9~15/5 250天線好淡角力

港股低開低走破位而下呈大陰燭, 大舉屠牛, 形勢不妙

9/5 周四恒指收報28311, 大跌692點(最多下跌721點), 失守28800.28500大位

今日港股雖然急瀉, 但國指跑贏恒指, 為今個月首度出現, 國指係港股今次大跌浪的元兇, 國指有異動可能係有淡友回補空倉, 尾市港股急跌插穿28300, 似係有短炒淡友刻意隊大市落去, 想係明日加關稅揭盅前食胡, 目前28000樓下只得小牛, 大鱷不會為了瘦牛而插穿關鍵大位, 明日可以炒下反彈先, 只要上証彈高好友就有藉口推高大市, 扮守得住28000, 等牛牛養肥再隊過,

人民幣弱雞, 持有相關資產會蝕匯價, 熱錢爭相撤離中港股市, 好明顯港股年初的升勢已逆轉, 股災市勿估底, 通常支持位都支持唔住, 國指率先失守100及250天線, 預示恒指亦會跟隨, 牛熊分布嚴重失衡, 牛多熊少利下殺 (4437熊 VS 9944牛), 貼價牛命危, 今年首季港股升到你唔信, 每次上到關鍵阻力位就窒一窒, 等熊熊入局就爆上, 如今係翻轉版, 係跌到你唔信, 每次落到關鍵支持力位就窒一窒, 等牛牛入局就插水

投資者憂慮中美貿易談判, 資金流入債市避險, 日圓匯價亦向上, 反映市場避險情緒升溫, 人民幣續瀉, 形勢不妙, 不過疲弱的國指今日突然跑贏恒指, 睇盤路明日中港股市會有反彈, 因為今日低見28282, 非常接近回吐一月升浪的0.382倍28223, 下周一佛誕假期, 未來一周有權重股公布業績, 我佛慈悲, 佛誕前夕快快打開逃生門! 假期前後例牌大龍鳳, 市況會特別波動, 到下周二復市小心老外又會經滬深股通再沽過

明日滬深股通關閉, 老外冇得沽A股, 沽壓會減輕, 係阿爺出手護盤的最佳時機, 好友會借勢反擊, 反彈阻力28500.28800, 趁死貓彈打開逃生門就要好好掌握

10/5 周五恒指收報28550, 升239點(最多上升522點, 一度下跌108點)

點升上黎就點落番去.繼續尋底屠牛之旅

國指再度轉弱, 可能有淡友趁反彈上28833再沽過, 死貓彈完再尋底, 向下站站停係養牛引好友入局, 收跌月不會在月初這麼早見底, 如周末冇好消息, 長假期後港股就死得, 今日已大幅反彈, 假期前後例牌大龍鳳,

燈神梁蛇連日走淡倉, 淡倉今日已沽清, 代表大市未見底, 要看好友會否守住28000(250天線), 如果落到呢個水平就有逾2000點月波幅, 雖然未見底, 不過已夠水位俾短炒大鱷轉身, 按照慣性走勢, 通常落到整數大位29000.28500.28000.....都會彈一彈, 可能係有淡友食胡, 亦有可能係大鱷想養牛熊, 再擇肥而噬

佛誕長假期復市破日出現驚嚇的一棍, 港股洗倉式大插, 形勢進一步惡化

恒指插穿28000及250天線秒殺肥牛即彈, 收窄跌幅呈陽燭

14/5 周二恒指收報28122, 跌428點(最多下跌625點), 失守100天線

人民幣表現是港股升跌指南針

長假期復市港股要追回中美股市的跌幅, 今日港股裂口大幅下挫補跌, 惟即市回補下跌裂口, 大市收窄跌幅, 人民幣潛行凶間，為免蝕匯水, 老外只好繼續沽貨走鬼, 不過大媽掃貨, 只要明日大媽繼續入貨, 有助港股作出反彈, 港股好少全周日日跌, 市弱通常升1~2天再跌過, 市強才會升3天, 本周要留意能否重上關鍵位28500, 如打回頭就要破底

今日港股暴跌插穿28000關鍵大位, 大市已累積龐大跌幅, 超賣, 回補空倉買盤或會湧現, 阿爺亦會救市，不過港股仍未有見底跡象，博反彈係逆勢操作，只能做快閃黨，過夜風險高，因為由今年1月展開的大升浪玩咗4個個半月，15/4見頂30280回落，不會跌3個星期這麽快就收工吧! 向下27800.27500.27260.27000..... 級級落, 當上証落地獄港股就會深潛, 因為兩地股市通常係同步見底頂

