3月尾推高結算

2020/03/31 19:15:48 網誌分類: 經濟

31 Mar

黑期結算+月結+季結

31/3 周二恒指收23603, 大升428點,

2020年首季結束, 今日收市U盤急彈100點, 擴大升幅, 近全日最高位收, 可能係基金推高來埋月結及季結, 做靚盤數俾客睇, 即係做假數, 如果明日港股再度下挫, 就確認今日真係造假, 結算後就縮手

港股於3月份股災式急瀉尋底期間, 淡友當道, 收市U盤多數係走低, 19/3見底, 20/3春分止跌回升, 轉勢向上, 當天收市U盤就開始頻頻踢高收, 反映好友已奪回主導權, 反覆向上尋頂期間, 熊肥牛瘦亦限制了下跌空間, 目前熊多牛少, 如往後見牛牛養肥就要小心

肺炎肆虐, 全球央行合力救市, 水浸市場, 有熱錢投入股市, 金價連日下跌, 反映市場風險胃納上升, 當金價重拾升軌大市就危, 而另一個跌市元兇油價, 物極必反, 期油在20美元穿梭, 似在築底, 當油價止跌回升, 相關股份亦會受惠,

~~~~~~~~~~~~~~~~~~~~~~~~~~~~~~~~~

中港美三地股市同步見短頂

其實今次反彈浪上証已於27/3見頂2805, 26/3道指22595見頂, 港股亦於27/3高見23791/9638打回頭, 指標股QQ亦見頂, 中港股市通常係同步見頂, 只不過港股未插係因為要托住來做結算, 所以撐埋今日, 後市如要上24000大位必需要上証破頂.人民幣走強以及肥熊配合, 否則難以上企, 每次港股作出調整都係跟住上証, 當上証見底, 港股亦會同步見底, 換句話說, 當4月份上証突破3月尾高位2805並企穩, 港股就會跟隨沖頂

恒指後市如失守10天線係第一個警號, 如全數回補25/3上升裂口至22753就係第二個警號, 如跌穿22500落去回補22064~22383就代表港股反彈浪完結, 所以好友必需要守住22500~22800

按照慣性走勢, 周三四五係創新高或低的時間窗口, 所以明日非常關鍵, 10天線正在不斷上移, 目前在23000關口附近, 如失守代表下試22500機會大增, 如收市能守住23000, 代表反彈勢頭仍在

由19/3低位21139反彈至27/3高位23791, 累計大幅反彈2652點, 剛好反彈了29175碌落山跌幅的三分一, 昨日大跌309點, 跌幅超過200點係利淡訊號, 今日雖然大幅反彈並收復失地, 不過可能係俾結算扭曲了, 未來三日見真章

梁燈神早前於港股暴跌時見技術指標向淡全面清倉走鬼, 但近日不斷唱好並入貨至四五成持倉, 反映港股技術指標已改善, 由於3月恒指月波幅已超標, 所以於23800關口掉頭向下, 股災期間大鱷嚇到股民清倉, 就乘機趁低吸納, 過去兩周就推高派貨, 股民永遠都是見大跌走鬼, 見急升追貨, 左一巴右一巴

~~~~~~~~~~~~~~~~~~~~~~~~~~~~~~~~~~~~~~

美元走強.人民幣轉弱.壓住大市

上周美元強勢爆上103, 恒指插到落21139, 其後美元掉頭向下, 人民幣亦跟隨止跌回升, 港股亦同步反彈, 不過美元落到98附近止跌回升, 人民幣轉弱, 在7.1穿梭, 日圓轉強, 匯市利淡股市

人民幣回升係推動中港股市向上的動力, 如今人仔已上升乏力, 釋出利淡訊號, 今日9 RSI剛好升抵50關口, 到達危險區, 因為早前RSI上到50~55呢個水平港股就反艇, 疫情不斷惡化及債務危機利淡, 不過全球央行放水救市.股份回購.炒業績/派息股及降準預期卻利好, 目前雖然係熊多牛少, 但貼價熊只得千多隻, 小牛上移至23000附近, 削弱港股上升誘因, 其實炒牛熊的資金已縮減, 轉投其他衍生工具, 因而削弱了牛熊分布的指標作用

今早QQ開市後上沖乏力, 掉頭急插, 半日收市前一度倒跌, 拖低大市, 幸好午後拗腰走高, 收市U盤踢高收, 不過仍大幅跑輸大市, 今日QQ跟唔到大市升勢, 皆因大媽今日又沽出QQ獲利, 昨日大媽大手掃QQ及建行, 今日已縮手, 早前港股暴跌及拗腰彈升時, 大媽一路密密大手掃QQ及建行, 但上周四(26~27/3)大媽突然沽貨食胡, 而27/3港股就見反彈浪頂, 時間上非常吻合

當大媽丟權重股, 就係利淡訊號, 因為QQ見頂代表港股見頂, 買跌的#7500逆向ETF今日冇登上五大沽空, 代表今日港股大幅反彈後可能向下走, 下試22753~23062裂口的支持力, 如能守住, 就會再上攻

大鱷托住大市, 恒指連續5日都在23000~23800之間騰上騰落養牛熊, 可能係等消息爆邊, 亦可能只係為了結算.托沽及養牛熊, 明日見真章, 今日收23603, 要收23500整數關口之上5天才能確認向上, 上周企1天就碌番落去, 如能上企3天, 代表好友當道

市強回吐600~800點就會反彈, 市弱嘔1000~1200點(下試22800水平), 由上周高位23791跌至昨日低位22973, 累計下跌818點, 換句話說, 如果本周收升, 明日就不應插穿昨日低位22973, 如明日隊穿22973創本周低位, 今個星期收跌機會大增, 即係本周五(3/4)會收23484之下

向上關鍵阻力大位

向上23791.23800~24000, 24184

向下支持位, 如失守係見頂訊號

上升裂口(22753~23062), 切忌全數回補

上升裂口(22064~22383)是島形底突破性裂口, 只要守得住, 反彈浪未完, 如失守不妙

上升裂口(9237~9345)

${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$ ${#icono_72}$ ${#icono_71}$