Netflix教訓

2019/07/22 08:43:05 網誌分類: 經濟

22 Jul

上週五全球股市，主要受美國利息走向左右，上週四，紐約聯儲主席威廉斯話預防勝於治療，聯儲局應該「盡快行動」，使到市場對聯儲局月底可能減息0.5厘的期望大幅升溫，推動全球股市造好，港股上週五打破近日的悶局，升303點，升幅1.1%，日經仲勁跳升2%，歐洲股市亦有進賬，其中德國微升0.3%。

不過，升浪返到去美國，杜指高開120點之後橫行，下午開始走下坡，尾市倒跌68點收場，收報27154點，跌幅0.3%；標普500指數0.6%；納指跌0.7%。美股上週創歷史新高之後，無力再上，見紅收場。杜指全周累跌0.6%，標普500指數子納指齊跌1.2%。

科技股及金融股係拖累美股的主力，標普500指數科技及金融板塊都跌超過0.5%，美國5大科技龍頭股FAANG全部跑輸大市，亞馬遜比現較好，跌0.7%；Facebook、蘋果和Google母公司Alphabet跌1.2%至1.5%不等，最差的是Netflix，勁跌3.1%。

Netflix上週四公佈業績，第二季盈利每股60美仙，高過市場預期的56美仙，營收49.2億美元，略低過預期的49.3億美元，但期內新增用戶只有270萬戶，遠差過預期的500萬戶，尤其係美國用戶不增反減少了130萬心戶，而市場預期係增加37.2萬戶。美國現時正進行「串流大戰」（streaming war），亞馬遜及迪士尼近期分別啟動Amazon Prime及Disney Plus同Netflix競爭，電影數量沒有Netflix多，但勝在月費便宜，自然吸走Netflix很多顧客。Neflix公報業績後，週四股價勁插10.3%，在過去的7個交易日，Netflix股價由384.3美元急滑至上週五的315.1美元，已累跌了18%，非常恐怖。呢個故事教訓我哋，科技公司無論做得幾好，都會惹來強勁對手，用不同的模式和他競爭。

正如我上週都提過，美股雖然創新高，但杜瓊斯運輸指數跟不上，甚至背馳，按傳統的「杜氏理論」，這個升浪的底氣不足，對後市不能過分樂觀。科技巨頭近排的表現，已經反映到美股危危地。

美股上週五回軟，都係減息預期惹的禍，主要係就在威廉斯放鴿之後，有紐約聯儲代表隨即表示，威廉斯的言論無意對聯儲局即將採取的政策行動作出暗示。很明顯，聯儲局要澄清其政策，做些期望管理，預先告訴市場，聯儲局在7月不會減0.5厘。睇美國聯邦利率期貨的當天的交易數字顯示，市場認為7月底減息0.5厘的機會由上日超過7成大幅降低至只有22.5%，減息0.25厘的機會回升至7成以上，市場氣氛隨即轉淡，有股票恐懼指標之稱的VIX指數上升近7%，美股亦由當日的高位回落，以接近全日最低位收市，由升轉跌。

陸羽仁

回應 (81)

我要發表

木子 2019/07/23 08:39:54 回覆

袋鼠大哥：

到此為止吧。一陣間陸sir出新網誌，就一切翻過去啦。一般來說，我很少為同一議題跟人喋喋不休的。正如我之前咁講：大家講的都只係俾同道人看，其實邊個都改變唔到立場不同的。講太多就變成為意氣之爭，好無謂。加上你身邊有個插科打諢的，哈哈哈~我都唔知點回應好。

最最重要呢度係陸sir地盆，唔知陸sir介唔介意。言下之意，歡迎到舍下地盆賜教。哈哈哈！

2019/07/23 08:29:48 回覆

2019-07-22

Dow Jones Industrial Average (^DJI)

27,171.90 +17.70 (+0.07%)

前收市價	27,154.20
開市	27,174.20
成交量	226,949,931

今日波幅	27,088.90 - 27,227.77
52 週波幅	21,712.53 - 27,398.68
平均成交量	270,408,095

animal666 2019/07/23 08:21:09 回覆

黑人 2019/07/23 06:51:24 回覆

黑衣人,黑警,黑衣人,黑警,黑衣人,黑警, ${#icono0_18}$

包 2019/07/23 02:48:46 回覆

暴力係解決唔到問題。智慧與愛才能令到香港有光明。元朗事件，係黑衣人先主動出擊，主動挑釁在先，這是否一場有預謀既政治炒作？網上有傳，那位女士並非孕婦，到目前為止，據説，入院人士，並無孕婦。係現今世界，充滿著暴力與謊言，願這些東西遠離香港。

2019/07/23 02:00:09 回覆

@包...

