各師各法（二）

學習粵曲, 最簡單的方法, 就是跟唱片, 錄音帶（錄師父）唱到同原帶原碟一樣, 又可玩吓卡拉OK, 都算自得其樂矣！

不過一埋鑼查（現塲音樂）就問題多多了ｏ首先D掌板大哥, D鑼鼓唔跟原碟, 如果唔學番些小, 一才, 二才, 段頭之類, 好易俾人玩死也ｏ此時就需要個師父教唱之餘, 教番幾招鑼鼓旁身也！整個 截DO 撐撐 的撐, 都識入至得也ｏ

教得深入D就要知綁王結構, 平子喉收腔, 什么收合, 什么收尺, 一定唔錯得也ｏ初學者, 合 尺 上 的音也分𣎴清, 只有跟足原帶唱ｏ人地呀就呀, 人地医就医, 医錯咗, 隻歌就冇得医了ｏ

再叻D要有人教你基本唱工, 例如呼吸, 用声, 發口, 五音四呼, 真係好鬼多嘢要學者也ｏ

至於學到要玩腔, 抑揚頓挫, 非要識工尺譜不可矣！否則如何記低d腔口呢？又如何去學習名家的唱腔呢？此乃高級班的課程矣！

至於能默寫工尺譜, 真係要下一番苦功至得, 一般唱家都無此本領也ｏ（以黄SIR之孤漏及寡聞, 見盡多少所謂名唱家！都不外如是！）

黄SIR初學粵曲, 個老師上課, 話明隻歌佢聽都未聽過, 跟住用小提琴拉D音, 叫大家唱, 咁都得！佢有两位助教, 兩公婆, 又係話到明唔識唱, 琴晚去咗打牌, 都係理由, 又係撞吓撞吓, 簡直浪費時間, 結果成班同學一於大逃亡！但到今時今日呢位老師依舊桃李滿門！

此又係各師各法又一例也！