陸羽仁
陸羽仁
陸羽仁

中美形勢逆轉

2019/01/08 09:23:04 網誌分類: 經濟
08 Jan

週一美股反覆,先跌後升,尾市回順,杜指升98點,收報23531點,升幅0.4%;標普500指數升0.7%;納指升1.3%

中美兩國代表在上月兩國元首會面以來,在北京首次面對面進行貿易談判,市場預期雙方會達成某程度的協議,全球股市轉趨穩定。

美國總統特朗普及其幕僚近日都表示中國由於貿易戰,令到經濟走弱,所以急於要與美國進行談判。特朗普在上週日、談判舉行前夕在白宮對記者說,「我相信中國要解困,她們的經濟不行,成為她們要談判的很大誘因。」而美國商務部部長羅斯昨日更表示,關稅令到中國在阻止社會騷動方面造成困擾。

不過,老美分析界的看法卻並非如此一面倒,例如美林美銀的經濟師表示,美國發動貿易戰,在目前而言,中國受到的傷害可能比美國深,但由於中國能夠推出大量的刺激措施,例如剛剛就宣佈全面降準,放水救市,中美的情況,將可能逆轉。正如不少經濟學家已經預測,美國隨著減稅及增加開支的效果逐漸退減,下半年經濟增長將會放慢,預計經濟增長會低於2%。而貿易戰向來就是一套「七傷拳」,傷人亦傷己。蘋果上週宣佈由於中國經濟受到貿易戰的衝擊而轉弱,直接令到蘋果的營收將不及預期,股價跌到七個一皮,連累美股大跌,顯示美國企業及經濟受貿易戰的打擊正逐步浮現。

特朗普不是傻仔,他當然見到近期美股以至經濟的表現已經今非昔比,顯得危危地,亦急需要與中國達成某些協議去救救市。他猛吹中國輸得很慘,在談判期間又派出軍艦到南海攪局,都是他一貫盡量「逼對手埋牆角」的談判技巧。這也是市場預期中美雙方會達成一定程度的協議的原因。

歐洲工商管理學院經濟和政治科學教授杜特(Pushan Dutt)日前接受CNBC訪問時就認為,中美難以達成全面協議,美國希望中國改善強制技術轉移、智慧財產權保護方面的措施,但由於這是中國國家經濟發展策略的一部分,美國難以如願。但他估計,中國為了爭取更多的發展空間和時間,將會作出些許讓步,所以中美談判會有少許協議,這對全球股市造成支撐。

講講油價。昨日支撐大市的,主要係能源股,標普500指數能源板塊升1.2%。在石油出口國組織(OPEC)及俄羅斯等非OPEC產油國的減產支持下(石油生產國聯盟同意由今年11日開始每日減產120萬桶),國際油價繼續攀升,紐約期油逐步脫離日前創出的年半以來低位42.53美元,昨日再升1.7%至每桶48.77美元。不過,要留意的是,高盛並不太看好油價後市,高盛的分析師Damien CourvalinJeffrey Currie上週日表示,基於今年開局高庫存比較高,差過預期的需求以及低成本產能的提高,預計今年原油市場會維持在較低水準,把2019年布蘭特原油平均價由此前預測的70美元下調至62.5美元一桶,而紐約原油的平均價則由64.5美元大幅下調至只有55.5美元一桶。

陸羽仁

回應 (13)
我要發表
Andy188
Andy188 2019/01/09 08:58:03 回覆

中美重未開完會, 股市還有借口升一浸 {#icono0_2}

kathleen
kathleen 2019/01/09 08:53:57 回覆

2019-01-08

Dow Jones Industrial Average (^DJI) 

23,787.45 +256.10 (+1.09%)

前收市價 23,531.35
開市 23,680.32
成交量 317,423,120
今日波幅 23,581.45 - 23,864.65
52 週波幅 21,712.53 - 26,951.81
平均成交量 384,587,419
animal666
animal666 2019/01/09 06:29:35 回覆

大行一改價 弱股馬上插
2019年01月09日

  港股昨日微升38點,股份明顯個別發展,部份股份被大行唱淡急插,資金繼續流向避險股同地產股。

  大行唱淡立竿見影

  中美進行第二日貿易談判,會前雙方努力營造良好氣氛,副總理劉鶴早一日閃現會場,表現友好姿態,又傳中國會再買美國農產品。不過,按正路今輪只係副部長級會議,主要聚焦點係增加中國入口美國貨議題,按道理唔會達成全面協議,除非特朗普又有出格行為,即時拍板話搞掂,否則最多都係搞吓階段性協議,或者發聯合公報製造吓良好氣氛。港股亦在觀望,未能一鼓作氣衝破26000點。恒指收報25875點,升39點;國企指數收報10133點,升9點,成交745億元。

