DSE 英文 5** 心得分享

Paper 1 Reading：多操多練

操練 Paper

Paper 1 Reading 建議多操多練，CE reading 都值得用黎訓練基礎理解能力同考評局D套路，而中五就要開始操 DSE English Past Paper Reading。每次幫自己對卷嘅時候細心研究自己點解會錯、多數錯喺邊度，記錄低晒，基本上Reading Comprehension 好快已經漸入佳境。

每次幫自己對卷嘅時候細心不斷反覆思考以下幾個問題：

• 點解自己答錯，點解自己寫 XXXX，但係 XXXX 唔係 Marking Scheme 答案；
• 思考點解 YYYY / ZZZZ 係 Marking Scheme 答案；
• 而 YYYY / ZZZZ 喺文章 / Data File 抄唔抄到。小編覺得如果抄唔到都算… 如果明明有得抄但抄唔到，呢個就好唔抵；
• 呢個係訓練自己去理解考評局出題邏輯，理解咩係考評局眼中嘅答案

作答 B1定 B2？

至於選擇作答 B1定 B2，小編建議大家點都要選擇 B2。原因好簡單，因為如果你選擇B1，答啱曬都只係得 level 4，但如果你選擇作答B2，你可能答到70%分數就已經可能有 level 4，答得啱多少少就可能已經 level 5。

閱讀英文文章/課外書

至於平時小編建議大家要keep住閱讀英文文章/課外書，如果要讀得「入腦」，你可以選擇一d自己有興趣嘅文章/課外書。小編自己以前幾鍾意睇 New York Times 同 SCMP Opinion 嘅文章，尤其係同社會議題有關嘅篇章。點解？因為文章好有深度，但難度真係比較高，不過小編鍾意查字典去學，所以又睇得幾開心。

除此之外，小編仲有一本英文 vocab book，每日會揀 5 個唔識嘅字，用Cambridge Dictionary查佢嘅意思，寫低佢嘅意思、詞性、Example Sentence，然後每日搭車就會睇呢本 DSE 英文生字表，慢慢會背下d句子。

小編由中四開始睇睇下，發覺由一開始咩都睇唔明要查好多字典，都慢慢開始查少咗。久而久之，小編就累積多咗好多生字，身邊d同學都嚇親！然後再做 DSE Reading B2 發覺都開始慢慢 handle到！

Paper 2 Writing：鍛鍊語文基礎

"Rome was not built in a day"，學好英文都係。所以，如果想考好英文，尤其寫作，或者想易d睇得明英文 Reading Passage 嘅話，識多d vocab 同埋學好英文（唔係學「考好英文」）真係好緊要。

唔好亂背…

但係但係，小編建議大家學習一啲靚嘅vocab嘅時候要小心d，好多同學會強行用呢啲字，用得不適當，其實最後帶來反效果。好多同學背左一啲段落同埋句子然後夾硬喺考試嘅時候貼上去，係極危險嘅動作，因為只要題目改變左少少，你所背嘅嘢都已經完全唔識用，好多同學曾經因為呢種動作而導致自己離題，係公開考試中最嚴重的犯錯。

自製 vocab book，善用英文筆記

相信同學都試過睇新聞、睇書或者行街嗰陣見到一啲有用嘅英文生字，查完字典之後好快就唔記得個字點解，於是好似成日見到新嘅字但係學唔到好多。有人會話：「查完一次唔記得咪查第二次囉，查到自己記得為止。」

但係咁做會花好多嘅時間，所以小編建議大家每次見到一個實用嘅英文生字即刻記低佢，每日記大約5個。當然，同學唔會隨時隨地帶紙筆出街抄低啲生字，所以小編嘅做法係每次見到新嘅生字都會打喺iPhone嘅notes度，大概一星期清一次，將入面嘅生字抄返落自己嘅筆記度。

好似上面 Paper 1咁講，小編建議大家培養每日抄寫vocab嘅習慣。除非同學有過目不忘嘅能力，否則同學每次學完一個新嘅生字都好容易唔記得。所以小編建議大家開一本簿，將自己學過嘅英文生字抄落去，定期睇返入面嘅生字加深記憶。

小編讀過中學都明白高中嘅同學會好忙，未必有時間自己儲大量嘅英文生字，所以小編都搜羅咗好多DSE English Notes俾大家參考吓。

原文：https://www.notesity.hk/blog/posts/dse-ce-al-english-past-paper-free-download-with-marking-scheme/