國家隊護盤利好大市

2020/06/29 19:40:29 網誌分類: 經濟
29 Jun

國家隊護盤 + 資金市 = 中港股市水到渠成

自從3/6重上24000以來, 好友一直咬住24000-24500主區間,就算10/6上攻25303打回頭, 15/6落到23777一天隨即彈番上24300, 護盤誠意十足, 誓要托住呢個水平來結算, 要假設6月尾有心人會護盤,因為:

~ 期指結算、季結、月結、半年結

~ 國安法維穩托市盤

~ 港股五窮六不絕, 按照劇本, 6月初沖高回落.月中消化沽壓.回調整固.6月下旬再上, 向上阻力24500.24800~25000(阻力大位), 25303/10224(6月上旬高位), 9/3 下跌裂口阻力(25321~26084), 港股已在24000~24500橫行了好一段時間, 通常磨完都係向上攻, 6月份上証價量齊升, 只要7月份A股續升, 有望推動港股更上一層樓

6月份好友一直力守24000水平, 以上半年恒指有5個月的月波幅超過2000點來看, 7月份有望挑戰26000水平, 不過要有好消息才能突破9/3下跌裂口阻力(25321~26084),

恒指波動區

按照慣性走勢, 試完底就會再沖頂, 沖頂打回頭就會再試底

(市強由高位回吐600~800點, 市弱回吐1000~1200點)

(市弱由高位反彈600~800點, 市強反彈1000~1200點)

25303(10/6第一個頂)下跌至23685(15/6低位~6月第二個底), 累計回吐1619點

23685(15/6底)反彈至25071(24/6第二個頂), 累計反彈1386點

25071(24/6第二個頂)下跌至24148(29/6低位~6月第三個底), 累計回吐923點

如果29/6低見24148(50天線附近)已見底, 市弱就會反彈上24800~25000, 市強就會挑戰前頂25303, 只要上証企硬唔落山, 港股就唔使破底, 會反覆尋頂, 阿爺好.港股好

6月尾淡倉食胡反手博反彈, 因為七月開新局, 又會再挑戰前頂25303, 回顧過去20年的7月份, 有14次收升, 代表7月港股收升機會大, 而根據6月走勢, 都係月初先向上走, 港股交投暢旺, 有資金市的味道, 6月份滬深股市成交明顯增加, 中港股市都見資金流入, 6月下旬港股受壓, 主要係受美股大幅回吐, 基金半年結沽貨換馬鎖定利潤所拖累, 結算後7月開新局, 基金經理就沒有了結算的制肘, 6月初的資金市都係急升扯住上, 具參考價值, 當時短短幾日就爆升2342點

~~~~~~~~~~~~~~~~~~~~~~~~~~~~~~~~~~~

~ 中港美三地股市通常係同步見底頂, 當中美股市見底, 港股亦會跟隨見底, 道指於15/6創6月低位24843後觸底回升, 港股及上証亦同樣在15/6見底23685/9612/2890, 三地股市自此展開反彈浪, 同樣地, 當中美股市見頂, 港股亦會跟隨見頂回落, 所以要密切留意中美股市表現, 由於AH股相關性高, 所以港股傾向跟內地股市

~ 全球央行放水, 老美推出多項救股市及經濟措施, 水浸市場, 熱錢四處流竄, 6月港股的升浪如果係由熱錢推動, 當大市於急升後作出大調整, 低位就會有買盤承接, 再炒番上去, 似係大型上落市, 升市不要太樂觀, 跌市亦不要太悲觀, 應市策略係跟住炒波幅, 大升減磅或換馬追落後, 大跌執平貨博下一波升浪

~ 6月份由好友主導大市已無懸念, 自從16/6恒指收復50天線以來, 好友就一直咬住唔放, 對比5月份往往企唔穩50天線的弱勢有所改善, 好明顯係大媽護盤的功勞, 受國安法消息拖累, 22/5恒指暴跌1349點, 其後未見過這麼大的跌幅, 我估係阿爺不容許歷史重演, 不能再俾機會黃媒抹黑中國, 說國安法掀起撤資潮, 香港國際金融市場地位不保

~ 我一直認為阿爺會在七一前宣佈落實港區國安法, 因為2020年7月1日是國共產黨成立99週年紀念日, 這一天作為撥亂反正, 香港二次回歸別具意義, 今個月一直有傳聞國安法出台後, 阿爺會推出惠港措施, 人行日前公布快將推出「跨境理財通」,將於粵港澳大灣區開展跨境理財通業務試點。廣東省的內地居民將被允許在香港和澳門的銀行開設特殊投資賬戶,以購買合格的投資理財產品,南向和北向1500億人民幣的額度, 阿爺放水撐港股, 看來有利7月港股, 另外阿爺放寬內地的外資准入的股權比例及業務限制, 亦放股票牌予四大內銀, 都有利中港股市

人大常委於6月28~30日加開會議審議「港區國安法」, 假如七一落實法例, 由賤美牽頭的國家(五眼聯盟+歐盟)必定會諸多刁難, 對中港作出制裁, 金融市場必定會出現震盪, 黑暴會有何反應亦難料, 港股近來已出現炒股不炒市的現象, 資金流入新經濟及受經濟衰退影響較細的股份, 其他股份卻跌到走樣, 要等資金流入落後股份, 才能推動港股爆上

