11/5 回調訊號

2020/05/11 19:46:19 網誌分類: 經濟
11 May

港股高開高收呈陽燭, 大舉屠熊, 連升兩天, 高位獲利盤湧現

11/5 周一恒指收報24602, 升371點(最多上升536點), 收復50天線

國指收報9990, 升122點(最多上升208點), 收復60天線, 國指大幅跑輸恒指

大成交沖頂冇好下場

多個測市指標都出現利淡訊號, 恒指一度爆升536點高見24766(前頂24855), 國指高見10076(前頂10108), 惟連續3日跑贏恒指的國指突然轉弱, 皆因美元急升重上100大關, 人民幣結束兩連升, 上証亦同步創高位2914, 但高位一瞬即逝, 突破2900打回頭, 收2894, 港股24800/10000亦受阻而回, 內銀沽壓大.買盤弱, 拖低國指, 要上証企2900, 恒指才能站穩24500

肺炎疫情拖垮全球經濟, 標普料有更多國家的信用評級遭下調, 白宮成立一個中國問題專案小組,協調一套對付中國的策略, 澳洲與美國聯手抹黑中國要對疫情負責, 新西蘭支持台灣加入世衛, 違反一中原則, 中國與澳洲.新西蘭.歐美關係惡化, 不利全球經濟, 肺炎入侵白宮(報應來了), 賴朗普死撐不戴口罩, 衷心希望呢位七十多歲的阿伯中招, 吉林爆發數十宗肺炎要封城, 武漢新增病例增加, 南韓再度社區大爆發, 一直傳出賴朗普要美資撤出中資股, 反映經濟的BDI波羅的海乾散貨指數由21/4起就日日跌,

一眾利淡消息以及疫情第二波陰霾下, 港股午後沽壓加劇, 大媽亦大舉走貨, 港股通(滬)出現罕見的大額資金凈流出, 只係靠QQ爆升來托市掩護, 唔少股份回吐了即市的大部份升幅, 近低位收, 走勢差劣, 有濃濃的派貨味,

早市港股急升可能只係挾淡回補空倉的買盤, 消化了買盤後就動力不繼, 今日高見24766(前頂在24855), 現水平再買上風險大, 梗係沽貨獲利啦! 過去幾周大鱷都係炒上落, 無論升跌都係一兩日貨仔, 港股通常升1~2天就回吐, 如今已連升兩天, 明日收跌機會大

上証及港股雖然齊創5月新高, 但自從股災止跌回升展開反彈浪, 多次突破24500都站不穩, 今日是否假突破明日會有分曉, 港股已收復多條平均線, 如果好友未放手, 恒指或會在24500穿梭, 消化沽壓, 收市跌幅少過200點, 如跌幅超過200點及出現連跌就要小心今日已見頂, 又要再下試24000~24200來擴大周波幅, 順道回補今日的上升裂口

~~~~~~~~~~~~~~~~~~~~~~~~~~~~~~~~~~

中美關係惡化

新冠疫情令中美關係惡化, 美白宮國家經濟委員會副主席表示中美已展開新冷戰, 據報美國正加快將供應鏈從中國撤走, 蘋果亦將部份生產線轉去越南, 中國環球時報報道指中方內部提出廢除中美首階段貿協的聲音正在增加, 不過我估阿爺未必會主動提出,

京東據報在港第二上市擬於5月底招股, 可能係港股重上50天線的原因之一, 有心人托市來營造穩定氣氛來招股及配股, 港交所上企$250亦可能係炒巨無霸招股, 但工中建行買盤並不積極, 要內銀強勢, 港股才有力上, 今日港股升得虛

上周一港股插水, 人人都以為翌日會續插, 結果走相反, 出現反彈, 同樣地, 今日港股急升, 人人都以為明日會續升, 如果係上周的翻版, 明日就會跌超過200點, 港股玩緊跌下彈下, 好淡通殺, 今日宜跟住大媽及大鱷趁反彈減磅, 明日開市仍有走貨機會, 有得食要食, 否則貪字變個貧, 通常股市急升, 人人都會向上望, 但從風險管理的角度來看, 亦要考慮 1) 是否假突破 2) 會否出現突發利淡消息而出現超過500點的暴跌,

入市短炒要緊記慣性走勢, 中港美三地股市通常係同步見底頂, 今日上証創月內高位見2914後急跌, 單日轉向, 倒跌收市, 有見頂味, 兩地股市同步的話, 代表港股今日死撐收升, 明日亦難以再創新高, 好友應拿拿臨食胡, 進取可反手造淡, 因為24766打回頭, 就要跌穿今日低位24470來向下擴大周波幅

