老當益壯

老當益壯, 通常都係同窮且益堅一齊用, 意思好明顯, 係鼓勵D老嘢,老咗唔駛怕, 老咗會越來越壯健, 後生時做唔倒的事, 例如跑馬拉松呀, 去参加三項鉄人賽呀, 老咗就有可能做倒了, 因為老當益壯嘛！

壯哉比言！不過可惜只是文人多大炮之語而己ｏ人只能老當益衰, 是不能老當益壯的, 請恕黄SIR率直, 老當益壯是違反了人類健康的鉄律, 人只會年紀越大, 機器越壞！年紀大了, 眼又𣋡！耳又聾！又點可能越來越壯吖！吓？

如果你唔化, 係要同黄SIR駁, 我只能指出壯是壯, 不過唔係呢個壯字, 係將D老嘢埋葬個葬字！唔聽教！趁地淋啦！

人生中之生老病死, 乃必經之路！老是必然之事！但幻想吓老而彌堅也未嘗不可！好似黄SIR初初退休, 以為仲可以在粵曲粵劇創一番事業！誰料出得幾次SHOW之後, 發覺都無謂自欺欺人矣！唱歌做戲, 雖然黃SIR天生靚聲, 靚樣, 但起步太遲, 变了終身無望矣！奈何？

至於奢望老當益壯？車！好難矣！

玩得两玩, 使晒D錢, 想唔变埋窮且益堅就有鬼矣！你地點睇？吓？