~~~~~~~~~~~~~~~~~~~~~~~~~~~~~~~~~~~

~ 由6月中展開的反彈浪, 於端午前夕(24/6)高見25071(前頂25303)就掉頭回落, 反正已做夠月波幅, 好友亦不急於再上攻, 6月已賺到開巷, 不如留力7月再戰, 而大媽志在維穩, 6月尾亦由得大市月尾在24500穿梭, 有分析指6月下旬股市見沽壓係基金或大鱷沽股轉入債市來埋半年結, 要6月結算後才會沽債買股, 如果屬實, 則利好7月初股市, 6月流入新興市場的資金,從5月的35億美元急大增至321億美元,其中大部分流入債市,中國股市吸引約61億美元資金

~ 恒指於24/6高見25071就碌落山, 未能更上一層樓, 皆因道指於6月尾兩度暴瀉逾700點, 不過其後道指已於26/6觸底回升, 低見24971(守得住前底24843), 道指見底, 港股當然跟, 於29/6低見24148(50天線)就掉頭向上, 當天上証亦同步見底2951後重拾升軌, 中港美三地股市完成調整, 而標普往往神奇地守得住3000大關, 唔通係侵侵托市? 只要中美股市向好, 利好港股

~ 大市觸底回升, 轉勢向上, 通常係突然大裂口急升扯住上, 挾屎淡友, 同樣地, 當大市見頂回落, 轉勢向下, 亦會係突然大裂口急挫碌落山, 挾屎好友, 所以持倉過夜企錯邊屎得, 當升浪維持一段時間, 好友賺到笑, 大市就會突然轉勢向下, 要好友嘔突盈利, 同樣地, 當跌勢維持一段時間, 淡友賺到笑, 大市就會突然轉勢向上, 要淡友嘔突盈利, 大鱷係唔會俾股民賺錢落袋, 少做少錯, 大賺後就要離場.換馬或減磅

