10/6 見頂訊號

2020/06/10 21:51:12 網誌分類: 經濟
10 Jun

恒指向上阻力:

100天線25107

頸線24855,下移中的20周線(24923)

9/3 下跌裂口(25321~26084)

向下支持:

3/6 上升裂口 23995~24220

1/6 上升裂口 23089~23520

23000/4月低位22756/5月低位22519

24/3「島形底」裂口22064~22383

國指向上阻力:

頸線10108/100天線10060

3月初下跌裂口(10247~10315)

向下支持:

3/6 上升裂口 9890~9954

1/6 上升裂口 9579~9768

4月低位9266, 24/3上升裂口8882~9062 

12月收28189
1月收26312(跌月)
2月收26130(跌月)
3月收23603(跌月)
4月收24643(升月)
5月收22961(跌月)

過去幾星期恒指每周收市位
08/5 24230
15/5 23797
22/5 22930
29/5 22961
05/6 24770

恒指已連升兩周, 今年未見過連升3周, 即係12/6收24770之下才符合慣性走勢

=========================

~ 6月份恒指期貨大戶加權平均開倉水平22964, 國指期貨大戶加權平均開倉水平9459, 上証向下支持2900/2850/2800, 恒指向下支持24500/24000/23800.... 如出現大跌, 只要阿爺護盤, 就能穩住中港股市

~ 為何上次網誌寫港股五窮六不絕? 因為根據統計, 5月恒指大跌超過3%的話, 6月就會係收升居多, 所以6月會收22961之上, 估計6月初上攻, 打回頭, 消化沽壓, 6月下旬再上, 只要上証守得住2900/2850, 港股急跌亦會急彈

~ 9~10/6聯儲局議息, 其言論會影響全球資金流, 股匯債必定會大幅波動, 物極必反, 美元及人民幣過強或過弱亦不利股市, 資金流入, 股市會急升, 不過當資金流走, 股市就會急瀉, 美元太弱可能會觸發美元資產外流, 如領漲的美股見頂回落, 全球股市就會反艇, 如市場出現利淡消息, 避險情緒升溫, 就會推高美元, 拖低人民幣匯價

~ 人大常委本月18-20日開會, 外界料「港區國安法」會列入議程, 如屬實, 到時政經市場又會起風雲

~ 5月份大媽趁港股急瀉, 於低位掃貨護盤, 不過踏入6月, 大媽趁港股反彈, 一路升一路沽貨獲利, 估計大媽係套現來等低位吸貨護盤, 5月份老外趁跌市掃入A股, 於6月第二周亦沽貨鬆人, 散戶跟住大媽及老外手影買賣才有勝算,

~ 6月份港股展開升浪, 其中一個原因係老外掃A股, 內銀內險等權重A股急升, 就推高相關H股, 所以當老外沽出權重A股, 就拖低相關H股, 港股就乏力再進, 突破100天線(約25100)亦無法站穩

