13~15/5 五窮月的暗湧

2020/05/13 21:32:14 網誌分類: 經濟
13 May

港股低開高走, 大插秒殺肥牛即彈呈陽燭, 國指小幅倒升

13/5 周三恒指收報24180, 跌65點(最多下跌266點, 一度上升75點)

國指收報9835, 升3點(最多上升60點, 一度下跌85點), 國指跑贏恒指

周一港股創5月份的新高後, 多個測市指標都出現利淡訊號, 大成交沖頂冇好下場果然神準, 港股連日底頂下移, 今日恒指已率先失守10天線, 更一度跌穿24000大位低見23979, 下一個關鍵位在23800, 如失, 就要下試前底23585/23483,

上周恒指出現罕有的679點細波幅, 按照慣性走勢本周就會係大波幅, 目前波幅只得787點, 而一般閒閒地都會有800~1000點周波幅, 因此仍有機會跌穿今日低位23979來擴大周波幅

本周一港股沖高回落, 隨後恒指連跌兩天, 如明日續跌不妙, 大鱷已經吃了兩口牛, 如果反彈浪未完, 就不應吃第三口牛, 如明日打破了慣性走勢繼續落山屠牛, 就代表24766已見頂, 全球肺炎疫情再度惡化, 美元強勢站穩100大關, 利淡人民幣, 聯儲局發表講話, 今晚變數太多, 風險大, 持倉過夜博反彈要小心

今日時升時跌, 在24200爭持, 用拖字訣俾時間牛熊入局, 目前牛熊都非常貼價, 今日最終壓低收會不會是預留多些反彈空間? 抑或要跌穿今日低位23979來擴大周波幅?

港股沽壓沉重, 單靠QQ等新經濟股托市掩護派貨, 利淡消息充斥市場, 似是臨危托沽, 因今晚聯儲局主席鮑威爾, 就經濟問題發表講話, 市場亦會留意他對貨幣政策的看法, 禍福難料, 騰訊收市後公布業績勝預期, 早已偷步推升炒業績, 會不會見光死呢? 今日QQ沽壓已明顯增加

~~~~~~~~~~~~~~~~~~~~~~~~~

暗湧處處

按照尋頂市的慣性走勢明日恒指應收升, 如收跌就打破了慣性走勢, 代表港股並非處於尋頂階段, 一如昨日所說, 港股或已轉為尋底市, 就會出現三連跌, 淡友已奪回主導權, 周四五會創本周新低, 周五會收24230之下機會大增, 按照慣性走勢上証本周收跌機會大, 兩地股市同步的話, 港股本周應跟跌,

今個月同4月一樣, 不斷跌下彈下, 頻頻轉向, 好淡通殺, 明明已見頂卻扮跌唔落吸引好友入局, 散戶等破頂, 卻忘了中美股市已見頂的話, 港股亦難以破頂而上

恆指由19/3 低位21139 反彈至29/4高位24855, 累積反彈3716點,剛好去到25000超級阻力大位就打回頭, 由於中美股市已見頂機會高,不進則退,港股就要落去做第二隻腳, 不過必須要有強烈利淡消息及上証反艇才能成事,目前大鱷玩緊跌下彈下來托沽,好淡通殺

港股陰霾滿佈, 利淡因素一大籮, 本已回穩的肺炎疫情出現第二波, 新八國聯軍攻擊中國, 24500屢次站不穩, 月尾白宮呈交國會的香港人權及民主法案報告,中美交惡,貿易戰再起風雲 ,這麼多利淡因素持貨令人感到不安, 我已陸續減磅走貨, 五窮月入市要有戒心

日前已說過今次上企24000後爆上24500只係靠QQ推動, 不獲內銀內險等權重股支持, 地產股出現走資, 國指及地產板塊弱, 港股難有作為, VHSI恒指恐慌指數急升2.4%, 代表今日港股回穩只係假象, 後市不容樂觀

恒指雖然跌幅不大, 但反彈乏力, 下跌股份比例高, 有濃濃的派貨及換馬味, 資金轉投新經濟股, 呢類股份受經濟衰退影響較細, 可能係大鱷/基金/股民唔想投入新資金, 所以沽出受經濟不景拖累的股份來換馬, 所以下跌股份這麼多

黑暴今晚.本周六日都出動, 唉! 暴動浪潮死灰復燃, 勢必影響市場氣氛, 香港永無寧日, 百業蕭條, 怪不得大鱷換馬及走貨避險啦!

