普500指數跌7%,係2011年8月以來最大周度百分比跌幅。納指最傷,挫8.4%。
美股此前的強勢,主要由動能股FAANG股帶動,這幾隻股節節敗退,美股自然無運行,上週五,Facebook重挫6.3%,亞馬遜和Netflix跌超過5.4%,蘋果和Google母公司Alphabet回落超過3%,標普500指數科技板塊跌3%。
其實,除了整體科技股已經跌入熊市,甚至深度熊市之外,美股整體狀況頗為慘烈。繼納指及羅素2000隻小型股指跌超過20%進入熊市之後,標普400中型股指數上週五亦進入了熊市區間。上週五,紐約證交所和納斯達克就有逾2600隻股份觸及52周新低,係2008年10月以來最多的一天。
美國股上週五續跌,由幾個負面因表疊加所致。首先係美國總統特朗普為了國會不批出他所要求的50億美元撥款興建美墨邊境圍牆,與國會鬥氣,揚言不簽字通過預演算法案,讓政府停擺,市場擔心多個政府部門可能要在聖誕節關門,80萬公務人員無糧出,對股市造成重壓,結果政府真是要停擺,美國有7個部門起碼要關門至27日。
另外,由於中國在中美貿易問題上已率先釋出善意,重新開始購買美國大豆,亦大降美國汽車的關稅,特朗普亦大誇中美貿易談判很有進展,正當市場覺得中美貿易談判很有機會連成貿易協議之際,美國國家貿易委員會主任納瓦羅上週又突然中美貿易談判潑冷水,說除非中國同意對其經濟政策進行重大調整,否則美中兩國可能無法在90天談判窗口結束時達成貿易協定。消息拖累美股三大股指在最後一個小時的交易中加速下跌。
雪上加霜的是,國際油價跌跌不休,止不到血,紐約期油上週五續跌1%至45.42美元,已回到去年7月中旬的水位,要留意油價會否跌穿42美元,頂不住的話,隨時會跌返去2016年初的30美元水平。
美股近期的異常弱勢,與市場擔心美國在接連加息和貿易戰的困擾下,經濟可能出現衰退有很大關係。上週五,安聯集團首席經濟顧問 Mohamed El-Erian上網台節目時就警告,華爾街對經濟衰退過份關注,講得太多,反而會導致經濟退衰。
他上週五接受CNBC訪問時表示,對近期有關經濟衰退的言論,有點震驚,又話如美國經濟衰退的話,全球其他的地方的經濟也將劇烈地減速。對此,大家應該要特別小心,因為市場太關注,講得太多,將出現「自我實現」,帶來真正的經濟衰退。
他特別指出,「當前勞動市場強勁,目前美國失業率只有3.7%,平均資薪正在上升,商業投資正在上升,政府支出也在上升,經濟其實很難會衰退。」事實上,美國上週五公佈的第三季度GDP年度化增長3.4%,只是略低過此前預計的3.5%。雖然經濟學家場預第四季會放慢到2.5%,但2018年的經濟增長仍然係2005年以來最好。他認為市場對於經濟退衰的擔心是沒有根據的,至於股市表現,而投資者亦忘記了去年美股有多特別,去年美國有很好的回報,差不多沒有波動,每次的回調都對投資者有利,因為很快就回升。如果把這兩年平均起來,其實表現不差。我就覺得美國證券界日日講衰退,有逼聯儲局停止加息的味道,不過講得多,就愈來愈多人信了。
聖誕又到,預祝大家聖誕節快樂。
陸羽仁
明白讀者對文章質素要有要求,正因如此,這裡的回應人數/次數已作出反影,從前日日有人問問題,現在是日日有人在質問,祇是有或沒有提出來…我始終認為是能力問題,不是你提出,就能改善…
無論如何,市場會決定—切…
SIGH...