~ AH股相關系數高, 上証2950屢攻不下, 港股25000/10000亦危危乎, 難以站穩, 大鱷推高權重股來掩護派貨

~ 全球央行放水, 6月港股的升浪如果係由熱錢推動, 當大市於急升後作出大調整, 低位就會有買盤承接,

~ 炒即市可睇三大測市指標(上証/人民幣/互聯互通~老外及大媽手影), 以及睇QQ和地產板塊, 就能估算大市走勢

~~~~~~~~~~~~~~~~~~~~~~~~~~~~~~~~~

~ 大市觸底回升, 轉勢向上, 通常係突然大裂口急升扯住上, 挾市淡友, 同樣地, 當大市見頂回落, 轉勢向下, 亦會係突然大裂口急挫碌落山, 挾屎好友

~ 大鱷愛好淡通殺, 當淡友死得七七八八, 就會失驚無神大插殺好友, 股民入市賺左都要嘔番盈利出來, 好友淡友都要死, 所以散戶任何時候都要兩手準備

~ 恒指由5月尾低位22519反彈至10/6高位25303, 累計反彈約2800點, 升勢過急過多, 可能係受熱錢流入所推動, 反彈幅度已超標, 已有足夠水位俾大鱷轉身, 熱錢來也匆匆, 去也匆匆,

~ 5月份多次上破24500都企唔穩, 反映呢個水平阻力非輕, 6月份已上破, 要收市站穩3天, 最好5天才能確認, 近來再上攻100天線(約25100)卻不斷受阻而回, 不進則退, 要擴大周波幅就要再下試24500的支持力, 如失守, 就要落去回補3/6上升裂口(23995~24220)

~ 炒一周期權的大鱷多數會在周四五食胡, 近來周四五恒指都係連升或連跌, 就係呢D短炒大鱷出手的日子, 周四五急升就伸多一腳上去, 急跌就插多一棍落山

~ 資金市尋頂期間買盤強, 遇上沽壓通常係即市調整或小幅收跌, 連升容易連跌難, 反覆急升, 回氣1~3日就會再創新高, 如出現連跌或單日跌幅超過200點就係見短頂訊號, 變成尋底市, 市強(未見頂)回吐600~800點, 市弱(已見頂)就要嘔起碼千點, 通常插1000~1200點就會反彈

##################################

~ 當大市急升, 淡友輸到唔敢造淡, 止蝕投降, 又或者貼價新牛登場, 老肥熊死得七七八八, 就係大市回吐之時

~ 當大市出現黃金交叉利好訊號, 亦同樣代表港股已累積龐大升幅, 超買, 慎防大市會作出大調整, 出金叉反而利淡, 出死亡交叉代表已累積龐大跌幅, 超賣, 反而快要見底, 出死叉反而利好

~ 5月份RSI上到55~60港股就見頂回落, 6月市況雖然強勢, 可以看高一些, 不過當RSI上到60~65就要小心, 70樓上更是高危

~ 6月開局恒指日日都競價高開, 代表好友主導大市, 當出現低開低收就要小心是淡友反擊訊號

~ 6月上旬有國安法/企業回購/配股及網易.京東維穩盤及熱錢流入推高大市, 但當招股完成, 國安法塵埃落定, 就要小心托市誘因消失

~ 美國全國性大暴動勢必引起新冠疫情第二波, 美國醫療系統將難以承受, 確診及死亡率會上升, 不利美國經濟, 對虛火上升的股市會構成壓力

~ 中港美三地股市通常係同步見底頂, 當中美股市見底, 港股亦會跟隨見底, 當中美股市見頂, 港股亦會見頂, 不能獨自去偷歡, 美股有造市味, 升勢過急, 升幅過大, 已超賣, 慎防美股作出調整會拖低全球股市

~ 港股慣性走勢係試完底就要再沖頂, 到沖頂打回頭就要再試底

~ 近來財經界人人唱好, 但逆向思維, 無論大跌浪抑或大升浪, 都不會一去無回頭, 當大市升/跌一段長時間, 就要慎防大市會突然轉向

*******************************************

~ 由2月起, 港股每次升穿50及60天線都企唔穩, 最多企幾日就落番去, 急升亦會急跌, 點升上來就點落番去

~ 一般恒指每周波幅有800~1000點, 大波幅就超過千點

~ 5月份唔計特大及特細即市波幅, 恒指通常日波幅有200~380點, 但6月上旬波幅擴大, 高達230~560點

~ 睇住QQ表現就知港股點走, QQ見底, 港股見底, QQ見頂, 港股見頂

~ 以即市走勢來看, 地產板塊強弱反映港股動力

