獨立思考能力 2
2008/05/10 11:40:32
網誌分類:
生活
既然獨立思考能力咁死重要, 一個人點至可以訓練出呢種咁堅嘅能力呢?
先說思考能力, 思考即是諗嘢啦, 可以由正面諗, 又可以由反面諗,又可以亂咁諗o(你地周不時見黄SIR拾吓拾吓就係諗緊嘢嘞!)
例如人人都話呢位乜太代表民主, 你就要諗吓佢做過D乜嘢民主嘅嘢先o六四民主運動, 佢有份咩?歷年民主遊行, 有佢份咩?如果冇, 就一定係吹水居多了o
又例如人地叫你去支持藏獨o 你就不妨諗吓, 要着橙衫噃, 會唔會即係慘先?又會唔會一個唔該加埋個杏色入嚟, 咪大劑?諗吓諗吓你都唔會傻到去做過街老鼠啦o
又例如黄SIR叫你賭馬買全餐, 你就要諗吓一旦開D熱門出嚟…….咪輸到攤攤腰?一切事物都應該諗清諗楚至做, 但呢D就只係思考能力!未係獨立思考o
至於黄SIR所言獨立思考能力的訓練方法, 就是要晨早天未光. 面向東方, 全神貫注思考o而最重要一項……就是一定要單腳企(金鷄獨立!)用呢一種方法……就可以訓練倒……獨立思考能力矣!
你地諗吓得唔得? 吓?
回應
(0)
我要發表