港股五窮六不絕

港股三連跌.反彈在望

港股急跌急彈呈陽燭, 恒指收窄跌幅, 國指低開高收, 單日轉向,

29/5 周五恒指收報22961, 跌171點(最多下跌351點)

國指收報9561, 升9點(最多上升27點, 一度下跌143點), 國指大幅跑贏恒指

~ 為何港股五窮六不絕? 因為根據統計, 5月恒指大跌超過3%的話, 6月就會係收升居多, 所以6月會收22961之上,

~ 今年恒指通常連續升跌2~3天就轉向, 周三四五都收跌, 已是三連跌, 即係下周一(1/6)會反彈, 萬一不彈就係四連跌, 亦唔使擔心, 因為今年試過兩次四連跌, 未見過五連跌

~ 今日恒指大幅低開插水, 不過低見22781即彈, 未有跌穿昨日低位22779, 收市更彈上22961, 誰在睇場護盤? 今個月恒指每次失守23000都會速彈, 所以下周一有望重上23000水平, 以往23000~23500筍價水平都見資金入市, 4月插穿呢個區間就炒番上24800水平

~ 美元弱勢持續，越走越低，人民幣連跌兩日後止跌回升，人仔回穩利好中資股， 怪不得國指倒升，大幅跑贏恆指

~ 大媽趁大插買QQ護盤, 今日QQ大幅低開後再隊落去見全日低位$404, 一開即彈, QQ見底, 代表港股亦已見底, 以閒閒地每周都有約千點波幅計, 下周有望再挑戰整數關口23500, 如能上企, 就會向23800~24000進發, 能否突破阻力區就要看上証能否上企2900並站穩, 阿爺好.港股好

~ 22/5阿爺第一次透露推國安法那天, 港股慘遭洗倉, 當天恒指收市插1349點, 黃媒除了於政治層面唱衰國安法外, 亦說國安法導致撤資潮, 觸發港股暴跌,

如果你係阿爺會點做? 不能再被黃媒抹黑國安法, 今次正式宣佈通過國安法梗係派大媽護盤啦! 所以我說阿爺唔想見22/5暴跌的歷史重演, 結果呢三日港股都係一插即彈, 中資護盤態度明顯, 國指已是連續3日跑贏恒指, 力撐大市

港股陰霾滿佈, 利淡消息浪接浪, 就算有大媽護盤, 亦不代表港股不會插水, 阿爺只係唔想港股因為國安法而暴跌, 所以急跌亦會急彈, 總的來說, 中資會成為港股的後盾, 每當暴跌, 低位會有阿爺睇場, 每次跌穿23000都係趁低吸納的良機

睇下沽空高達20.63%, 就知淡友大鱷仍未放手, 而大媽任務係維穩, 而不是想港股飛出外太空, 23800~24000會見阻力, 其實沽空爆燈未必係壞事, 有危亦有機, 從另一個角度來看, 大鱷亦有可能玩挾淡, 逼淡友回補空倉, 今日恒指恐慌指數vhsi急跌, 多個測市指標都出現利好訊號, 造淡食胡反手買上博反彈

==================================

~ 網易(09999)將於6月2-5日中午12時公開招股,6月5日定價,6月11日掛牌, 京東及網易等大型IPO於6月陸續登場, 大行亦要維穩來營造利好市場氣氛. 港匯亦會於招股期間走強, 利好港股

~ 日前我已說過, 周五通過國安法早已在市場預期之內, 沽壓已逐步消化, 低位見掃貨盤, 結果呢兩日港股一插即彈, 收市跌幅不大

~ 樓上熊熊肥騰騰, 並不斷下移, 早晚都要歸西, 今日只係時辰未到, 目前牛熊分佈係牛少熊多, 熊熊多到不得了, 牛遠熊近, 有利上攻,

~ 大鱷一貫操控大市的手法, 多數係突然大裂口升/跌跨過支持位或阻力位, 企錯邊就會被挾死, 爆升的話, 淡友就要追貨回補空倉, 插水就可逼人止蝕斬倉, 如今港股已失守所有平均線, 恒指多條平均線處於23400~23900

~ 今日港股在22900窄幅穿梭, 冇飛天亦冇遁地, 可能係因為5月已做夠月波幅2247點, 本周亦已做夠周波幅995點, 所以大鱷忍忍手, 等下周開6月新局才玩大龍鳳

睇下港澳辦主任夏寶龍說:「士可忍孰不可忍」、「人不犯我 我不犯人」「你敢做初一，我敢做十五，看你(美國)能出甚麼牌？」, 就知道阿爺決心全力抗敵, 既要打退狗賊, 亦要守護香港, 當然要穩住金融市場

所以每當港股大插時, 大媽就會出場維穩, 內地資金力撐港股, 大媽往往趁反彈在高位出貨套現, 趁大跌時掃貨護盤, 入市睇住大媽手影來炒波幅, 

~ 報應來了, 特朗普搞種族歧視, 欺凌黑人及亞裔人士, 終於引火自焚, 美國黑人被白人警察殺死, 掀起美國數十州出現暴動, 全城反轉, 要宵禁及出兵平亂, 情況非常嚴重, 連澳洲加拿大英國都出現示威, 反而有助將全球的焦點由屈中國播毒轉移去暴動, 中港壓力或會因而紓緩

==================================

~ 港股23000股值吸引, 唔少股份都跌過龍, 近來企業回購頻繁亦有助穩住港股, 長實地產.新地亦見回購盤, 有助穩住市場信心, 另外配股活動亦有誘因托住大市

~ 美股有造市味道, 美股是賴朗普的政績, 有可能係佢搵無形之手托市, 多次見暴跌, 尾市都急彈嘜高收市價, 科技股大受追捧, 納指亦已步入牛市, 亦利好QQ及阿里巴巴, 美股表現亮麗亦有助穩住全球股市

~ 賤美保護主義抬頭, 趕走中概股反而益左港股, 中概股排隊來港上市, 有助穩住港匯, 港股於22/5暴跌逾千點那天, 港匯弱雞, 但其後逐步好轉, 今日港匯進一步轉強收報7.7512, 人民幣亦止跌回升, 匯市形勢利好中港股市

~ 美元月中於100大關打回頭, 近日已落到98附近, 美元轉弱亦利好人民幣, 人仔強, 港股好

~ 雖然恒指上周五跌穿4月低位22756見22519, 但國指低見9306, 守得住4月低位9266, 有國指撐市, 雖然外資走貨, 但有內地資金接貨, 力撐大市

~ 上証一直力守2800大關, 港股亦得以守住22500/9300, 上証不斷挑戰2850, 作勢收復, 如能上企, 利好港股

阿爺宣佈通過國安法, 市場已有心裡準備, 反而係中美交惡, 賤美出毒招制裁中國(凍結中國官員在美資產.取消香港特別關稅區地位...), 導致港股出現震盪, 但好明顯中港股市都有阿爺護盤, 而且賤美出招後, 不明朗因素消除, 反而係好事

美國大暴動及阿爺推出國安法後, 黑暴當堂謝晒, 氣勢大為收斂, 黃絲文宣網上號召上街, 但響應黃絲寥寥可數, 看來6月多個黃絲紀念日警方有力控制大局, 香港重啟經濟漸露曙光, 英美為了打擊中國, 刻意放風接收港人, 黃絲誤以為可以移民去英美, 如此一來, 黃絲就要向警方申請良民証, 可能係黃絲唔敢上街暴動的原因之一

6月份要上破今日高位23515不難, 因為早前大鱷一直守住23500水平, 不會這麼輕易放手, 但想重上並企穩就要上証好, 亦要等人民幣轉強才能成事