~ 市強只會作出即市調整或收市跌幅少過200點, 如單日跌逾200點或者出現連跌就係見頂訊號

~ 港股好少全周日日升或跌, 每周通常升跌2~3天, 極端情況才會4升1跌或4跌1升, 6月首周全個星期升足5係好罕見, 透支了升幅反而不好, 點升上來就點落番去

~ 按照慣性走勢, 無論該周收升或跌, 多數會在周三四五創該周高或低位

~ 以往恒指周四五多數係1升1跌, 不過5月份已唔跟呢個慣性走勢, 周四五變成連升或連跌, 換句話說, 如周四收跌, 周五亦會收跌

~ 6月份有大量成份股除息拖低期指

#############################################

兩手準備

當股市升了一段長時間, 又或者累積龐大升幅, 就要有心理準備大市隨時會掉頭向下, 兩手準備就係趁大市一路升就一路沽貨減倉, 如想繼續買上亦應將入市注碼收細, 又或者反手造淡, 亦可選擇離場觀望,

如果港股大跌好友中伏了, 就要想一想, 有冇做防風措施, 如果冇, 就當上了一課, 下次遇上同一情況就不應重蹈覆轍

港股係跟住熱錢上落, 25/5中港股市見底, 5月下旬老外趁跌市密密掃A股, 當時大媽亦掃港股執平貨, 踏入6月首周, 老外繼續買A股(相關H股跟升就推高了港股~恒指七連升), 但大媽已率先沽貨獲利, 大市一路升, 大媽就一路食胡, 到了6月第二周, 連老外都走貨食胡, 港股就反艇

上述情況反映港股是處於被動狀態, 匯市形勢, 老外及大媽的手影是港股升跌關鍵, 如果散戶凈係睇住港股走勢圖來炒就好易中伏

我講過好多次, 大鱷係唔會益股民, 當你做好友一路搭順風車賺到笑, 大市會失驚無神轉勢向下暴跌, 好友就要將盈利嘔突, 同樣地, 當你做淡友一路搭順風車賺到笑, 大市會失驚無神轉勢向上, 淡友就要將盈利嘔突, 即係無論好友淡友都要輸,

所以散戶入市唔想得個桔, 就要在高風險時期減倉, 又或者當人人看同一方向時冷靜下來, 收細注碼或離場觀望

+++++++++++++++++++++++++++++++++++++++

匯市

日前曾說要留意美匯及人仔強弱, 係港股升跌關鍵

10/6(周三)大家見人民幣走強在7.06就以為港股冇事, 所以看好後市, 中伏了, 翌日(11/6周四)港股大插近600點

好友錯在哪裡?

匯市瞬息萬變, 大鱷不但看當時的匯價, 亦會預測匯價走勢, 10/6(周三)人仔報7.06時老外走A股(散戶應警覺), 翌日(周四)繼續走鬼, 港股大插插, 原來人仔周三見頂後轉弱低走, 周五報7.0745

當美股災難式大插, 市場避險情緒升溫, 推高了美元, 拖低人仔

+++++++++++++++++++++++++++++++++++++++

18~20/6(周五六日)人大常委開會, 市場估計或會有[涉港國家安全立法]消息, 因為如果今次未能宣佈立法生效, 就要等下一次(8月尾), 人大常委每逢雙月開會

新法例細節複雜, 能否趕得及本月立法非常關鍵, 想撥亂反正, 當然應盡快立法, 如果拖到8月尾才實施, 太接近9月6日立法會選舉反而會擔心影響投票

另外7月1日香港回歸23年, 如能及時於大日子前宣佈正式推出[涉港國家安全立法] 亦別具意義

最新回應

soho*
soho* 2020/07/04

試兄, 以前我多數睇日線, 但今年我傾向睇周線, 估市準確度提升, 反映大鱷係利用日升跌來騙股民, 周線才見真章, 星期四五係大鱷出手畫周線的日子

周一我說造淡止賺, 反手造好買上, 就係睇周線得出的結論

裙甩褲甩
裙甩褲甩 2020/07/03

255樓上有肥熊
新牛上到24921,有散戶入新近牛

試下學下
試下學下 2020/07/03

門兄,捱得住身心消磨蟹住不容易,吾羸都吾洗輸是羸錢第一步,我多次捱吾住白交學費

今日玩左短線止損追左好倉,趁仲有勝算寧買當頭起,大市悶局3角突破上升,最少應該推升見26樓 

大市分別假突破向下(見藍線)向上各一次先真正出方向,真係吾容易玩,日線跟週線比較週線反而確定向上趨勢

門徒
門徒 2020/07/03

我不知恆仔會闖多高,但我放哂d蟹貨喇,諗住重新起步 {#iconb_265}錯就要認