嚴師出x徒

最近有位補習老師打傷了一小朋友, 被官判坐監ｏ黄SIR教書大半生,從未敢柄D衰仔, 理由是本人身懷絕學, 驚住一嘢手重, 打鬼死人, 咪边度都唔駛去！

有時教人, 真係好鬼勞氣, 講極都唔明, 真係冇佢咁好氣！五行欠丙！

黄SIR退休後, 學呢學路, 又遇過一D所謂嚴師ｏ

學粵曲, 有位嚴師, 見黄SIR打板, 唔係好似佢咁, 一嘢一嘢由上而下拍落枱面, 而係好似水撥咁左右咁掃 （而家黄SIR叻到用心板矣！）居然大声媽义我, 認為我有意同佢作對ｏ誰料佢此生, 一嘢就失去了我這個高徒矣ｏ這位老師的問題是她水平太低, 自視太高, 最令黄SIR打退堂鼓之處, 是她唱得實在太難聽了！嚴師出不了高徒！嚴師又要有料至得！

黄SIR學舞又一樣, 遇到一個EQ有問題的女士, 成鬼媽义D學生,發晒癲（可憐仲有D儍瓜以為佢緊張D學生！其實係佢自已心理不平衡！有病！）唉！咁鬼冇耐性, 又教泥做乜, 又錢小, D學生資質又低, 嚴極都出唔倒高徒啦, 嘥氣！

有D老師, 根本EQ  IQ 乜Q都有問題, 你不幸跟佐佢學嘢, 你真係有排痛苦了ｏ

唔好以為嚴師一定正呀！唔啱自已就一於散啦Ｉ