~~~~~~~~~~~~~~~~~~~~~~~~~

五窮月利淡因素發酵

肺炎疫情拖垮全球經濟, 標普料有更多國家的信用評級遭下調, 香港評級下調風險大增, 白宮成立一個中國問題專案小組來研究對付中國的策略, 打壓華為,加強遏制中國科技發展,想玩全球圍堵中國,

澳洲與美國聯手抹黑中國要對疫情負責, 新西蘭支持台灣加入世衛, 違反一中原則, 中國與澳洲.新西蘭.歐美關係惡化, 不利全球經濟, 怪不得反映經濟的BDI波羅的海乾散貨指數由21/4起就日日跌, 肺炎入侵白宮(報應來了), 內地.南韓及歐美多國新冠肺炎新增病例增加, 香港再度出現多宗本地肺炎個案,

美國聯邦僱員退休基金宣布無限期停止投資中國企業, 賴朗普下令美資撤出中資股, 加強監管在美上市的中慨股,係中港股市的計時炸彈, 白皮豬因妒成恨, 全球反華情緒高漲, 新冠疫情令中美關係惡化, 白宮國家經濟委員會副主席表示中美已展開新冷戰, 據報美國正加快將供應鏈從中國撤走, 美國阻止中國投資以色列的項目, 中國環球時報報道指中方內部提出廢除中美首階段貿協的聲音正在增加, 不過賴朗普拒絕再談判

白宮連月以來不斷推卸抗疫不力的責任, 美國民眾對中國的負面看法已經升至15年以來的高點, 反華氣氛升溫, 新八國聯軍重來侵略中國, 引起中國極度不滿, 表示會向那些抹黑攻擊中國的國家反擊

以往港股重上50天線往往站不穩, 呢兩日就在50天線穿梭, 釋出利淡訊號, 因市強就應大幅拋離10.20及50天線, 內銀弱勢持續, 港股反彈乏力,

今日港股跌唔落, 通常股市一插即彈, 人人都會向上望, 但從風險管理的角度來看, 亦要考慮 1) 周一是否假突破? 24766已見頂 2) 會否出現突發利淡消息而出現暴跌? 3) 單靠QQ托市能維持多久?

睇資金流向, 上周美股出現走資現象, 道指似是在24300~24700/標普2900附近聚頂, 中港美三地股市通常係同步見底頂, 周一上証創月內高位見2914後急跌, 單日轉向, 倒跌收市, 有見頂味, 港股亦於同日見頂, 兩地股市同步的話, 代表港股亦難以再創新高,

日前說新債王已沽空美股, 佢認為標普3000大關不易上破及站穩, 股神持有破記錄大量現金代表看淡美股, 其他財經分析都有類似言論, 如果美股唔飛天, 港股亦不能獨自飛出外太空

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

14/5 周四恒指收報23829, 大跌350點, 連跌3天, 失守20及50天線

美元強勢站穩100續升, 利淡人民幣, 近來在岸人民幣走弱, 一直在7.08附近游走, 人仔無法轉強返回七算, 亦係中港股市飛唔起的主因, 離岸人仔雖弱, 但要看明日阿爺會否守住在岸人仔7.1, 只要人仔不插, 中港股市就會回穩, 如人仔失守7.1仍彈唔起, 港股就死得

QQ公佈業績後大行全面唱好, 要QQ企定定才能穩住大局, 如QQ反艇就會拖累港股, 賴朗普表示美國可切斷與中國所有關係, 在美上市中慨股若違規可作強制除牌, 呢個係極淡消息, 無論會否成事, 都會對中資股構成壓力, 不利中港股市

恒指由高位24766跌至今日低位23790, 跌幅976點, 800~1000點周波幅已達標, 但市弱通常會由高位回吐1000~1200點(會下試23566~23766)才會反彈, 保歷加通道底23565, 前底23585/23483, 回吐黃金比率0.382就要見23030, 要上証反艇港股才會破底, 如果大鱷唔想破底俾股民捉到路, 收市就會咬住23800, 如失守3天就確認淡友當道, 要向下擴大月波幅

目前多條平均線都聚集在24000邊, 會成為阻力, 如下周仍無法重上, 就要下破23500來擴大周波幅, 從時間上來看, 月中(15/3)好少做大底, 低處未算低, 所以下周會跌穿明日低位, 25樓雖然有幾堆肥熊, 但今日23000~23800牛愈養愈肥, 是近來最肥的一天, 具吸引力, 前底在23585/23483, 瘦熊亦大幅下移, 按照慣性走勢, 收跌月會在該月下旬創大底

