8/11 回調整固.消化沽壓

立冬轉節氣, 形勢有變, 轉勢向下, 部署屠牛

8/11周五恒指收27651, 跌196點, 結束六連升, 連升斷纜利淡

早前恒指插到落25500水平, 唔夠空間跌, 就掉頭爆升約2400點, 上升是為了下跌鋪路, 連升斷纜利淡, 代表獲利沽盤多過買盤, 今日恒指跌幅係兩個多星期以來最大, 恒指恐慌指數VSHI急升, 近全日最高位收, 權重內銀A股急挫, 但港股跟唔足, 或會補跌, 加上今日高位27894無法升穿昨日高位27900, 係見頂訊號, 昨日爆上27900係炒錯市, 特浪普已否認取消所有已加徵的關稅, 但亦有可能係大鱷刻意借消息挾淡屠熊趙完鬆, 中美談判出現變數, 利淡港股

5個月的暴動出現第一件命案, 根據顏色革命的特徵, 當有死亡事件發生後, 局勢就會惡化, 所以下周係高危, 向上27900受阻而回, 就要打穿27500來擴大周波幅, 27300.27000.26800.26500.26300.26000....早前有無形之手一直守住26300~26500水平, 睇下今次能否撐得住

水星逆行：10月31日—11月21日大波月, 大市不會單邊向上, 美元走強, 重上98, 近日走強的人民幣亦腳軟, 皆利淡港股, 當肥牛或肥熊陣亡, 大市就會轉向, 11月水逆消息紊亂, 會係大鱷追殺牛熊的上落市

由於港股的中資股佔比高, 所以港股係身不由己, 多數會跟住上証波動, 見底頂時間亦相若, 上証早已於5/11見頂3008, 恒指因而上唔到28000, QQ周三(13/11)公布業績, 亦會令市況大幅波動, 月初上攻屠熊, 月中係回吐的時間窗口, 一如早前所說, 港股升勢不會一去冇回頭, 已走貨博調整再補貨, 新地下周一除息亦會見沽壓, 下周一暴徒搞強制全港三罷, 由於有死亡事件做藥引, 情況不容樂觀,

港股急升並不配合香港經濟衰退情況, 只係俾熊熊拉上山, 挾淡, 亦可能係大媽睇場, 一如早前所估計, 後市就要看大媽是否已在9及10月擊退亂港淡友, 如果淡友仍在, 11月港股攻防戰就會持續, 如受制於28000打回頭, 落山全數回補4/11的上升裂口不妙, 代表反彈形勢已逆轉, 見頂後就會再尋底,