1~5/11 爆邊上攻屠熊

2019/11/01 17:08:15 網誌分類: 經濟
01 Nov

人民幣轉強, 11月開局港股先尋頂, 展開屠熊之旅

27000.27366.27500.27800(關鍵阻力位).28000.....

熊熊扯住大市上山, 要留意貼價牛何時登場

11月係大波月, 恒指不會少過1500點月波幅, 只要有好消息, 由低位26500/26800彈1500~2000點亦唔奇, 關鍵在上証表現/中美貿易談判進度/香港暴亂, 如果今個月收升, 就會係月初尋頂, 見短頂回落, 月中整固, 11月下旬再上

有心人於10月下旬咬住26800上下300點穿梭是為了穩住大市來結算, 是受制於10月已確定的月波幅25522~27027框架內, 但11月開波就係另一局, 要爆邊才能營造新一個月的波幅, 不能一直以為27000及250天線/9月頂27366阻力大必定會掉頭, 其實只要有新消息或者有肥熊, 又或者上証造好/大媽掃貨, 都係爆邊挾淡的藉口

由於10及20天線湧緊上去26800水平, 不進則退, 所以好友不得不出手, 而且周初港股回吐時放生了很多熊, 所以過去幾日大鱷特登壓住大市升勢, 扮受制於27000, 目的係想引多些BB熊入局才爆上, 結果一如大鱷所願, 27100向上聚集了幾千隻熊, 一路排到上27800, 已經養到肥肥白白

10月一如所料,有無形之手睇場, 會挾住高位結算, 唔畀亂港淡友奸計得逞, 香港呢兩個月猶如恐襲,但金融市場卻企定定,恆指連升兩個月,挾屎淡友, 大媽護盤手影明顯

結算完收27100, 好靚仔, 向上突破,今日係畫圖日, 好友畫陽燭力守周一開市位26770以及上周五收市位26667, 大幅拋離呢個水平收, 推升誠意十足

阿爺好.港股好, 上證雙底回升利好港股,港股升跌主要受資金流及上証權重A股及滬港通所影響

我已經講左無數次, 中港美三地股市多數係同步見底頂, 道指於15/10高見27120後掉頭回落, 回調整固後, 28/10升穿27120, 高見27167, 其後繼續向上推進, 而恒指亦同步於18/10高見26985後掉頭回落, 回調整固後, 28/10升穿26985, 高見27005, 其後繼續向上推進, 港股何時掉頭回落就要睇實道指及上証幾時見頂

利好消息方面, 傳聞由於美國參眾兩院手頭上仍有百多宗未審議的事項, 短期內應來不及通過《香港人權與民主法案》, 如果係真, 就有助警方平亂

~~~~~~~~~~~~~~~~~~~~~~~~~~~~~~

周四(31/10)黑期/月結當天港股小幅高開後急升閃上27009後收窄升幅, 收報26906, 升239點, 散戶見大市沖高回落, 即刻飛撲入市造淡, 但卻忽略了多個利好訊號

周四恒指升239點, 創14/10以來最大單日升幅, 是一大突破

周四(31/10)上証低見2923, 非常接近21/10低位2917, 連跌3天, 而上証通常連跌3或4天就反彈, 所以周五可能會止跌回升, 結果周五低見2917, 雙底回升, 單日轉向, 倒升收市, 並重上2950水平, 和我的預測一致

周四得悉美國減息, 以往港股未必升, 但今次香港銀行跟隨減息, 隨即刺激地產股急升, 推動港股向上, 我曾經講過, 估市唔好凈係睇金融板塊表現, 仲要睇住屋仔, 如地產板塊大跌, 港股就大跌, 如地產板塊大升, 港股就大升

周四滬港通無論老外或大媽都係掃貨, 人民幣創兩周高位, 工建行向上突破, 都係利好訊號

周二三大鱷已吃了兩口牛, 我曾經講過, 按照慣性走勢, 如升勢或跌勢未完, 通常轉向偷食1~2口就會返回原有方向, 而10月下旬我一直提醒大家港股有大媽睇場, 誓要挾屎淡友, 即係10月尾係推高結算, 代表港股原有路線係向好, 所以係反覆上升

~~~~~~~~~~~~~~~~~~

睇市主力不應凈係睇指數表現, 要睇上述的測市指標(未寫晒, 仲有其他, 唔得閒寫), 各項指標於周四都係明顯向好, 周四如果單單見沖上27009打回頭就造淡就俾大鱷陰到喇!

28/10高位27005, 29/10高位27027, 31/10高位27009, 1/11高位27102, 每次升穿27000都係少少破頂就回, 係養熊引淡的手法, 亦係想將頂部逐步上移, 係畫圖手法

亂港幕後黑手一直想有人死亡來掀起暴動高潮, 但到目前為止香港暴動冇死人, 香港人亦已適應了在戰場生活, 馬照跑, 股照炒, 港股9~10月俾無形之手托左兩個月, 市況亦已穩定下來, 吸引買盤進場

本來頂埋10月尾期結後大市可能會回吐, 但周四五出了多個好消息, 所以買盤湧入食晒沽盤, 港股連升兩天,

國指好, 恒指好, 國指一直咬住100天線唔放, 已代表恒指早晚會重上27000(100天線), 10月恒指已做夠月波幅, 所以留力, 預留上升空間俾11月, 所以月初理應先向上尋頂, 然後才回吐

