華爾街施壓

2019/03/08 08:54:54 網誌分類: 經濟

08 Mar

美股昨日再插，杜指連跌4日，昨日再跌200點，收報25473點，跌幅0.8%%，標普500指數跌0.8%；納指跌1.1%。美股昨日可以講係接近全軍覆沒，標普500指數11個板塊，只有公用股微升0.3%，其餘全部見紅。其中跌得最多的是金融股，跌1.1%。包括美銀、高盛、大摩及花旗都跌近1%。標普銀行股票基金（SPDR S&P Bank ETF) 下跌1.6%。

美股昨日大跌，表面睇原因係歐洲央行昨日結束議息會議之後，宣布維持現有利率不變之餘，還下調歐元區今年的經濟增長預測，令到投資者很憂心全球經濟放慢所致。

歐洲央行行長德拉吉表示，歐元區經濟已有適度的增長，亦會延續至今年，不過，由於地緣政治因素帶來持續的不穩地、保護主義抬頭以及新興市場走弱的影響了經濟信心，逐把歐元區今年的經濟增長預測由去年12月的1.7%大幅下調至1.1%，不過仍比歐洲經合組織週三預期的1%略高。

另外，歐洲央行宣布維持現時的借貸利率0-0.25厘和存款利率負0.4厘不變，並推遲多年以來首次加息的時間，歐央行原定於今年夏天結束後就會加息，現在宣布起起要在明年才會加息。最惹人注意的是在議息聲明中提出會推出TLTRO-III措施提振經濟。所謂TLTRO（ targeted longer-term refinancing operations ），是歐央行由今年9月起至2021年3月止，每季提供低息的兩年期貸款予歐元區內的銀行，讓銀行有一個更好的信貸環境，可以更容易貸款給其客戶，借此刺激實體經濟。今次是第三次，第一次在2014年，第二次在2016年3月。

歐央行雖然推遲加息，並推出刺激經濟措施，但大削今年的經濟增長預期，令投資者擔心歐洲經濟以至全球經濟放慢，歐股全線下跌，歐洲三大股市分別跌0.4%至0.6%不等。歐洲經濟不好，又推遲加息日期，歐債和歐元匯價即插。尤其係歐羅，兌美元由昨日朝早高位1.13美元，直插至1.119美元，推升美元指數上升0.7%至97.62。

對於歐央行的救市行動，摩根大通資產管理部亞太區首席市場分析師Karen Ward認為，歐央行貨幣政策正走美國聯儲局同一路線，有越趨寬鬆的勢頭。不過，她認為應該可以幫助穩定歐元區的經濟信心及活動，但力度不足以阻止歐元區經濟持續下行。她補充，歐央行應該仿效北京目前大刀闊斧的做法，經濟活動才會出現顯著反彈。

不過美股近期持續下跌，除了從高位借勢調整之外，恐怕還有華爾街對美國總統特朗普表態的味道。中美談判轉入直路，但有美朝峰會觸礁的例子在前，誰能保證中美談判不會觸礁。股市是短視的，我唔信美股下跌，是因為市場怕中美貿易協議不完整，不夠保護美國公司的知識產權。華爾街大戶，最怕特朗普突然反枱，中美破局。所以近日美股一星期內從高位回吐3%，與其話消化了中美貿易協議，不如話華爾街向特朗普施壓，叫他不要玩嘢，好好醜醜都達成一個協議。試想而家話有協議市場都回吐，若然無協議，個市跌10%、20%有何出奇。面對股市下跌，特朗普就更想中美有協議。

陸羽仁

回應 (36)

我要發表

animal666 2019/03/11 06:30:39 回覆

中國狂牛唞唞氣
2019年03月11日

　　上周五中港股市齊插，恒指跌551點，收報28228點，跌幅1.9%，算係近期較大幅度調整。不過相對內地股市，港股跌得唔算多，當日上證指數勁插136點，不但跌穿3100點，連3000點大關都守唔住，收報2969點，跌幅達4.4%。內地股市跌幅比香港大，應驗咗股市升得急就會跌得快嘅定律。

　　當日跌浪橫掃完亞洲後，去到歐美就開始退潮。美股開市前公佈2月美國非農就業數字，新增職位僅2萬個，遠差過市場預期嘅18萬個同及1月嘅30.4萬個，係17個月以嚟最低。差勁嘅就業數字，令杜指期貨開市前已跌逾200點，杜指早段最多跌過220點，其係跌幅收窄，最終微跌22點，報25450點。美股跌得少，相信係因為之前回落得比較多，上周五冇再大插。