15/5 周三恒指收報28268, 升146點(最多上升319點), 收復100天線

肥牛已全軍覆歿.全城看淡.逼死好友就彈高.死貓彈完再尋底

上証急升重上2900, 推動港股反彈呈陽燭, 港股雖然收升, 但沖高回落, 抹去逾一半升幅, 反映沽壓沉重, 不過大鱷用拖字訣, 刻意咬住28200來養牛熊, 昨日港股大插屠牛2248張後, 牛熊分布已均衡, 大鱷要引多些牛熊入局才會出手

國指走弱壓住大市, 要國指轉強才能穩住大局, 今個月港股反艇, 恒指由高位回吐逾二千點已做夠一般月波幅(股災或會有三千點), 肥牛已死得七七八八, 要磨到養肥牛牛才會落27800.27500.27260....收跌月通常會在該月下旬創新低, 即係後市會插穿27925

阿爺及大媽護盤, 上証急彈重上2900亦令淡友有戒心, 可能有淡友在250天線食胡, 推動港股收升, 昨日平保資管亦掃工行H股, 上証冇再創新低, 所以恒指亦冇隊穿27925, 當上証再下試2838港股就危

好友大鱷想反擊, 但市弱沽壓大, 現階段未有利好消息, 想大幅高開高收畫陽燭難, 所以大鱷就出古惑畫假陽燭, 頻頻玩先低後高, 本周得以日日收陽(收窄跌幅/壓低開再踢高), 畫靚幅圖想穩住市場信心, 扮守得住28000來溫水煮蛙式派貨, 待養肥牛牛再插過

QQ業績禍福難料, 今日大鱷踢高港股有可能係好友想係QQ今晚公布業績前推高大市避險鬆人, 今年一月開局恒指RSI及唔少股份都係落到現水平就拗腰向上, 所以亦有可能係短炒淡友食胡回補空倉, 並非見底, 中美反檯係極利淡訊號, 不會跌二千點就收工

今日港股反彈全靠阿爺護盤, 大媽亦繼續掃貨, 老外沽盤收斂, 好友大鱷就乘機推高大市, 向上擴大周波幅, 不過今次跌浪最多升兩日又會再跌過, 今日彈第一天, 要數住手指來博反彈, QQ及上証表現係港股升跌的溫度計

港股暴跌皆因人民幣大瀉, 而今個月港股的升跌韻律就跟足在岸人民幣當天收市表現, 當人民幣下挫，港股就大跌，如果中間價開市跌, 收市轉升, 港股亦會跟隨拗腰收升,

由於人民幣表現難測, 加上今個月收市U盤多數向下走(擴大跌幅/收窄升幅), 自從港股於4月中見頂回落以來, 多數係彈散, 只升1天又跌過, 最多亦只係升2天就反艇, 繼續尋底

~~~~~~~~~~~~~~~~~~~~~~~~~~~~~~~~~~

中港股市要人民幣止跌回升才會改善, 要密切留意人民幣匯價, 今個月有大量成份股除息一直拖低期指, 不過由明日起, 匯控.中聯通等成份股會陸續除息, 期指大低水情況有望紓緩, 不過六月期指又會再受除息拖累呈大低水, 代表後市仍會有新低

周一(13/5)道指低見25222, 拖累周二港股低見27925(今年二月中低位), 國指低見10665(今年一月尾低位), 反映國指比恒指弱, 係跌市元兇, 上証低見2838(今年一月尾低位), 留意中港美三地股市今次都係同步創新低, 所以港股後市破底抑或彈高就要睇中美股市表現, 一如日前所說, 美股是打不死的, 急跌亦會急彈, 道指26000雖然攔路, 不過25500亦有無形之手護盤, 美企業績後回購亦對美股構成支持, 但貿易戰中國處於下風, 中美談判反檯利淡人民幣及中港股市, 港股低處未算低,

可能係阿爺出招護盤, 上証今個月8天當中只得3天收2900樓下, 今日港股冇再創新低, 為失守29000以來首度出現, 今日港股出現底頂上移及恒指恐慌指數急跌等回穩訊號, 可惜消息面利淡, 港股仍然係升市成交細, 跌市成交多, 收市U盤向下走, 反映沽壓未除, 扮守得住28000可能係養牛引好友入局, 再等利淡催化劑出現做藉口殺跌

大市跌勢只係暫時喘定, 落地獄時辰未到就炒下反彈先, 港股沽空連日急增, 而樓下牛牛亦快高長大, 代表大市不會磨太耐，好淡大鱷會再分勝負，向上阻力28500~28800, 遠肥熊在29000附近, 不過受上周四(9/5)下跌裂口28891~28945保護, 不進則退, 仍有兩周才結算, 下殺危機未除，當牛牛養肥就插得, 向下27800.27500.27260.27000..... 級級落, 點升上黎就點落番去