7~8/5 兩連升

2020/05/07 20:42:59 網誌分類: 經濟

07 May

港股低開低收呈陰燭, 24000窄幅穿梭

7/5 周四恒指收報23980, 跌156點(最多下跌224點)

國指收報9764, 跌43點(最多下跌79點), 國指跑贏恒指

24000穿梭.回調整固.消化沽壓.儲力向上

過去4天恒指2升2跌, 按照周四五1升1跌的慣性走勢, 今日跌, 明日應收升, 匯市方面利好中港股市, 美元100企唔穩打回頭, 人民幣反彈, 只要內地股市造好, 有助港股重上24000/9800,

由29/4起, 上証雖然係跌下彈下, 但頂部卻不斷上移, 呈尋頂格局, 突破2850關鍵阻力位, 作勢上破2900水平, 中港股市通常係同步, 阿爺好.港股好, 有望推動港股向上, 以周波幅計, 下周有望挑戰24500, 試完底再沖頂, 周一創低位23585, 守得住4月下旬低位23483, 預示下周會再挑戰前頂24855

權重內銀內險AH股弱勢持續拖低中港股市, 不過上証今日僅跌6點, 收2871, 上証守得住2850關鍵大位, 港股就不應深潛, 港股近日配股活動頻繁, 亦有托市誘因, 所以周一港股一插即彈, 如果本周一港股急瀉是大鱷及淡友趁大媽放假偷雞殺跌玩快閃, 大媽回歸後, 本周就不應破底, 期指部份低水是受除息影響,

~~~~~~~~~~~~~~~~~~~~~~~~~~~~~~~

震牛養熊

上証本周收升機會大, 按照中港股市同步的慣性走勢, 港股理應跟隨收升, 但本周卻收跌, 退而求其次, 不能收升亦可周線收陽, 即係周線雖收跌, 但卻收陽燭, 明日要收23895/9716之上, 今日收23980/9764, 所以明日好友必須要反擊才能收陽, 如能升穿周初高位24235/9849, 進一步確認周一暴跌只係震倉順道屠牛養熊

港股玩緊跌下彈下, 好淡通殺, 在10/20天線穿梭, 目的係令股民無所適從企錯邊, 明日向上關鍵位24120/24235, 向下23913/23895/23868, 明日係畫圖日, 要看好友會否守住23895挑戰24235, 貼價熊肥牛瘦, 有上攻誘因

今日成份股全面壓低收, 表面看似弱雞, 其實收得低反而擴大了反彈空間, 由於本周不應破底, 所以要升穿24235才能擴大周波幅, 23585(底)+600~800=24185~24385, 50天線由25000一路下移, 快要落到24000水平, 要收復就容易得多, 只要收復10.20.50天線, 有助吸引投資者入市

美期急升, 但港股卻走低, 收市U盤跌幅進一步擴大, 按照美期表現, 加上周四五不會連跌, 港股明日理應高開, 期指未平倉凈數大幅減少, 今日是不是淡友壓低食胡呢?

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

港股高開高收呈陽燭, 收復10及20天線, 繼續屠熊尋頂之旅

8/5 周五恒指收報24230, 升249點, 國指跑贏恒指

大鱷刻意壓住大市升勢, 今日高見24263創本周高位就放軟手腳, 扮受制於50天線, 好明顯係引熊入局, 亦要預留多些上升空間俾下周, 營造底頂上移的利好形態, 24300樓上每百點都有熊, 要買定官才

上証向上突破, 高見2903, 人民幣連升兩日, 力守7.1水平, 利好港股, 國指已率先收復50天線, 估計恒指亦會追落後, QQ蠢蠢欲動, 作勢上破$420水平, 將會是下周推動港股向上連火車頭

3月份每逢周一恒指都係低開, 因為當時股災是由淡友主導大市, 但4月份已轉勢向上, 所以每逢周一恒指都係高開, 踏入5月份理應繼續由好友主導, 但4/5內地休市扭曲了恒指慣性走勢, 當天違反慣性走勢低開(我認為是震倉), 結果只係大插一天, 翌日(周二)隨即重拾升軌, 如果港股仍然由好友主導, 下周一就應跟隨4月的慣性走勢高開, 殺上去挾淡, 逼淡友回補空倉, 進一步推高大市

過去幾日我一直說對周一(4/5)港股的暴跌抱懷疑態度, 港股未必真係向淡, 有可能係震倉, 周一港股暴跌, 如果係24855見大頂轉勢向下, 周二就不應彈超過200點, 如果係死貓彈, 周三就應重拾跌勢, 不會連升, 但周三卻繼續收升超過200點,

周一(4/5)觸底後周二三連續兩天大幅上升係觸底回升利好訊號, 周四(7/5)單日跌幅少過200點問題不大, 通常連跌超過200點才要擔心, 結果今日彈高249點, 不但收復周四的失地仲升突, 進一步確認周一大插水係震倉, 周四下跌係震牛養熊, 港股尋頂之旅未完

周初港股作出調整, QQ守住$400大關重拾升軌, QQ未見頂, 代表港股亦未見頂, 下周會升穿今日高位24263, 試完底再沖頂, 以周波幅計, 下周就要挑戰前頂24855, AH股相關性高, 中港美三地股市通常係同步創高位, 好友想破頂就要上証企2900來配合, 否則難以成事

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$