2018-12-26
Dow Jones Industrial Average (^DJI)
22,878.45 +1,086.25 (+4.98%)
A股變身擎天一柱
2018年12月27日
全球股市平安夜不平安,美國華爾街掀起拋風,杜指勁跌653點,跌幅達2.9%。到聖誕節各地投資市場隨即震盪,日股反應最得人驚,急插1010點,一舉跌穿20000點,跌幅高達5%。同日內地股市跟隨美股大幅低開後V彈,收市幾乎收復失地,只跌0.9%。市場傳言有國家隊入市。到昨日A股變動不大,上證綜指收市跌6點,報2498點;深成指數跌42點,收報7289點。喺各國主要市場中表現已經算硬淨,有小小擎天一柱味道。
特朗普有跛腳鴨感覺
美股呢鋪下插,主要係因為聯儲局被指加錯息同政府停擺,兩場大龍鳳總統特朗普都係主角。聖誕假期間佢留守白宮,百無聊賴繼續發炮,狠批聯邦儲備局主席鮑威爾,又重申若果國會唔肯撥款起美墨圍牆,不惜令政府繼續停擺。特朗普雖然聲大大,但明眼人會睇到中期選舉後,共和黨丟失眾議院後,總統要通過爭議性政策難度增加。喺1月1日後新議員上任後,特朗普好可能會有點跛跛地之感。
特朗普任期做咗一半,已經周身病痛,華爾街老牛有可能已經死亡。香港都好可能受衝擊,但本地股市除咗受美股影響,近年都受北風左右,若然內地吹暖風,咁香港都冇咁凍。從ADR所見,港股跌幅為390點,無美股同日股跌幅咁厲害,原因相信係同A股相對硬淨有關。睇番喺假期前,美股已經連跌幾日,恒指最後一個交易日最多跌331點,但就彈上全日高位收市,收報25651點,跌102點;國指下滑38點,維持相對強勢。
港股呈現抗跌力,其中一個原因係中央經濟工作會議指出,加快5G商用步伐,加強人工智能、工業互聯網、物聯網等新型基礎設施建設,帶動5G概念股上漲,京信通信(2342) 收漲7.3%,報1.32元;中通服(552) 收揚5%,報6.47元;中興(763) 收漲2.7%:中國鐵塔(788) 創上市新高,高見1.52元,收報1.51元,漲2.7%。當然,內地股市穩定對港股有好處,但如果美股再散,港股或多或少都會受累,只不過喺亂世之中,輸少已經係當贏。
股市立立亂,聖誕假好多人索性攞多幾日假外遊散心,呢個時候突然有人唱淡香港航空,形容公司危危乎。同中環茶友傾起,他坦言港航財政令人關注,呢個都係全球資金退潮造成現象之一,同時反映內資打入香港市場遇到的障礙。
茶友識得港航高層,年前對方仲有叫佢捧場,叫他買啲集團債券,當時呢啲債券息口有近10厘,在利率低迷嘅日子確係幾吸引,茶友雖然係穩陣派,但都買咗啲用嚟收息,當時心態係利息咁低,資產漲價,借錢畀人投資炒作,風險唔係咁大。但呢一年再有呢類高息公司債,茶友都唔係咁敢捧場,理由係全球央行收水,資產漲價潮好可能告一段落,這個時候就擔心利大本無歸。
海航套現減磅機會高
今次港航被人唱淡,原因之一係有公司債即將到期,因為債息飆升惹起負面傳聞。不過,茶友覺得呢個時候有呢類消息,唔排除有人落井下石。睇番港航出現負面消息,源頭係幾年前集團同系公司喺香港以超前價爭奪啟德靚地,結果用200億元連得四地,當時外界就有聲音批評公司過勇,質疑集團是否計錯數。此後,不利公司傳聞就停不了。隨著中央收緊民企海外投資,海航財政壓力有增無減,呢次再爆負面新聞,喺財政壓力咁大下,公司賣盤機會唔低。
茶友話,本地航空市場一直由國泰(293) 穩坐龍頭地位,差不多等同壟斷,其他公司根本無力挑戰。回歸前,喺內地人脈好強勁的曹光彪夥拍船王包玉剛組成港龍意圖染指,結果都係鬥唔過國泰要賣盤。幾年前,港航趁國泰喺燃油對沖出錯,大力進軍市場,憑藉平價資金優勢不斷擴張,對國泰構成好大威脅。不過,現時利息同資金供應環境逆轉,港航變成大打逆境波,相信好大可能要引進大股東泵水。由於本港航空服務,政府有嚴密監管,相信喺大股東現身前,都會全力維持運作。
港航股東隨時變,同屬海航旗下的香港國際建投(687) 仍持有啟德一個項目。本來海航好想保留項目自行發展,但隨著環境改變,市場估計母公司可能連最後一幅地都出售,甚至可能連國際建投都一併沽出,實行套現減磅。
陸羽仁
首先,陸羽仁絕對唔係報導員,佢文章係有佢自己的主觀看法的。
第二,當你定性佢為報導資訊的前題下觀看,你潛意識會對佢的一些主觀看法失去防備,我極度不建議,如果你要看財經整理報導的話,現在網上一堆。
第三,你知道頭條日報現時是香港最多人看的報張嗎?你知道每日有多少職場新鮮人不覺意經陸羽仁的文章去接觸財經,你又知道每日有幾多人因為頭條這間傳媒的無形公信力及陸羽仁的股評資歷而相信當中的內容?佢係有責任去提供有質素的文章。
最後,散戶也要有自己的要求,你今日對這些沒質素的文章視而不見,放棄批評發聲的權利,只會縱容佢寫出更沒質素的內容,我記得陸羽仁有一個長期支持的fans:依家控股,佢在我記憶中最後一次留言說,佢留意到陸羽仁寫的文質素開始下滑。很簡單的一個道理,我的讀者全都沒要求,維持現狀我已經可以保住流量,我又怎會去提升內容?
