持老就賣老

老人家的弊病（超伯一D都冇！）就是老氣橫秋！持老就賣老！一開口就是我食塩多過你食米 （咁你咪好鬼咸？）行橋多過你行路！（乜你唔識搭車咩？）

跟住講, 我舊時（屎）唔係咁溉！（立即冇計傾啦, 大佬！我點知你舊屎係點嫁？吓？）

有D老嘢, 十分討厭, 又頑固, 又盟塞, 又不能接受新生事物！你遇到D咁嘅人就非常大劑！唱粵曲？嘥錢！ 跳舞？攬身攬世！寫BLOG？乜傢伙泥嫁？有壞人！好易被騙！

日日怨天怨地, 怨全世界都冇人理佢！（大佬（姐）！你咁溉性格, 人地點同你玩呀？乜都嬲得一大餐, 乜都唔肯試吓, 就打沉人！又小氣！又固執！又EQ低！

相信老人之中, 此類人, 大有人在, 食唔捨得食, 着唔捨得着, 玩唔捨得玩, 成鬼日自困愁城！拒絕了這個美好世界, 成為自閉一族！可憐兼可笑也！

要得夕陽無限好, 切勿惆悵近黃昏！（黄SIR D文采又泥啦！）

老是人生必經之過程, 而老的感覺只是比較而言, 據云在老人中心,有D百幾歲的婆婆, 叫超伯做超仔咋！

相信能常保赤子之心, 是防老的一大妙法！