~ 6月份恒指期貨大戶加權平均開倉水平22964, 國指期貨大戶加權平均開倉水平9459, 近日上証力守2950水平, 恒指亦力守24100水平, 國指守9700, 向上方面, 上証向上阻力3000/3050, 恒指向上阻力24800~25000/25303, 國指阻力10000~10200, 當RSI上到55~65就要慎防大市掉頭回落, 如RSI高企不下, 淡友就要慎防熱錢唔肯放手, RSI會突破70

~~~~~~~~~~~~~~~~~~~~~~~~~~~~~~~~~~~

~ 港股於6月份急跌急彈, 仍咬住24000~24500主區間游走, 似係用拖字訣來消化沽壓, 亦俾時間牛熊入局(6月下旬5天屠牛.4天屠熊, 好淡通殺), 等好消息就會借勢踢高大市屠熊挾淡, 就算有壞消息推低大市, 落山屠牛後, 低位亦會有大媽護盤, 急挫後往往能收復失地

~ 回顧11/5恒指高見24766後, 受港版國安法消息拖累, 碌左落22519, 不過踏入6月就反覆急升, 彈到上25303見頂回落, 中國外交部及特首先後表示港股收復失地, 正正反映國安法無損香港投資環境及信心, 好明顯係大媽及中資托市的功勞, 美股亦同樣見無形之手托市, 明明跌到走樣, 卻突然大幅反彈

~ 今個月基金半年結, 所以基金經理有誘因踢高股價出貨埋年結, 估計6月份基金股表現較佳, 不會雞犬皆升, 水星逆行18/6~12/7, 期間必定會消息紊亂, 金融市場會大幅波動, 以前水逆多數見股市暴跌, 但近年已改變, 有急升亦有急跌, 散戶要好好掌握來炒波幅

~ 今次水逆撞正國安法亦是天意, 所以我深信國安法必定會在水逆期間宣佈正式落實, 估計可能在七一生效, 就算港股有震盪, 斷估阿爺會護盤, 15/6中港股市大插, 已見大媽出手掃貨, 有阿爺撐腰, 所以6月份好友佔優勢, 6月尾港股跌市日數增加, 唔少財演都唱淡港股, 逆向思維, 期指結算後港股就會反彈, 造淡已於29/6食胡, 反手博反彈, 因為七月開新局, 又會再挑戰前頂, 資金市造淡係逆勢操作

~ 炒即市可睇三大快速測市指標(上証/人民幣/互聯互通~老外及大媽手影), 以及睇QQ和地產板塊, 就能估算當天大市走勢, 地產板塊強弱反映港股升跌動力, QQ見底, 港股見底, 當QQ見頂, 港股反彈浪就會結束

~~~~~~~~~~~~~~~~~~~~~~~~~~~~~~~~~~~

~ 炒一周期權的大鱷(好友淡友)多數會在周四五食胡, 所以周四五就係呢D短炒大鱷出手的日子, 按照慣性走勢, 無論該周收升或跌, 多數會在周三四五創該周高或低位

~ 6月份上証強勢, 反覆上升, 挑戰3000大關係有跡可尋, 有數據顯示雖然踏入2020年武漢爆發新冠疫情, 但外資卻持續大舉流入中國股市及債市, 與特朗普的撤離中國的國策背道而馳, 有分析指是外資看好內地經濟, 相信中國是疫情下唯一有經濟增長的國家, 只要內地股市續創新高, 就可推動港股向上

~ 回顧恒指上次在5~10/6收於24500樓上4天, 跟住就插水, 24500及50天線都係魔咒位, 每次升穿都站不穩, 今次19~26/6恒指收24500樓上5天之後(叻過月初4天), 最終於29/6收於其下, 始終無法站穩24500, 但由16/6起卻一直收50天線之上, 反映港股受內地股市帶動, 市底已暗暗轉強, 呈底部上移格局, 可惜只係受個別權重股例如QQ托市, 唔少股份都呈弱勢, 跑輸大市, 要消化沽壓後才能重拾升軌,

國安法出台, 有阿爺維穩盤托市, 加上全球央行放水, 熱錢充斥市場, 企業回購/ipo/配股/基金半年結, 都有助穩住大市, 波羅的海乾散货指數(BDI)踏入6月就日日升, 亦係炒經濟復蘇

~ 近來觀察美元/人民幣/港股的關連性, 當美元走強上企97挑戰98水平, 恒指就難以站穩24500, 當美元走弱下試/失守97, 恒指就會踢上去

========================

過去幾星期恒指每周收市位

08/5 24230 跌
15/5 23797 跌
22/5 22930 跌 (放風會立國安法)
29/5 22961 升 (25/6見底22519)
05/6 24770 升
12/6 24301 跌
19/6 24643 升
26/6 24550 跌