~~~~~~~~~~~~~~~~~~~~~~~~~~

推高派貨鬆人

港股每周通常係升/跌2~3天, 代表大鱷唔想走單邊俾股民捉到路搭順風車, 大鱷想玩跌下彈下, 好淡通殺, 所以散戶短炒要快閃

今日港股雖然急升, 但我嫌今早一口氣於9:52就殺到上24766, 升得太高太急, 大鱷好似趕時間, 大媽今日急急腳走貨, 好耐冇見過大媽沽這麼多貨, 狂沽QQ, 港股通(滬)資金出現大額凈流出, 今日QQ急升$16.8(+4.02%), 收市U盤夾硬抽上全日最高位$435收, 又玩暗殺, 呢個高位會否一瞬即逝? 明日不復見呢? 今早嘜高QQ可能是為了挾淡殺熊, 本周三QQ公佈業績, 大鱷夾硬炒高來派貨,  順道殺QQ淡友

如果大鱷係有誠意推高大市, 應該係頂部漸進式上移, 今日高見24766, 比上周五頂部24263大幅高出503點, 如此一來, 就好難做到日日頂部上移, 呢種格局似係大鱷拿拿臨推高食胡鬆人, 無意一步步推上去

港股能走多遠係跟中美股市, 當美股及上証尋頂, 港股亦會上沖, 但當美股及上証見頂回落, 港股亦會跟住落, 港股是不能獨自去偷歡, 因為三地股票是有相關性, 日前說近來恒指在主區間24000~24500游走, 上下兩邊爆約400點後, 最終都要縮番入區間內, 短炒波幅就要睇位行動, 恒指在23585~24766波動, 如出現爆邊代表該方已奪得主導權

日前說新債王已沽空美股, 佢認為標普3000大關不易上破及站穩, 其他財經分析都有類似言論, 如果美股唔飛天, 港股亦不能獨自飛出外太空

~~~~~~~~~~~~~~~~~~~~~~~~~~

利淡因素

王冠一於4月尾預測港股會推高結算(估中), 5月開局幾日就見頂(估錯, 5月開局即插, 冇創新高), 他的口吻偏淡, 我聽其他分析師都係唱淡居多, 利淡因素例如無限QE埋下炸彈.債務危機.肺炎疫情.中美交惡.美日資金撤離中國.經濟衰退.業績差.貿易戰.黑暴重臨.....

淡友「新債王」岡拉克已於4月下旬標普高見2863造淡(周五收2929), 他造淡時說標普上唔到3000大關, 他認為股市拋售未完, 將跌穿3月低位, 目前標普預測市盈率20倍, 在經濟衰退的市道股值當然貴, 怪不得股神持有這麼多現金

一周前股神巴郡公布業績大幅虧蝕500億美元, 看錯航空股, 已沽清止蝕, 亦看淡持重倉的油股, 都是肺炎受累股, 股神持有的現金高達1370億美元, 創巴郡記錄新高, 股神表示目前冇心水股合意買入, 3月股災都唔掃貨, 過去兩個月彈高高不但冇追入, 反而走貨, 即係看淡後市啦!

睇基本因素的價值投資者看淡, 但股市卻向上走, 炒救市政策/托市維穩/推高派貨/新冠肺炎疫秤/高位配股....反映大市有隱憂, 只係大鱷夾硬推高大市,

賴朗普抗疫失策, 只好轉移視線, 推高美股營造利好氣氛(放水救市/尾市嘜高造市), 以及將病毒問題全推卸落中國身上, 未來幾個月係美國總統競選造勢的關鍵時刻, 總統候選人勢必繼續將矛頭指向中國

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

12/5周二恒指收24245, 大跌356點, 繼續尋底, 向24000進發

最新回應

裙甩褲甩
裙甩褲甩 2020/06/02
@中國加油...

中兄,你的#7500數據資產淨值及基金收市價有相當參考價值喎,我直覺認為喺金融市場無咁大隻蛤乸隨街跳,大鱷邊有咁好死質錢入散戶袋呀。

咁筍價,一係淡友今日被夾到心慌慌監平監賤平倉,一係明天仲會繼續夾死淡友(筍價係請君入甕)。

明天開估。

中國加油
中國加油 2020/06/02

今天#7500,收市7.545,淨值7.662,差不多有2%的折價?咁大只蛤姆隨街跳?驚過籠?搞唔明!

  日期 最新 變動 變動 (%)
每基金單位資產淨值 - 港元 2020年06月01日 7.6627 -0.4687 -5.76
港元買賣基金單位收市價 2020年06月01日 7.54 -0.63 -7.71
美味雞煲
美味雞煲 2020/06/02
@裙甩褲甩...

牛熊 2:8 買上 23900 好多肥熊丫!

TC 支持&阻力位又返尼啦 😅

支持 = S, 阻力 = R

S 21978, 23284, 22591

R 23203, 23510, 23816

c6
c6 2020/06/01

裙甩褲甩高高手

感謝 感謝再感謝

你的🐂🐻表肥美

大🐊🐊唔食浪費

咁明天或後天食呢

唔諗😴😴先明天見