　　出口大跌外資腳軟

　　外國投資者將中港股市大跌，歸咎於中國遠差於預期嘅出口數字。中國海關總署上周五公佈，中國2月出口按年下跌20.7%，遠差於市場預期嘅跌4.8%。出口急跌，令中國2月貿易盈餘大幅縮減至41.2億美元，遠少過市場估計嘅263.8億美元。澳盛銀行(ANZ)嘅大中華首席經濟學家Raymond Yeung話，呢個數字預視中國貿易開始出現衰退，佢認為短期內好難見到中國出口會有大幅反彈，因為環球經濟狀況唔好，令亞洲出口比較疲弱。

　　外資重視中國出口數字嘅影響，但對內地股市下跌原因嘅睇法就有啲差異。雖然宏觀經濟數據，好似出口下跌會觸發市場下跌，但上周五股市跌得咁多，主要都係以下兩個因素。

　　第一係「沽出」報告，中國金融業兩大龍頭中國人保同中信建投，上周先後被中信證券同華泰證券睇淡，給予「沽出」評級，令兩隻巨股上周五跌停板，拖累金融板塊大跌，牽一髮動全身。由於中國嘅證券行市場報告，特別係針對大公司，都以「買入」為主，「沽出」報告十分罕見。當出現「沽出」報告，殺傷力特別大。

　　第二係官方態度似有輕微轉向，有「沽出」報告並唔不奇怪，但有官媒頭版評論話，「沽出」研究報告應該成為常態。同時亦有幾間銀行，因為違規資金流入股市被罰。3月7日銀保監會台州監管分局就因為貸款管控不嚴，處罰咗兩間銀行。當日廣東證監局召集相關證券部門負責人傾計，話證券公司唔能夠為場外配資提供便利。

　　官方取態左右大市

　　市場估計係由於2015年中國出現牛市時，場外配資盛行，其後股市崩潰，所以今次官方機構警告銀行唔好再支持場外配資。官媒對「沽出」報告嘅態度，同埋監管機構針對場外配資，市場視為官方希望股市降溫嘅信號，導致聰明資金馬上逃出，觸發股市大跌。

　　比較經濟宏觀因素同股市微觀因素，內地股市受宏觀因素影響較少，受微觀因素較大。經濟唔好嘅時候，中央都會全力承托股市，所以出口唔得，經濟唔好，反而唔係股市大跌嘅原因，中央態度更為重要。當有好多微觀消息，令市場覺得中央對股市有戒心時，就會觸發短線資金離場。

　　內地股市最近的確升得較急，由1月低位2440點，花咗兩個幾月就飆升到3129點，升幅達28.2%！股民對舊年熊市記憶猶新，一直唔敢放膽入市，見到有咩風吹草動，就急忙沽貨走人。上周五呢種一日跌4.4%嘅狀況，其實唔難理解，係升得急都跌得急，再加上人心脆弱而已。O依家真正問題係，究竟呢一輪A股牛市行情，係咪已經喺短短兩個月內玩完，未來股市又開始下滑？或抑牛市行情仲未走完，未來仲會再創新高？

　　內地一啲股評家提到，內地雖然有「沽出」報告出現，但唔表示股市馬上會大跌。喺2007年3月22日，中信證券發報告強烈睇淡深發展A股，2014年6月30日，光大證券都發表針對伊利嘅沽空報告。雖然兩份報告令相關股份股價急跌，但就迎嚟2007年同2015年嘅大牛市。今次又會唔會歷史重演呢？我睇關鍵都係要分析官方態度。

　　市場最大利好因素，反而係疲弱經濟。中國除咗出口數字疲弱，剛公佈嘅2月生產價格指數(PPI)都好弱。中國2月PPI按年升0.1%，低過預期嘅0.2%，上月都係升0.1%，顯示生產價格指數極為疲弱。

　　經濟疲弱被迫托市

　　中美貿易談判去到最後階段，但未必一定會有協議，但中國經濟數字繼續急速下滑，中央一定要全力承托經濟，承托股市，甚至穩住樓市，係承托經濟嘅重要部份。

　　中央見股市近期升得太急，唔想出現瘋狂大牛市，例如場外配資太多，調控一吓都好正常。不過，當覺得股市會大跌時，相信中央不會坐以待斃，會出手扶持。新上場嘅中國證監會主席易會滿，上任唔夠一個月，內地股市回升，被視為佢嘅重要政績，如果轉眼暴挫打回原形，恐怕佢嘅官位都唔會坐得穩。

　　中央唔想股市升得太急，更加唔想股市大跌，最好係股市能夠健康慢牛發展，股市升得太多就要唞一唞，之後再向上，只要股市軸線能夠維持上升，一定會對消費同投資有拉升作用。短期而言，內地科創板即將推出，如果喺大市大跌嘅一片哀嚎聲中開市，恐怕會相當諷刺。中長期而言，中央有意將中國發展成金融強國，提高全球資本市場地位，喺政策面上一定有好大支持，所以相信中央往後仲會陸續出招承托股市。

