嚴師出x徒（二）

黄SIR初學粵劇, 真係體驗到學嘢的困難, 交咗學費, 成個月在一旁練水袖, 乜都冇教又有ｏ一個唔該要執私鐘又有, 真係學吓關目都要收錢, 行两步到台前, 又要私鐘至教, 三百五文私鐘, 都冇乜料到, 仲要隨傳隨到, 变佐做人地嘅ETC（私人提欵咭！）ｏ嘩！直程當黃SIR係羊牯！

仲要睇人面口, 有次排練, 居然叫黃SIR去買汽水俾D音樂佬飲, 做埋雜工？真係何苦來哉？立即决定散水！唔玩至上算也ｏ

可憐見有些儍瓜, 俾人擺咗上枱, 唔見錢仲冇埋尊嚴,俾人鬧到隻狗咁ｏ有D所謂嚴師滿口鬼話, 鬧你係想你好！教你係因為你有潛質！其實主要是, 想兇完你之後, 再擺你上枱掠水而已！

唔係個個老師咁有道德水平者也（黃SIR就万中無一矣！又EQ高！又IQ高！乜Ｑ都高過人！）尤其是戲曲行, 當D學生係羊牯,也屬理所當然者也ｏ

有D戲曲老師冇嘢教, 基本功都未教好（可能佢唔識！）教人拋曲（記餐死, 驚餐死！何苦來哉？） 做手（學任劍輝寒背？肉唔肉酸D呀？）ｏ做靚衫（D衫跨張到笑死人冇命賠！去國歸降個旦, 玩到有支羽毛在頭頂, 成個阿德莉夏萍在MY FAIR LADY咁欵！笑死人冇命賠也！）ｏ當D學生係提款機都有, 冇錢想出SHOW？難矣哉！

出泥玩, 都要玩得精D至得嫁！