K-i,

要感激你段沒還有精神為香港祈禱，在此求神帶領你行當走的路，亦能使你遠離邪惡，明辨是非…阿門

SIGH...

2019/07/23 01:18:20 回覆

K-i，算啦，唔好諗咁多，袋鼠開始睇得明你個故仔條紋路；你應該係時侯去好好休息一吓，臨瞓前飲杯水。針住你講成個鍾，對唔住

2019/07/23 01:10:17 回覆

K-i，你有無留意自己寫咁耐寫緊乜？你好似係想將啲責任，推晒落黑色衫示威者，用嚟正常化白獅衫（舞獅白衫）嘅打人暴力行為？

上環示威者嘅暴力，同元朗著白獅衫嘅暴力，本質唔同，但係唔多分析，講多都膠

其實簡單一句，你反對上環啲示威者嘅暴力，但又想認同元朗白獅衫對付街外人嘅暴力？

2019/07/23 00:57:50 回覆

@包...

你又學埋777Ｄ野，揀來答，

首先，我無睇Tvb，我睇NOW 同CABLE...報導係成班〈人〉帶武器入車廂見人就打…正常情況下，有〈人〉向你施襲，你會點？有人就地取材還擊有何不妥？白衣〈人〉隻隻手持武器你見到嗎？

幸運地，施襲者中有—〈人〉因打人興奮過度心藏病發…

SIGH...

animal666 2019/07/23 00:41:45 回覆

大笨袋鼠

大笨袋鼠 2019/07/23 00:26:48 回覆

k-i，就算當你個故仔完全正確，但係關嗰個俾人打到仆底嘅白裙大肚婆乜事呀？？

佢哋認住嗰個大肚婆講過要拆人祠堂、之前打傷元朗人？？抑或係嗰個未出世BB？？

咁其他車廂被打嘅其他人，又係話拆人祠堂、之前打傷元朗人？？

Brother kangaroo...

佢哋今次打錯人係要扣錢...

唔夠專業...

2028...

SIGH...

2019/07/23 00:44:37 回覆

木子，你之前係咪曲線問袋鼠，定係真係問袋鼠？ ${#iconb_272}$

同溫層另一個特點，係否定科學家、專家意見。反種疫苗係咁，否定氣候變化又係咁。

表面睇沈旭暉誇張咗，但依據法律定義，元朗單嘢，係有定性恐襲嘅原素 - 無差別攻擊、製造恐慌；當然，最終係由律政師起訴時決定。倫敦之前有單恐襲，有用車，但跟住主要係用刀捅人，性質相似。2017年西敏襲擊事件

包 2019/07/23 00:35:46 回覆

首先，據我所知，香港係無CCTVB。我從Tvb既新聞睇到，係黑衣人先用消防水射白衣人，呢種行為會唔會令人受傷呢？我唔知。但我知道，呢個行為係極端挑釁既行為，即係撩交打。另外，聽講，有白衣人中左磚頭，唔知生死。黑衣人手上係有武器。有香港警察俾黑衣人手持既武器所傷過。何議員既議員辦公室被暴力攻擊，為何反對派沉默？為何社工界無視？為何教育界無言？為何傳媒界好似覺得無野？然則佢地反對甚麼暴力呢？為香港祈禱，願香港平安。

2019/07/23 00:30:13 回覆

我發現呢度有幾隻丁蟹…

SIGH...

2019/07/23 00:26:48 回覆

k-i，就算當你個故仔完全正確，但係關嗰個俾人打到仆底嘅白裙大肚婆乜事呀？？

佢哋認住嗰個大肚婆講過要拆人祠堂、之前打傷元朗人？？抑或係嗰個未出世BB？？

咁其他車廂被打嘅其他人，又係話拆人祠堂、之前打傷元朗人？？

2019/07/23 00:24:10 回覆

@包...

K-i,

1.白衣人為左保山墳祖祠而襲擊人，你信嗎？山墳距地鐵有多遠？你在他人店鋪前被打，人家說因你想打劫該店，所以先打9你，可以嗎？

2.被襲擊的人中沒有孕婦，哈哈…你沒有懷孕，就可以任人施襲嗎？

3.CCTVB見到白衣人先出手打人…手持鐵通的是誰？誰拿武器入車廂？受傷的是誰？

最後，真係要DLLMCFH...

SIGH...

