查小欣 - 啟德億元單位 | 查乜料

　　樓市撒辣，買家趁機掃貨，好友項明生是「磚頭粉絲」，在香港、日本、內地都有樓揸手，他又心癢部署入市，拉我做伴，由內地睇樓睇到香港，這天乘韓國藝術家姜錫鉉在啟德新樓盤The Henley舉行「守護者般的星辰」畫展，場地又是首次公開的第1座頂層特色單位，睇畫順便睇埋樓，一舉兩得。

　　姜錫鉉國際知名，是不少名人藝人的偶像，爭相收藏他的藝術品，包括周杰倫、林俊傑、防彈少年團j-hope、全智賢等，這次他親自從韓國飛來介紹他的作品，當然要去朝聖。

　　搭地鐵去，從啟德站D出口行過去，約五分鐘就到，方便，大廈流線型設計，外觀吸睛。邊賞畫邊參觀這個逾千三呎單位，三房兩套，所有房間眺望維港、俯瞰即將落成的香港新地標「啟德體育園」，橢圓形的主場館外牆幻彩紫色，舒服悅目，忘記了那個風水大師話主場館像個聚寶盆，有利聚財。主人房用落地玻璃，景觀更廣闊，忍唔住不停在窗前打卡。

　　向來着重洗手間的設計，主廁客廁都配套齊全，全雲石用料，簡約時尚。衣帽間和工作間都好實用。

　　另外仲有一個六百幾呎的私人露台和逾千呎的私人天台，附近沒有更高建築，私隱度高，參觀時，正值黃昏magic hour，睇住鹹蛋黃太陽西下，好寫意。

　　遇上中原地產一姐劉瑛琳也來了，樓市暢旺，她開單開到手軟，佢話The Henley是不少「西餅客」的目標。何謂西餅客？即大手買半打、一打單位的樓客。

　　據知隔離B單位，成交價8500萬，業主已入伙。咁究竟這個A單位叫價幾多？答案是：招標，意向價每呎7-8萬，嘩，計吓條數，這單位分分鐘會成億元成交。

查小欣