我曾說21/10上証低見2917後拗腰收升, 所以港股亦同步見底, 恒指亦同步低見26491轉勢向上, 其後在26800上下300點穿梭, 磨到11月才爆邊, 重上100天線, 我亦講過只要回吐收市位拋離26800不遠, 代表大鱷上攻27000之心不變, 踏入11月果然爆邊上企27000

見大媽過去兩個月力守港股, 基金經理口吻偏向少許樂觀, 港股升市並非單純挾淡, 係有多項利好因素支持, 如能收於其上3天, 利好, 有望挑戰31/7下跌裂口27939~28059, 不過目前27800樓上只得瘦熊, 要養肥才有誘因突破 

~~~~~~~~~~~~~~~~~~~~~~~~~~~~

水星逆行 31/10~21/11

以前股災多數係水逆期間發生,近年就不一定, 有升有跌,但消息必定紊亂,令股市大幅波動

香港經濟衰退,暴動情況不斷惡化, 本來不利股市,只係阿爺有意穩住金融市場,力托中港股市來擊退亂港淡友,一如水滴兄所說,要推高港股才夠波動空間,否則唔夠回調水位,並不表示升勢一去冇回頭, 250天線阻力大, 如升穿能否企穩就要睇資金流向

香港經濟/港股炸彈未拆,只係延後爆,彈劾特朗普事件亦是隱憂, 目前係藉著中美貿易談判露曙光的消息,借勢推高股市, 但台灣總桶台獨英係11/1/2020大選前都唔會放過香港, 勢必繼續開水喉撐暴, 港人不會有好日子過, 必定會拉住港股後腿, 而港股升跌主要受資金流及上証權重A股及滬港通所影響

英國脫歐拖多一陣,延至明年1月,蘇格蘭12/12/2019大選,又話想搞獨立

幕後黑手想製造全球動盪嚟係金融市場搵食, 香港輸出革命瘟疫, 澳洲美國西班牙 智利加拿大等地都不斷爆發示威集會 活動, 有向全球不斷蔓延跡象, 政治動盪不利金融市場, 明年恆指的年波幅不會這麼細

15/04/2019 高位 30280.12
03/01/2019 低位 24896.87
15/08/2019 低位 24899.93 (香港暴動底)

=====================================

5/11 恒指收27683, 升136點, 連升四天, 高位見沽壓

由今個月低位26800反彈至今日高位27733, 月波幅雖未達標, 未見大頂, 往後會突破今日高位27733, 但升至今日已有近升點升幅, 由10/10低位25522反彈至今日高位27733, 大升2212點, 足夠水位俾大鱷轉身, 獲利盤湧現, 大市亦出現利淡訊號, 不過回吐見承接, 亦見換馬及追落後盤, 即市完成調整, 尾市再上揚

大媽開始出貨及換馬, 但老外就掃A股, 推動上証一度重上3000大關, 惟午後中港股市都見沽壓, 不過好友例牌於收市U盤踢高大市, 今日未上27800水平可能係大鱷嫌樓上熊唔夠肥, 想養下先, 港股升勢過急, 要消化沽壓, 如市強只會作出即市調整或小幅下跌, 如單日下跌超過200點, 代表大市已見短頂, 或會下試27500/250天線水平, 向上阻力27800及31/7下跌裂口27939~28059, 向下方面, 如無特別利淡消息, 就不應回補4/11上升裂口27102~27299,

港股已收復所有平均線, 但唔少股份仍落後, 有資金追入優質落後股, 港股於27800/11000關前受壓, 隨時會有後抽, RSI 上到70超買水平, 10天線剛升穿100天線, 出現黃金交叉代表港股短線已累積龐大升幅, 大市回吐壓力反而會加劇, 港股好少全周日日升, 最少都會跌1或2天, 造好食胡減磅等調整再買上, 要留意中港股市通常係同步見底頂, 如市強就不會在低位徘徊, 低位會係一瞬即逝, 如長時間在低位反覆, 代表沽壓大, 下行機會大增,

特朗普遭彈劾, 但中美貿易談判好消息頻傳, 更傳聞賤美放生華為, 阿里巴巴11月尾內來港上市, 似乎有資金入市博香港暴動形勢雖惡化但政府會穩住金融市場, 加上人民幣走強, 都利好港股, 11月大頂未出現, 除非有強烈利淡因素突然出現, 否則好友會力守27000~27300, 回調不會太深, 低位會有買盤進場

今早港股即市調整, 可能係消化沽壓, 亦有可能係刻意壓住指數引淡友入局, 目前牛在老遠, 不過當貼價BB牛登場, 港股就有誘因下殺, 按照慣性走勢, 如恒指本周收升, 就會在周四或五創本周高位

最新回應

soho*
soho* 2019/11/18

黃絲大召集,今晚7時於尖沙咀集合,計劃攻入理大營救裡面的暴徒,搶犯呀!

大家要遠離高危區,全條彌敦道都十分危險,暴徒可能會四處打砸搶燒來分散警力 {#iconb_315}

soho*
soho* 2019/11/18

請問收市前的競價時段(4:00)恆指和國指收幾多

試下學下
試下學下 2019/11/18

門兄,有催淚彈記得保持空氣流通同適當處理,小心身體

美兄,水逆過後會吾會先係最危,上次8月初一瀉3千

美味雞煲
美味雞煲 2019/11/18
@林之...

學一門手藝 炒股 😂 股票市場搵生活費 5 住香港都可以 

水兄 ...... 5 係丫馬 😥 個狗官真係幾時會屎?遺憲法 🔥🔥🔥