包 2019/07/22 23:58:07 回覆

現時有一些學者為博出名，亂up24，係可以理解。有人話呢場係教仔行動，有人話，就算無家教，都唔需要黑社會來教。我覺得今次係政治事件，由於政見分歧，先係口角，繼而動武。一早說過，遠離政治，生活愉快。

animal666 2019/07/22 23:57:14 回覆

k-i

k-i 2019/07/22 23:51:42 回覆

元朗事件，經過我係網上搜集返來既資料，一，有人話黑衣人之前重傷一個元朗人，又有人話黑衣人想入元朗搞人山墳祖祠，令到白衣人好憤怒。我網上睇返來，我證實唔到。二，現場沒有大肚婆，呢一點，都係網上睇返來，我唔知真定假。三，呢場係一場械鬥，雙方互打。從Tvb既新聞睇出，係黑衣人主動出擊，到達元朗，雙方先係言語互相攻擊，之後黑衣人不問自取，用消防水攻擊白衣人，跟住白衣人反擊，黑衣人唔夠打。

DLLMCFH...

SIGH...

2019/07/22 23:56:08 回覆

@...

大笨袋鼠，好佩服你咁有心機對住幾隻牛彈琴，道理我看得明，但始終認為要牛懂欣賞袋鼠彈琴，聽懂人話，比叫林鄭徹回修訂條例更難…

SIGH...

animal666 2019/07/22 23:56:06 回覆

其實警察同黑社會唔應該咁friend...

2028...

SIGH...

包 2019/07/22 23:51:42 回覆

2019/07/22 23:46:06 回覆

沈旭暉:元朗衝突屬恐怖襲擊

k-i，你有信報戶口，可以post link ${#icons_girl2}$

暴動？恐襲呀 ${#icons_girl2}$

2019/07/22 23:40:08 回覆

木子

你只不過係咪想講廣東話叫『同溫層』，英文就echo chamber之嘛？呢啲西方政治都講唔少。香港都成日講點解CCTVB以致大多數傳媒歸邊嘅問題（唔單止星島、東方，亦包括蘋果）。個別人士明唔明？唔好問袋鼠點做。

首先講套片，你彈嗰套片係黑傘戰白獅衫，佢本身都唔係故事全面呀。

班白獅衫一早已經响雞地聚咗成個下晝，出面亦都『教咗』幾個返屋企嘅示威者，於是網上call勇武派支援，先至出現該場面。如果你得知嘅故仔唔同版本，即本分享吓

好老實講，出路一直都係响政府手，唔係响示威者一邊。呢個係制度上本身嘅力量不衡。

呢條出路已經成日講，但通常俾人話無謂執著；原理係乜？俾個提示你，你聽過出師有名未？

每遲一日唔肯做，民怨越積越多，訴求只會有增無減。不過剛剛聽陶傑講，時機已過。噚晚元朗毆鬥一事，政府處理嘅態度，好難叫人相信獨立調查委員會嘅公信力。

其實 2019/07/22 23:10:33 回覆

被問及為何不將元朗事件定性為暴動，林鄭月娥表示，就暴動定性與否對日後工作沒有意義，對抗警察才能定性為暴動，沒有警察在場，沒有對抗，不能定性為暴動！

2019/07/22 23:03:53 回覆

木子，睇錯回應，唔好碌走住。暫時信住你先。

小熊維尼 2019/07/22 22:52:16 回覆

石鏡泉在星期六電台節目已透露會有流血事件，還以為他是先知，原來獻計正是石老！

木子 2019/07/22 22:09:57 回覆

比喻啱唔啱都係你講架嗟。話人無恥都好似係你地的專利。哈哈！

係咁先啦。我就算唔介意對牛彈琴，但都唔想牛對住我彈琴。 ${#icono0_24}$

2019/07/22 22:32:03 回覆

警察明明叫人隻揪，又揾外援黑幫偷襲，無恥至極… ${#iconb_316}$

SIGH...

木子 2019/07/22 21:22:23 回覆

哈哈，既然所謂平民同警察隻抽，奇就奇在打打下又話警察唔幫佢地喎。咁係唔係屬於精神分裂呢？ ${#icons_boy2}$

2019/07/22 21:11:56 回覆

@木子...

木子比喻相當貼切…

武鬥－政府同人民比武，警察找平民隻揪，怕唔夠打，情商黑幫助陣，最後不知鹿死誰手呢… ${#iconb_38}$

SIGH...

木子 2019/07/22 20:24:48 回覆

大笨袋鼠大哥，

木子依然係以前個木子，珍珠都無咁真。帳號依然係舊的，只係無用好耐，帳號同電郵密碼都唔記得左，所以一直登入唔到。后來找回帳號密碼，但電郵就依然無法登入(可能被回收了)。後來身痕，諗住改過個電郵啦，結果就係依家咁勒。

既然大家都早認識，知道都唔係不講理的，我才多句嘴。我前文叫你 “思考”，其實真無諗住獲得你認同。事件發展到今日，資訊舖天蓋地，其實大家都在找彼此鍾意聽鍾意睇的，在為自己所思所想找支持。根本不能改變對方也不會認同對方的信念。黃的依舊係黃，藍的依舊係藍，改變不會太明顯。只不過以前彼此爭鬥體現在選票，依家就改為武鬥罷了。事態發展都咁樣，係必然的，只會繼續惡化。到底武鬥係唔係出路呢？好值得思考。 ${#icono0_28}$

2019/07/22 20:14:10 回覆

@...