　　大市調整分段低吸

　　如果上述睇法正確，估計今次調整應該唔係中國股市崩潰嘅開始，即使想短炒看淡的話，等中美達成貿易協議後先睇淡都未遲。因此，今次調整反而係入市良機。如果怕有風險，可以買入大型指數股，有息收嘅會更好。進取一啲就可以分注買入華夏滬深300指數(3188) ，佢對內地股市走勢比較敏感，上落幅度都比較大，但要留意嘅係，收益率只有0.9厘。

　　想穩陣一啲，就可以買恒生H股指數基金(2828) ，息口2.4厘，但對內地股市走勢冇咁敏感。短期而言，大市上周五回落，可能仲會有一浪下滑，如果想買入上述股份，應該分段去買。買指數股好處係萬一睇錯市，跌幅唔會好似個別股份咁大，仍然可以守，長線仲有機會重返家鄉。

　　陸羽仁

2019/03/09 22:16:26 回覆

陸sir，可唔可以用新加坡峰會做藍本，玩得絕啲 ${#iconb_223}$ ，特朗普邀請習近平到莊園高峰會面，特朗普事前又係講好多好說話，晚餐食完，跟第二日午餐反枱，話中國未有俾足夠條件去簽協議，不過就同習近平仲係好老友；預咗星期一華爾街大跌市，日日微訊話中國唔夠誠意，將日後跌市、甚至經濟衰退，都入晒中國數，哈哈哈哈… 華爾街亦都將會無乜撚壓可施

2019/03/09 21:53:09 回覆

Kathleen

https://hk.news.appledaily.com/international/daily/article/20170228/19942505

大戶終結者 ( 等人齊 ) 2019/03/09 15:15:20 回覆

金管局入市接15億港元沽盤 2019年03月09日 (09:51 上午)

// 港元匯價今早約6時觸發7.85弱方兌換保證，香港金管局在市場買入15.07億港元，以捍衛匯率機制，為去年8月以來首次再入市承接港元。

本港銀行體系下周二的戶口結餘降至約748億港元。

上次入市日期為2018年8月28日，由2018年4月12日開始，共27次入市，買入1034億港元。

2019/03/09 08:25:28 回覆

黃家駒真是太可惜了，不過這個日本小哥唱得也很好啊，很有家駒的味道。 ${#iconb_263}$

2019/03/09 08:13:59 回覆

袋鼠，you have a good weekend, too! ${#iconb_524}$

2019/03/09 08:12:15 回覆

2019-03-08

Dow Jones Industrial Average (^DJI)

25,450.24 -22.99 (-0.09%)

前收市價	25,473.20
開市	25,347.40
成交量	270,496,061

今日波幅	25,252.50 - 25,466.14
52 週波幅	21,712.53 - 26,951.81
平均成交量	340,517,166

2019/03/09 01:12:59 回覆

Kathleen，have a good weekend! ${#iconb_524}$

2019/03/09 01:18:59 回覆

@animal666...

應該會係非常之平…… 唔係平貴個平，而係平坦個平

更加好大機會，成個地方變咗『自然野生保護區』… 唔會有樓賣，即係好似烏黑蘭切爾諾貝爾、或者日本福島

https://nuclearsecrecy.com/nukemap/

PS 不過擔心吓香港附近啲核電廠先啦！ ${#iconb_280}$

animal666 2019/03/08 23:22:40 回覆

如果美國導彈打中香港中環會變成點...

啲樓會唔會平啲???

2019/03/09 00:43:53 回覆

同一首曲譜，用兩個唔同語言填詞，十分之難可以完全相同意思。Beyond嘅《海闊天空》當年填埋日本詞。袋鼠唔識日文，不過大慨就算填國語詞，應該填唔到一模一樣嘅字，唱唔出黃家駒用廣東話叫喊『原諒我這一生不羈放縱愛自由』那種豪氣。Ben sir/教授應該會同意吧

-----------------------------------------------------------------------------------

雖然同樣係中島美雪嘅曲，李克勤先生填嘅粵語詞，中島さん填嘅日文詞，卻完全係天堂與地獄嘅差別

柏原芳恵 - 最愛 (字幕付き)

周慧敏最愛

10年多前有位女網友，晚晚都用情歌歌洗版，話唔定柏原芳恵版本係最合形容佢當時心情… 唔知十年多後嘅今日，會唔會經歷到好事，佢嘅心情變成玉女嘅粵語版。

大戶終結者 ( 等人齊 ) 2019/03/09 00:35:07 回覆

食糊與止蝕

2019年03月08日 (09:58 上午)

陸羽仁

animal666 2019/03/08 23:24:33 回覆

中原城市領先指數 CCL

日期 Date	中原城市領先指數 CCL (所有成份屋苑)
2019/02/25 - 2019/03/03	172.24
2019/02/18 - 2019/02/24	171.91
2019/02/11 - 2019/02/17	170.87
2019/02/04 - 2019/02/10	170.39
2019/01/28 - 2019/02/03	169.95