港股已失守所有平均線, 連日底頂下移正在尋底, 淡友已奪回主導權, 本周收跌已無懸念, 不過恒指已連跌3天, 今年試過兩次3連跌都反彈, 只係股災那次才出現1次四連跌, 加上周四五不會連升或連跌, 今日跌, 明日恒指應反彈, 萬一明日仍然唔彈, 下周一都唔彈, 五連跌就打破了今年連跌記錄, 24766已見頂機會大增

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

15/5 周五恒指收報23797, 跌32點, 連跌4天,

大鱷托住大市扮跌唔落來引好友入局, 日日陰陰跌順道派貨, 全城皆艇, 牛牛肥嘟嘟, 熊熊亦大幅下移, 今日港股續跌, 多隻指標股跌幅比指數大, 連QQ都反艇, 股份表現具啟示作用, 5月初高見24766已見頂的話, 就要向23000進發來擴大月波幅, 呢幾日中美消息令人憂慮, 如口水戰變成行動就大鑊,  關鍵在下周會否重上並站穩24000

港股繼續底頂下移, 跟隨慣性走勢於周三四五創周底23671, 恒指連跌4天, 已平了股災那次出現的四連跌, 下周一要反彈了, 否則出現五連跌就打破了今年連跌記錄, 下周波幅就要看能否重上24000, 因為以一般800~1000周波幅來看, 23500~24000就要爆邊, 港股下星期能否結束連跌兩周的走勢就要看有冇資金炒兩會行情, 過去半年連跌兩周例彈

今早港股出現利好訊號, 勢頭似收升, 但午後QQ突然急瀉, 由$435插到落$420, 收$421.2近全日最低位收, QQ大跌$8.2(-1.91%)拖累港股低收, 所以下周一QQ及上証能否作出反彈, 人仔能否守住7.1, 是港股升跌關鍵, 留意地產板塊強弱就知港股點走,

期指大低水部份是成份股除息(電能實業.長實.信行.港鐵.中移.恒安.中國鐵塔.中國建材.舜宇光學科技.上海實業.吉利汽車.世茂房地產...)

由四月開始的6個星期的首個交易日, 恒指有4次收升, 2次收跌, 當中20/4跌50點, 4/5跌1029點(內地休市.大媽不在), 反映低位有大媽護盤, 港股通(滬)連續四日錄得資金凈流入

恒指由高位24766跌至今日低位23671, 跌幅1095點, 市弱通常會由高位回吐1000~1200點(會下試23566~23766)就會反彈, 今日已進入達標範圍, 保歷加通道底23565, 前底23585/23483, 回吐黃金比率0.382就要見23030, 要上証反艇破底港股才會插得這麼深, 如上証守住2850, 就可穩住港股

============================

2020年5月16日 <匯港通訊>  美國商務部公布,將容許企業與華為進行特定交易的臨時許可證,再延長90日。內地《環球時報》報道,若美國阻止台積電等企業,向華為供應晶片,中方將會作出強力反擊,包括將美國企業列入「不可靠實體清單」,對高通、思科、蘋果等企業,進行限制或調查,以及暫停向波音採購飛機。

最新回應

裙甩褲甩
裙甩褲甩 2020/06/02
@中國加油...

中兄,你的#7500數據資產淨值及基金收市價有相當參考價值喎,我直覺認為喺金融市場無咁大隻蛤乸隨街跳,大鱷邊有咁好死質錢入散戶袋呀。

咁筍價,一係淡友今日被夾到心慌慌監平監賤平倉,一係明天仲會繼續夾死淡友(筍價係請君入甕)。

明天開估。

中國加油
中國加油 2020/06/02

今天#7500,收市7.545,淨值7.662,差不多有2%的折價?咁大只蛤姆隨街跳?驚過籠?搞唔明!

  日期 最新 變動 變動 (%)
每基金單位資產淨值 - 港元 2020年06月01日 7.6627 -0.4687 -5.76
港元買賣基金單位收市價 2020年06月01日 7.54 -0.63 -7.71
美味雞煲
美味雞煲 2020/06/02
@裙甩褲甩...

牛熊 2:8 買上 23900 好多肥熊丫!

TC 支持&阻力位又返尼啦 😅

支持 = S, 阻力 = R

S 21978, 23284, 22591

R 23203, 23510, 23816

c6
c6 2020/06/01

裙甩褲甩高高手

感謝 感謝再感謝

你的🐂🐻表肥美

大🐊🐊唔食浪費

咁明天或後天食呢

唔諗😴😴先明天見