明白了，不過我覺得呢類人會覺得普通人、孕婦都係抵打，頑石不可能點頭…

SIGH...

animal666 2019/07/22 20:08:15 回覆

特衰政府準備分區戒鹽...

由人持的解放君接收...

功成身退...

Blood is...

for sure...

2028...

SIGH...

2019/07/22 19:43:33 回覆

@...

除非係長期埋伏，或者個戶口被淘寶，否則 k-i 呢個係舊網友，轉藍絲帖少說話係佢嘅style

佢唔會轉色架嘞。有意思啲嘅地方就拆吓招、討論吓啦

PS 不過見普通人被打，而施襲者又唔係黑衫，可能動搖一吓，今日少咗轉帖囉 ${#icons_dog10}$

2019/07/22 19:31:13 回覆

@...

${#icons_dog1}$

2019/07/22 19:30:41 回覆

消防局及救護站分佈位置圖 (有電話)

https://www.hkfsd.gov.hk/chi/enquiry/distrib/

最好早啲返屋企，否則去唱K過夜

另外，可以留意有無教堂開夜

2019/07/22 19:26:38 回覆

@爆...

爆兄，人地可能收左維費架，全天候上來護主無乜唔妥喎…

SIGH...

2019/07/22 19:08:47 回覆

只想對主內的肢體説，凡動刀的，必死在刀下。任憑死人埋葬他們的死人，我們跟從主耶穌吧。

（袋鼠兄：咁樣嘅回應先係我認識嘅袋鼠兄 ${#icons_dog10}$ )

2019/07/22 18:56:35 回覆

小貓兄，未問過地頭蟲入元朗賣水，你想死咩？ ${#iconb_65}$ 賣寶礦力仲死多幾錢重 ${#icons_dog10}$

老網友，要花多少少心機覆

上星期某五毛講嗰句『人多大聲就啱晒』，你頭一段只係將呢個觀點擴張成文。只不過話『市民做嘢警察唔可以理, 唔可以拉, 拉咗都要無條件放人』，而家啲白獅衫仲未有人送頭，真係形容得幾貼切。其實有時唔知你係真曲線定係假曲線寫嘢。

不過有一點袋鼠會同意，若果係單單觀察當現時場環境，嗰兩個警察應該要避一避去call增援，而唔係即時介入；但係呢一個論點忽略一個客觀事實，就係上星期元朗某黑幫已經醞釀鬧事，噚日下午已經有白獅衫人街頭聚集，已經有人一早報警，傍晚網上社交媒體亦廣傳，叫人唔好去元朗車站（有人要『老豆教仔』），要去嗰頭就第二個站轉車或搭的士，或留市區上網吧或唱Ｋ。呢個客觀事實，及之後車站內嘅毆打事件，只有兩個解釋，抑係低估嚴重性（但係你睇港島嗰邊啲機動能力，警察無咁弱雞嘛），抑係就係愛理不理。

袋鼠的確唔應該用『放怠』形容，呢啲係放縱

（唔好用啲警察去晒上環，嗰度call晒你30000個警察？）

你可以話呢個係袋鼠主觀觀點，但係就算你依然覺得警察係好委屈，更多人已經同意你所講，噚晚單嘢，失去對警察能力嘅信任 — 今晚啲新市鎮啲大商場提早關門係最好證明（唔使等林鄭宣佈宵禁）。另外，你肯留意一吓社交媒體，已經有消防及救護提出佢哋會對有需要市民，實行服務誠諾。（雖然講明唔會同你捱棍）

當然，你可以繼續相信，香港係一向都可以好自由咁，隨便入元朗賣冰凍飲品賺大錢嘅嗰一種世界

直撥消防處救護車調派中心電話：
2735 3355　要求緊急救護服務
2723 8787 control 熱線

爆 2019/07/22 18:36:55 回覆

@包...

你講緊個啲元朗白衣人？嗰啲連大肚婆都打至重傷的（人）？連普通市民都打的人？示威者從來沒有打大肚婆和市民，你點兜呀？定係你認為打大肚婆和市民冇問題？

包 2019/07/22 18:27:18 回覆

想到最近多起騷亂，明明是有人主動向警察衝擊，卻將那些激烈行為合理化，說是政府迫出來的。又說是警方向示威者施以暴力。

https://www1.hkej.com/dailynews/culture/article/2196630/%E9%A1%9B%E8%80%8C%E5%80%92%E4%B9%8B

反對派係香港有很大的勢力，正在有組織有計劃地抹黑香港察警。