3/3 靜候爆邊

2020/03/03 19:27:29 網誌分類: 經濟
03 Mar

港股高開低收, 單日轉向呈陰燭,

3/3周二恒指收26284, 跌6點

由21/2起恒指日日都係低開尋底格, 但今日恒指競價高開, 代表有無形之手出手, 雖然最終收跌, 惟跌幅不大, 港股期指呈低水部份原因係多隻成份股除息, 國指已是連續兩日跑贏恒指, 係撐市功臣, 不過近日收市U盤日日都係走低, 代表尋底壓力未除, 要等熊熊大幅下移至屠殺範圍, 港股上升誘因才會增加,

早市三大測市指標好地地, 港股彈高, 恒指高見26527, 但午後兩個指標轉淡(人仔/上証), 港股反艇, 幸好有大媽掃QQ及建行撐市, 而老外亦掃A股, 港股收市持平, 可惜部份指標股唔靚仔, 牌面利淡, 預示港股明日仍有沽壓, 數住升跌日數就知方向

網友裙甩褲甩分析得對, 因為下午人仔走低, 拖累港股沽壓突然大增, 不過今晚美元下挫, 或有利明日人仔反彈, 有助穩住港股, 人仔強.港股好

在岸人民幣兌美元收跌230點子,報6.9808兌一美元, 人民幣由升轉跌, 不過美元受減息憧憬走弱, 失守98水平, 利好人仔, 有助撐住中資股, 淡友亦要留意, 通常出現股災,全球央行都會出手救市,例如大開水喉, 而好友就要小心疫情急劇惡化拖累全球經濟, 25000~26000肥牛區拉住港股後腿, 不過無形之手一直守住10月11日上升裂口(25809~25976), 想再上26500

減息不利銀行股, 不過港元拆息有望回落減低企業借貸成本, 利好地產股, 港股後市就要看減息及人仔強利好哪些股份, 能否有助撐住大市, 阿爺會否繼續出招及托市, 大市暫時受困於26000~26500養牛熊, 因大媽力守26000水平, 本周五關鍵位26130, 能否收於其上就要看大媽的功力, 如果3月份大鱷唔想下試25000, 就要再上26500挑戰26800.27000才夠月波幅

恒指通常弱彈600~800點, 強彈1000~1200點, 再彈才脫險, 彈到今日高位只係彈左538點仍未達標, 周和月波幅都亦遠遠未達標, 25989/26077~26527都有機會爆邊來擴大波幅, 前底在26077.25989, 向下關鍵位25800.25500, 係肥牛區, 向上阻力26500.26800, 要等肥熊下移才有誘因攻上去

中港美三地股市通常係同步見底頂, 結果係齊齊於28/2止跌回升, 當中美股市完成後抽, 掉頭尋底, 港股亦會跟, 不過按照慣性走勢, 如中美股市冇破底, 港股就不會深潛, 因為港股當中有約七成股份係中資, 所以過去幾個星期港股傾向跟上証, 加上有大媽護盤, 阿爺放水, 所以港股跟唔足美股插水, 各行各路

~~~~~~~~~~~~~~~~~~~~~~~~~~~~~~~~~~~~

香港經濟衰退, 情況遠比中美差, 但中港的肺炎疫情控制逐步好轉, 26000附近有肥牛, 26800樓上有小熊等下移, 既然向上沽壓大, 落山跌穿26077就可擴大周及月波幅, 26000附近有肥牛, 如果守得住26000又可再沖頂, 重上26500, 要留意恒指每周通常升跌2~3天, 暫時係1升1跌

賤美處理疫情極馬虎, 任由隱形肺炎患者四圍走, 美國政府想側側膊, 唔想大規模幫國民做檢測, 隻眼開隻眼閉想肺炎當流感算數, 睇美國患者的數據, 感覺上賤美做假, 企圖隱瞞患肺炎病人及死亡人數, 可能係擔心會引起恐慌, 拖垮經濟

賤美一直輕描淡寫為美國疫情降溫, 但今晚聯儲局突然提前兩周, 急忙宣布大幅減息反而令人感到美國心虛, 身有屎, 特朗普慌了, 這就是加害中國和香港的報應! 惡有惡報

南韓.美國.伊朗.意大利.日本疫情擴散速度令人憂慮, 歐盟國家人口流動大, 意大利爆發肺炎勢必廣泛傳播去歐洲, 一個二個都冇學阿爺果斷封關, 加上老外唔鍾意戴口罩, 代表全球爆發肺炎會升溫, 必定會拖垮全球經濟。

美國確診感染新型肺炎129宗,11人死亡, 日本1000人, 意大利2502人, 79人死亡, 伊朗有2922宗,92人死, 南韓5621宗,德國有196人,西班牙193宗,波蘭及阿根廷分別出現首宗確診新型肺炎個案

本周仍未能確認收升或收跌, 關鍵位26130, 只要周五收於其上, 好友勝, 到今日為止高低位26077~26527, 以周及月波幅來看, 可能係兩邊都爆

如收升, 周四五會創本周高位, 即係會升穿26527

如收跌, 周三四五會創本周低位, 即係會跌穿26077

最新回應

裙甩褲甩
裙甩褲甩 2020/04/06

踏入四月第4個交易日,港股經歷血色三月後,似乎在四月動極思靜,四月波幅應該會是偏少吧。

外圍企穩,美股對差的疫情數據及失業數據已無大反應(起碼唔會再引起恐慌性拋售),美股企穩反彈,加上油價在低位反彈,市場期待減產有得傾,阿爺降準,因此整體來說四月是中性偏好。

美股今早彈升幾百點,港股跟隨高開,但一開獲利盤湧現,一路向下插直至10天MA,找到支持後慢慢收復失地,亦順便引熊入局。外圍做得好,港股都壓唔得幾耐,上面短線阻力range頂部23800左右,下面短線支持則在今天低位(即10天MA)。

中國加油
中國加油 2020/04/06

今天頭條和港股一樣咁廢,外圍升咁多,競然升唔夠1%。不過應該是係度詐死引🐻!

試下學下
試下學下 2020/04/06

終於上到來,個網壞機

美味雞煲
美味雞煲 2020/04/06
@soho*...

元帥 咁 4 月 我都睇升 😂 原油快 d 上

頭條今日入左 n 次都 5 得 應該係 system upgraded