3/7 (根據升跌韻律, 29/6~3/7的一周有望收升, 即係3/7收24550之上)

~~~~~~~~~~~~~~~~~~~~~~~~~~~~~~

回顧6月份恒指上破25000的走勢, 假突破企唔穩反艇, 要上証企3000大關, 港股才能站穩25000

08/6 24678(低) ~ 25018(高) 收 24776 爆上25000掉頭向下
09/6 24837(低) ~ 25253(高) 收 25057
10/6 24968(低) ~ 25303(高) 收 25049 見頂回落 ****
11/6 24480(低) ~ 25059(高) 收 24480
24/6 24771(低) ~ 25071(高) 收 24781

**** 6月頂部在25303, 如果7月好友力守24000, 就要升穿25303來擴大月波幅

2020年第二次水星逆行日期:6月18日至7月12日 金融市場大幅波動的時期, 水星逆行期間必定會消息紊亂, 金融市場會大幅波動, 以前水逆多數見股市暴跌, 但近年已改變, 有急升亦有急跌, 散戶要好好掌握, 資金市炒作方式有別於正常上落市, 係大漲小回, 低位一瞬即逝, 升市日數多, 升勢急勁, 見短頂後回氣, 幾日後就會破頂, 能迅速消化壞消息, 對好消息反應強烈, 個別股份會飛天, 升到你唔信, 好友佔優勢, 淡友節節敗退

~~~~~~~~~~~~~~~~~~~~~~~~~~~~~~

過去幾個月恒指收市位

12月收28189
1月收26312(跌月)
2月收26130(跌月)
3月收23603(跌月)
4月收24643(升月)
5月收22961(跌月)

6月收24xxx(升月) ~根據歷史統計, 5月插水6月大升, 7月收升機會亦大


6月期指結算價24301
6月國指期貨結算價9761

7月份大戶加權平均開倉水平分別為24352/9757

當美國十年期債息向上走, 股市好, 當美國十年期債息下行, 股市危

當美國十年期債息處於 0.6x 水平, 股市危

(債息於9/6起反覆下跌, 30/6債息由0.627止跌回升, 代表市場風險胃納上升, 資金由債市轉入股市, 中港美股亦同步觸底反彈, 重拾升軌)

當美國十年期債息處於 0.8x 水平, 股市好

(8/6債息由0.9水平掉頭回落, 代表市場恐慌情緒升溫, 當天美股見頂, 9~10/6中港股市見頂)

=========================

3/7 港股收25373/10243, 資金湧入內地股市, 上証破位而上, 價量齊升靚爆鏡, 已連升3周, 創今年最長連升記錄, 按照中港股市同步的慣性走勢, 港股亦會跟隨上証飛天, 今日恒指做夠周波幅, 大鱷就留力, 刻意壓住升勢來震牛引熊, 要擴大周及月波幅, 下周港股就要升穿今日高位25453/10273,

既然7月開局港股及上証以超大成交突破關鍵阻力大位25000/10000/3000, 好友理應力守這水平, 繼續上攻殺淡友, 中港股市向上空間大, 4/7(周五)美國獨立日假期, 美股休市, 下周一港股繼續自由行, 買上有值博率, 資金市勿估頂, 元帥繼續買上, 淡友不聽元帥言, 吃虧在眼前, 逆勢操作就要買定官才, 挾淡回補空倉及落後股補漲, 上升動力可以十分驚人

早期資金市爆升, 散戶往往係縮手觀望或沽貨離場, 係大錯特錯, 其實展開升浪初期入市最安全, 當連日急升大市累積龐大升幅就要慎防獲利沽盤湧現, 資金市雞犬皆升, 連垃圾股也飛天時, 代表風險愈來愈高, 但散戶卻在這個時期才追入, 慢了十拍,

短炒趁反彈就要減磅, 當資金流有變, 又或者出現利淡消息, 熊仔淡友死得七七八八, 大市就會失驚無神掉頭向下, 大鱷通常係好淡通殺, 好友盈利未袋穩就要嘔番出來, 市強回吐600~800點, 市弱回吐1000~1200點就會反彈, 如有好消息, 消化沽壓後就會再沖頂