  昨日有兩隻大股插得好應,一隻係吉利汽車(175) 股價及相關新聞 ,單日大挫11%,收報10.22元。另一隻係小米集團(1810) 股價及相關新聞 急跌7.5%,收報11.1元。兩隻股份大幅回落,都係因為有大行唱淡。

  吉利畀麥格理發表研究報告調低盈利預測,報告話,吉利2019年銷售目標為151萬輛,大致按年持平,同時計劃年內將吉利品牌分銷商,由約1000間減至約800間。麥格理估計,喺銷售持平同競爭加劇下,2019及2020年毛利率預測分別下調1.4個百分點及1.6個百分點,加上經營成本上升,2018至2020年每股盈利預測分別下調10%、31%及36%,評級由「跑贏大市」降至「中性」,目標價由24.7元削至11.9元。

  另一間大行德銀都話,吉利2018年銷量及2019年銷售目標低過該行預期,並指出近期市場關注公司至2018年底止存貨上升。

  大行調低吉利預測另一個原因,估計係同公司發表新業務目標有關。實際上吉利去年開始反映行業見頂影響,股價由28元大插下來,到O依家市值差唔多唔見七成。汽車係周期循環性行業,盈利相當波動,在盈利增長時給予高市盈率當係增長股,係非常危險的事。現在大行分析員見到資料數字先調低預測,多少有點滯後,只能話係面對現實,但醒目資金應該一早沽貨,過完年更加速減持。從吉利今年五個交易日均下跌,累跌達25%,可見到全面拋售水平。或許持貨多的基金去年底忍住唔沽,以免自己沽低股價,拖低基金整體表現,一過完年翻開新一頁,就斬纜離場。

  吉利現時市盈率7.1倍,息率2.5厘,數字上幾吸引,但車市逆轉,利潤可以跌得好快,所以歷史數字唔可靠,美好盈利前景嘅舊夢不須記,加上估值又跌,變成兩面都縮,股價於是插完再插。從中線角度睇,吉利已大幅調整,一輪拋售後唔排除會超賣反彈。由於車市仍在尋底鞏固,業績唔會一時三刻扭轉,要撈底可慢慢候機會分段吸納。

  另一隻逆市急跌嘅係小米,小米再試新低,理由有兩個,一個係今日係小米上市半年,部份投資者及員工認購權喺上市半年後解禁,對股價有壓力。另一個就因為有大行唱淡,德銀發表報告指,該行最近與小米管理層會面,認為公司正努力應對宏觀困局及智能手機市場轉弱等環境,兩者均為公司盈利帶來下行壓力,認為隨著禁售期在1月9日完結,加上短期逆風或會令股價受壓,但今年下半年勢頭或會復甦,維持「買入」評級。該行將小米2018及2019年按非國際會計準則計算,每股盈利預測分別下調3%及27%,目標價由21.4元降至18.6元。摩通亦將小米目標價由18元大劈至10.5元,評級由「增持」降至「中性」。

  特首降溫地產股照升

  大行回歸現實,大幅下調過去睇好股份嘅目標價,股價立刻下插,說明投資者風險胃納好低,資金繼續避入防守性股份,形成強弱兩極。中國鐵塔(788) 股價及相關新聞 急升6%,收報1.55元,有大行匯證亦加入唱好。其他5G概念股如中通服(552) 股價及相關新聞 收揚6%,報6.82元;京信(2342) 股價及相關新聞 收漲5.3%,報1.59元。

  財政司司長陳茂波指出,會綜合考慮四項因素,研究調整按揭成數,市場憧憬樓市減辣,令地產股再升。雖然特首林鄭月娥出來降溫,差唔多講到唔會改變按揭成數,變相插波哥。但覓地小組無料到,加上市場睇死政府喺經濟唔好下,唔敢向樓市落重藥,地產股成為避風港。長實(1113) 股價及相關新聞 獲李嘉誠基金會增持,股價收飆3.3%,報62.5元;新世界(017) 股價及相關新聞 收揚3.1%,報11.18元;嘉里(683) 股價及相關新聞 收升2.2%,報28.15元;新地(016) 股價及相關新聞 收升1.1%,報119.5元;恒地(012) 股價及相關新聞 收升1%,報41.6元;信置(083) 股價及相關新聞 雖然只漲0.4%,報14.38元,但去到一年高位。地產股累彈都幾多,再追就要小心股份回頭,但從成個板塊呢輪表現,說明香港做地產喺大家心目中係無得輸。

  陸羽仁

 animal666
animal666 2019/01/09 01:35:07 回覆
@門徒...

