17~20/2 沖頂回落

港股低開高走, 單日轉向呈陽燭, 試水溫閃上28000秒殺肥熊即回

17/2 周一恒指收報27959, 升144點(最多上升240點, 一度下跌48點)

港股升抵整數大位28000/11000秒殺1610張肥熊即回, 通常第一次爆破大位只係試水溫, 測市阻力大位的沽壓後就會掉頭回落,

目前貼價牛已上移至27500附近, 11/2上升裂口在27314~27437未回補是後患, 如失守, 確認大市見頂, 

美元強勢, 已是連續3天企99之上, 係利淡訊號, 對人民幣構成壓力, 如人仔破七, 利淡股市, 回顧2月上旬, 老外並非單邊掃A股, 10個交易日當中有4天係走A股, 出現資金凈流出, 當人仔弱就沽貨走鬼, 老外見人仔強就炒上, 而當老外大手沽A股, 當天港股多數收跌,

今天是水星逆行第一天, 代表未來3個星期金融市場會大幅波動, 不會單邊向上, 一如上周所說, 目前利好利淡消息充斥市場, 港股升至現水平小心高處不勝寒, 人民幣表現是港股升跌溫度計

上証突破2950阻力大位, 要看能否企穩, 如能站穩就可再創月內新高, 兩地股市通常係同步見頂, 不過今日港股上升動力遠遜內地股市, 港股即市圖唔跟上証走勢係好少見, 代表港股獲利盤出龍, 反正未到結算, 大鱷可能想想跌下彈下用拖字訣等結算

通常港股彈高要金融及地產兩大板塊走強, 但今日地產板塊升幅不大, 早前港股尋頂期間每日競價都係高開, 以及收市U盤都係踢上去, 但呢兩日卻走低, 亦同樣代表沽壓增加, 港股升市但地產板塊升幅不大, 唔係好現象, 要地產板塊強勢, 港股才有動力,

港股上到整數阻力大位遇上沽壓, 伸埋今日呢腳上去, 港股10天線升穿20天線出現黃金交叉, 雖然根據技術分析係利好訊號, 不過按照慣性走勢卻不是, 出金叉反而會有一跌, 出死叉卻會反彈, 所以造好食胡博大市調整, 有基金經理同樣表示於28000關口(由低位反彈61.8%水平)減磅博回吐再撈底,

今日高低位27766~28055, 由於不會全周日日升, 如果大市要回吐, 就要插穿今日低位27766來擴大周波幅, 明日正午匯控公布業績, 今日偷步逆市收跌, 預示明日港股或會出現避險沽壓, 今日港股殺上28000可能係大鱷明知匯控業績差, 所以在揭盅前拿拿臨閃上去屠熊趙完鬆, 通常大市升勢過急, 月中就回吐消化沽壓

如本周收升, 未來幾日就會升穿今日高位28055, 如本周已見頂轉收跌的話, 周三至周五就會創本周低位來向下擴大周波幅, 插穿27500(該區有牛)殺肥牛, 梁燈神唱好, 代表大市要回吐

港股低開低收呈大陰燭, 下破27500大位一插即彈

18/2 周二恒指收報27530, 大跌429點, 失守50及250天線

美元強勢站穩99水平, 係強烈利淡訊號, 人民幣破七, 老外大舉沽出A股拖累今日港股大插, 通常沖頂回落, 下殺1~2口牛就會反彈, 如吃超過3口不妙, 代表大市就可能已見頂, 目前恒指主力困於27500~28000略爆邊即縮來殺貼價牛熊, 等消息出現才會走出真正方向

本周好淡角力位27815, 如收跌, 就結束了連升兩周的走勢, 見頂味就更濃, 周五就會收27815之下, 匯控業績差拖低大市, 周四平保公布業績亦會令市況大幅波動, 港股能否作出反彈要視乎人民幣+大媽手影+上証表現, 中港股市向上阻力28000/11000/3000(上証)

如本周已見頂轉收跌的話, 未來幾日就會插穿今日低位27496創本周新低, 失守27500(該區有肥牛), 按照每星期的慣性走勢, 收升周市強多數升3天, 收跌周市弱通常升2天

20/2 周四恒指收報27609, 跌46點, 應升不升需防跌.部署屠牛

周二港股暴跌後, 由於27500樓下牛太瘦, 周三四大鱷就力托大市, 扮跌唔落俾時間牛牛入局, 今日(周四)大量牛牛蜂湧入局, 係今個月最多牛入場的一天, 真係死得, 27300附近的牛牛肥騰謄, 該區有裂口待回補, 時辰到了, 牛牛要買定官才, 因為本周恒指已確認收跌, 結束連升兩周的勢頭, 有周末沽壓效應, 明日要創本周新低收跌了, 大鱷會否趙完鬆秒殺肥牛, 就要看大媽會否守住10800水平, 以及27200(100天線), 整數大位27000, 關鍵大位26800.26500

大媽掃權重內銀股窒礙了港股回調步伐, 消息面利淡, 三大測市指標當中的人仔弱, 上証在高位, 搵靚位累積淡倉, 匯市唔對路, 博就算大媽護盤亦唔會叻得去邊, 挾唔死,

昨日新型肺炎疫情在南韓快速蔓延，令市場對疫情在全球爆發的憂慮再度加劇，阿爺放水, 內地股市急升, 由於人民幣急跌, 港股唔跟上証升, 敗象已呈, 恒指低收, 但國指僅升5點收報10914, 大媽掃內銀撐市, 不過沽QQ食胡, 恒指上下關鍵位27211/27353/27383/27673/27815, 國指上下關鍵位10800/11000, 10667~10732未回補是後患