6/7 港股收26339/10726, 6月開局恒指連日急升2342點就回氣, 7月開局升勢正正是6月初的翻版, 今日高見26453, 由29/6低位累計上升2305點, 單計7月就升2026點, 由於收升周不會在周一見頂, 周內高低位亦不會在同一天出現, 周波幅亦未達標, 根據慣性走勢明日會升穿今日高位26453來擴大周及月波幅, 不過港股今日爆升, 但恒指恐慌指數急升11.73%, 反映升抵現水平大鱷有戒心, 加上明日中行及國壽除息, 中港股市都超買, 代表明日沽壓會大增, 好友或會食胡鎖定利潤, RSI已升抵70樓上的高危區, 預示大市會隨時作出調整, 明日轉節氣小暑, 預示有大變

由於中港美三地股市係同步見底頂, 只要留意中美股市就知港股何時掉頭回落, 近日港股急升, 主要是受美元下跌人仔急升, 熱錢流入掃A股間接推高港股, 而大鱷可能想在美國牽頭的國家推制裁措施前屠熊挾淡, 當大市急升後或會有後抽, 要預先制定應市策略, 趁大升減磅, 趁回吐就要吸貨博下一波升浪, 因為資金市一回就會有買盤掃貨, 消化沽壓後就會破頂而上, 資金市能快速消化壞消息, 一跌即彈, 而好消息就會令大市爆升, 當股份急升超買我會減磅炒波幅

7/7 港股收25975/10600, 港股四連升斷纜, 市強回吐600~800點(今日已回吐871點), 市弱回吐1000~1200點就會反彈, 如果係資金市, 回吐後就會有買盤進場, 候低買上, 只要上証企硬不回, 就會撐起港股, 按照測市指標, 明日會跌穿今日低位25911來擴大日波幅, 有A股做後盾, 國指強勢, 有助穩住大市, 一般來說, 市強只會作出即市調整或小幅收跌, 消化沽壓後就會重拾升軌, 美元日圓走弱, 人仔港匯強爆, 資金流利好中港股市, 資金市候低買上, 造淡係逆勢操作

阿爺政策利好中港股市, 人仔強爆, 外交部發言人趙立堅表示, 香港國安法通過以後, 到時候馬跳得更歡, 股炒得更熱, 舞跳得更好, 不過如果好友已有重倉, 亦要有兩手準備, 我就趁近日爆升時減磅炒波幅, 候低補回, 因為資金市升勢過急, 累積龐大升幅, 一個強烈利淡消息亦可令大市突然急挫

=========================

{#iconb_3135}

升       

最新回應

c6
c6 2020/08/08

水滴石穿 2020/08/08 15:45:58 回覆
@soho*...

從QQ牛熊看,490-500雲集大批牛仔,斷估必死無疑

水水哥哥🧍‍♂️

謝謝🙏查看QQ的秘密

c6
c6 2020/08/08
@美味雞煲...

煲煲好

海🐠鮮🦐飯

今日做咗兩次

其實唔見得人👎

c6
c6 2020/08/08

a miao小師姐高高手

~元帥你話渣住牛熊死坐,最後都有賺,但我覺得似玩跳樓機,死坐殊不容易,心早就被嚇飛出外太空了。~

絕對認同你的分享👍

~電視裡睇企鵝玩跳水,嚇死。。我沒有回吸,尼點價位,不是我的吸貨位;另外我認為低位不會只試一次,恆指要跌,都要靠企鵝。親親難道只打一棍?宜家QQ做緊三頂,收市位暫時沒破515和511,破了仲有位跌,到時回吸不遲;唔破低,就會向上做四頂,四頂不破,回調又是一場大運動,遲點追蹤指數基金又要調倉沽距呢。。宜家先要睇距的業績,當然我希望距爭氣。阿里爸爸都補曬上升裂口了。~

小師姐高高手👍🥳

感謝🙏你對騰騰的分析

C6要跟你後面🏃‍♀️🏃‍♀️🏃‍♀️

認真努力學習💪💪💪

c6
c6 2020/08/08

各位一陣再講

母親大人見到

一定鬧 遲啲再見👋