DLLM

SIGH...

 animal666
animal666 2019/01/09 01:34:19 回覆
@kaka422617...

DLLM

SIGH...

 animal666
animal666 2019/01/09 01:33:13 回覆
animal666
animal666 2019/01/08 22:37:34 回覆

IG market 升到洪洪聲...

SIGH...

 animal666
animal666 2019/01/08 19:14:23 回覆
@大戶終結者 ( 等人齊 )...

讀者不是傻仔,回唔回應,無人可以逼,相當自由…

SIGH...

大戶終結者 ( 等人齊 )
大戶終結者 ( 等人齊 ) 2019/01/08 18:47:35 回覆

回應形勢幾時逆轉?  {#iconb_61}

門徒
門徒 2019/01/08 16:43:33 回覆

各位好 {#iconb_62}

kaka422617
kaka422617 2019/01/08 12:49:37 回覆

各位好

 animal666
animal666 2019/01/08 12:08:00 回覆

大熊要探訪,又點會被侵侵同維尼阻止到呢? {#iconb_389}

大市玩完了… {#iconb_286}

SIGH...

大戶終結者 ( 等人齊 )
大戶終結者 ( 等人齊 ) 2019/01/08 10:18:23 回覆

{#iconb_62}

user

最新回應

Sparky
Sparky 2019/10/14
@大笨袋鼠...

袋鼠有心,
更重要善心。

政府没有。

大笨袋鼠
大笨袋鼠 2019/10/14

講一講對攬炒睇法。而家有啲KOL講一樣好實際嘅問題,乜嘢先至叫做攬炒?

好多人直接理解為解放軍入城,一國一制,引發『支爆』(呢度係借用部份示威者用詞,呢個術語免除一大段解釋,找晦氣嘅去揾嗰啲我愛攬炒嘅連登仔,唔好揾袋鼠)

但係攬炒其實係可以好多形式,最廣義形式,而家已經攬炒緊;之前袋鼠好誇張話係可以全世界炒埋一碟;但係有人亦只係要一眾香港高官及部份大陸官員,共享大灣區繁榮… 呢次唔多講其他攬炒形式,就講最後呢一個,因為呢個係關乎於美國參眾兩院將審議通過《香港人權及民主法》

順帶一提,講咗好多次,重要嘅地方係參眾兩院,唔係白宮(除非唔夠大多數通過法案)

一國一制,唔係中國話過算,而係要外國經濟利益持份承認先至有得玩(又係講好多次)。美國係以香港關係法,承認香港獨立關稅地位,嚟玩呢個一國兩制,中國、美國及香港都各得利益(各地內部如何分配係另一回事)。如果反起面上嚟,美國當然直接取消香港關係法便是了,但係唔會主動咁做,因為正如大陸除咗幾架軍車遊街靠嚇,結果暫時都唔會用解放軍入港,因為咁做係直接『攬炒』,各方利益即時玩完,與及即時變數難測(例如如何撤橋)。

《香港人權及民主法》,其中一個做法係每年檢討香港獨立關稅地位,但另一方面有制裁名單,制裁呢樣嘢就彈性大好多,有需要就同你玩制裁、個別人士凍結資產,仲可以玩吓一國1.5制,有別於直接取消香港關稅地位咁一舖清,就算最終一拍兩散,都係提供緩衝時間

香港啲KOLs及訪美說客唔係傻嘅,條法案只係一個里程碑,所以都叫啲後生仔要好好活下去,鬥長命

Sparky
Sparky 2019/10/13
@小貓愛情觀...

各位市民,唔好人講中央你又言必中央,
首先你唔係趙家人,另外你要搞淸你所指係邊個中央:

中央人民政府;
中央軍事委員會; 定係
偉大光明正確嘅黨中央 . . . . . .

大笨袋鼠
大笨袋鼠 2019/10/13
@Bigmomo ...

{#icono0_49}

已更正 (但係都唔符合國情?)

原文再補充民間捐款,當中支援包括海外升學