最後的最後,時至今日其實陸羽仁寫的文已經不能單單用沒質素去形容,講個近期例子,今年8月佢曾經推薦買入一隻股,3800保利,當時股價0.58,佢誇下海口說有機會升至1蚊,而支持佢的論點就是歐洲重新開放中國太陽能進口。首先歐洲內部太陽能需求早已飽和,中國太陽能模組雖然比較平宜,或許可以提升一點需求但基本可以忽略不計,簡單來說根本不可能就此提升多晶釸需求,而上遊主營開採組裝多晶釸的保利仍然面對著中國太陽能政策改變導致的多晶釸需求下降,價格暴跌。時至現在多晶釸的庫存依然暴上,價格依然低迷,再說保利過去幾年大舉借債推展業務,負債率續年上升至77%,面對行業不景氣,發債息率暴升,償還債務壓力山大,本來8月希望出售杭洲廠房亦以失敗告終,保利現時很可能要賤賣資產或以極高息率去補充資金,面對內外夾擊,試問保利股價如何因為以上的歐洲消息衝上1蚊?你知道嗎,佢連該行業的產業結構都未攪清楚就發表文章,這不是第一次,亦唔會係最後一次。
你要求沒有分析力,只能作云亦云的報導員提供具前瞻性的分析,會不會有點強人所難呢?
SIGH...
RE
//
animal666 本書話屎好食, 係咪就係好食呢
刺激下你先
//
Your conclusion is reasonable and in order...
For headline blog CEO's approval please...
2018...
SIGH...
animal666 本書話屎好食, 係咪就係好食呢
刺激下你先
股平樓貴難永續(大結局)
2018年xx月xx日 (xx:xx AM)
陸羽仁
金融High Tea——
股平樓貴難永續(下集)
2012-07-16
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。
不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。
大戶操控詮釋權
股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。
上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。
第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」
投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857) ,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。
股神都要順勢買
又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211) ,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。
投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。
第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。
這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。
散戶買股難長獱
當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。
前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。
第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。
有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。
靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。
陸羽仁
金融High Tea——股平樓貴難永續
2012-07-09
中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。
股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。
網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」
沽樓買股受重創
「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」
他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」
「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。
第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?
若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。
第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。
長揸平貨是正道
第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。
第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。
最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。
陸羽仁
陸SIR 你要繼續將我地收唔到的料過比我哋呀.寫多D比我地參考下.
SIGH
有人讀書, 有人讀屎片
SIGH
我講緊邊個呢, 估下啦.
讀書人要有讀書人既諗樣
SIGH
可能仲係提醒緊'上升'風險
究竟陸羽仁你可以無恥到怎樣一個地步,油價是由10月4日$76左右起跌,至今也不到3個月,你由起跌前幾日都還在不日日發文看好油價,你對油價分析是中線看好呀大哥,現在你跟讀者們說,跌穿$42會去到$30,哦,升了你就睇升,跌啦就睇跌,中間轉折一句都無正式去認錯,檢討,純粹做條牆頭草,究竟你有無諗到,信你讀者係真金白銀買的呀。
記得初初睇陸羽仁時,跟其他人討論說陸羽仁比其他股評有什麼好時都會說,陸羽仁懂得提示風險,好了,現在怎樣,你由今年4~5月開始到10月4日油價崩盤前,足足半年都看好油價!!我請有緣看到此留言的人們去將時間點圈出來,嚇死人的在整個頭部區不停叫人入貨!可能你會說一個巧合而已,建議你可以回到2016/02~03,2017/03~04和7月這些時間點去看看佢對油價的分析,前者時間點佢睇油價跌穿$20,并曾經叫人$7.6賣中海油,後者佢由油價反彈後跌至7月份$44都還在看空油價!!之後就是今年4月油價$70左右又!轉!看!多!如果你將這些時間點在圖表圈出來,可怕的畫面就出來了,高買低賣到一個極致,這四年用來反向操作基本0誤差,有點經驗的投資人都知道抓絕對高低位的難度有多高,陸羽仁可以連續反向抓到,從這角度就可以看到到底佢錯得有多離譜!回應開場說的,讀者們認為陸羽仁的價值:懂得提示風險,好了,現在你選擇在油價這位置提示風險,現在說油價跌穿$42會跌到$30,你這句說話分分鐘鐘是壓垮信你的散戶最後一根稻草!
2018-12-24
Dow Jones Industrial Average (^DJI)
21,792.20 -653.17 (-2.91%)
老尾性旦快落 .....
條友係前高盛人物,無老細落命令,唔會發報埋啲咁戇鳩嘅嘢。
正常啲嘅政客,會响經濟好景時要功(低迷時就無可避免地揹鑊),但一定唔會同啲好多時反覆無常嘅股市扯上關係。
不過既然特朗普以前經常响股市爆升時攞彩,而家暴跌緊係都要入埋佢數啦!
財政部出篇咁嘅癈話,加埋要炒聯儲局主席嘅傳聞,好大可能係反映緊特朗普'騰雞'(方寸大亂)
炒咁撚多人,私營機構一早執啦!仲要有好多部門首長職位懸空兩年,政府仲可以運作,都算係底子厚,亦因為有'冗餘'(system 'redundancy' as in engineering jargon)先至可以頂得主 - 而家個國防部長唔俾佢等二月即刻離職,都有人暫時頂替,就係例子;或者因為呢啲厚底子,政府運作先至比私營機構昂貴,加埋政府要受監察check and balance多過私營機構,所以唔好成日要求減稅細政府,就以為一定係好嘢,(反正無受監察嘅獨裁國家啲更加係大政府,就算唔使俾嘅稅都去晒俾貪污啦),公司可以執笠對你影響多數唔太大,但係政府執笠你就大檸樂嘞
HO HO HO 聖誕快『樂』 啦
自我實現的衰退?哈哈哈,與其話市場講得太多,都唔夠你財政部無厘頭、空穴來風咁爆一句出嚟,更加去實現衰退吧?
姆欽與六大銀行負責人通話指市場運作正常
Steven Mnuchin已認證帳戶 @stevenmnuchin1 15 小時15 小時前
Today I convened individual calls with the CEOs of the nation's six largest banks. See attached statement.
將軍,一月進場拎新年禮物
Good. 大市有救了.....
早