17~19/8 利淡訊號

2020/08/17 18:50:11 網誌分類: 經濟
17 Aug

港股高開高收呈陽燭, 秒殺肥熊即回

17/8 周一恒指收25347, 升164點, 結束兩連跌

今日大鱷秒殺肥熊趙完鬆, 25550~26000增加三百多張熊熊入局, 最肥熊在25800(250天線), 小牛亦上移, 明日上落300點都有牛熊殺, 向上阻力25500/10500, 睇今日港股的沽壓, 大市已見短頂, 明日破頂機會細, 反正未到結算, 大鱷亦唔想太早上25800, 落去消化沽壓後, 待結算周才踢上去

見連升亦要居安思危,國指已連升5天, 今年最長係連升6天, 所以明日或後日國指就要回吐, 恒指多數跟住國指走, 即係恒指明日或後日就要回調, 市強多數係即市調整或小幅收跌, 如收跌超過200點, 三日內無法收復失地就要小心係見頂訊號

如按照今個月恒指例牌連升或連跌的慣性走勢, 今日收升, 明日(周二)就應續升, 關鍵在上証表現, 上証升勢過急, 回吐壓力大增, 不過老外今日狂掃A股, 內地股市有大成交配合升勢, 未有見頂跡象, 後市有望升穿今日高位3451, 恒指已連續4天收25000之上, 能否守得住就要看中美股市,以周波幅來看,如未能上破25600,就要下破25000

今日港股挑戰25600/10500受阻而回,恒指高低位多數在周三四五出現, 25163~25588等爆邊, 上落兩邊都有貼價牛熊, 今日港股升勢全面, 落後股受追捧, 成也QQ, 敗也QQ, QQ$500樓下肥牛一直拉住QQ後腿, 阿爺放水, 內地股市爆升, 上証破頂, 港股亦跟隨破頂, 港股何時回吐或破頂都係跟上証, 中港美三地股市通常係同步見頂

投資者風險胃納上升, 美元避險需求降, 美匯下跌, 聯儲局周三公布7月政策會議紀錄

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股即市波幅急降, 大龍鳳先兆, 部署屠牛

18/8 周二恒指收25367, 升20點, 連升兩天, 回吐壓力大增

港股有暗湧, 大鱷出緊貨, 只係尾市夾硬踢高收, 升得好假, 明日沽壓會加劇, 港股全日埋單收陰燭, 已是連續兩日衝高回落, 收窄升幅, 今日即市調整, 但午後出現全日低位, 全日呈先高後低, 走勢欠佳, 四大板塊有三個收跌, 反映獲利沽盤出籠, 大鱷推高科技股來掩護出貨

昨日恒指高見25588後回落, 低見25163, 回吐幅度太少, 未達標, 仍有下跌空間, 今日港股超窄幅波動養牛熊, 結果係牛牛飛撲入市, 明日下殺機會大, 本周仲有3個交易日, 恒指通常一周升2~3天, 如今已連升2天, 即係未來幾日要慎防回吐, 25163~25588要爆邊來擴大周波幅, 周三四五係創高低位的時間窗口, 一係升穿25588破頂, 一係下試25000, 測市指標預示向下跌穿25163機會大

今日恒指即市波幅急降, 係大龍鳳先兆, 大鱷已經連續3日冇開餐, 明日上攻抑或下殺就要看中美股市表現, 總之明日一定會大波幅, 整體牛熊分布係牛肥熊瘦, 25488~25599只得小熊35張, 要破頂上25600才有肥熊吃, 相反, 327張牛牛卻上移至25000~25250, 牛較吸引

內地股市表現亮麗, 上証連升4天, 創新高3456後升幅收窄, 收3451, 過去兩日老外掃A股, 但今日卻沽出A股獲利, 凈流入A股資金大減, 唔係好現象, 國指已連升6天, 平了今年最長連升記錄, 小心明日升勢斷纜,

~~~~~~~~~~~~~~~~~~~~~~~~~~~~~~~~~

居安思危 ,而家最擔心係國指及上證連升的問題,連升日數越多,代表透支了升幅, 由於累積龐大升幅,大幅回吐機會越大

過去一個月恆指連升兩日後例牌連跌2~3日,今日夾硬收升20點,白白浪費了一日升市, 往後跌市日數就會增加, 明日港股表現就要睇阿爺,上証(內銀內險A股)跌, 港股亦會跟住跌, 人民幣雖然強爆,但上証升勢過急,回調壓力大增, 亦要慎防人仔隨時會見頂

本周高位25588, 市強嘔600~800點, 市弱嘔1000~1300點, 所以我一直擔心以周波幅計如果25600打回頭, 就有可能下試24800~25000, 但多條平均線在25000附近, 好友理應力撐, 如失守25000不妙, 市強作出調整, 落山大鱷食一兩口牛就要彈, 如果食三口牛確認大市已轉勢向下

港股通常係跟匯債, 上周五及本周一資金流利好, 老外就大手掃A股, 但老外今日走A股, 代表資金流有變, 本周一港股出現見頂訊號, 代表本周好友不會踢上25800, 不進則退, 即係要下試25000, 如失守, 500點一級, 就要見24500

匯債過夜就變天, 美國十年期債息急跌收0.667%(上周五收0.725%), 債息升利好, 債息跌利淡

QQ牛熊分布一直都係牛肥熊瘦, 最肥牛在$490~500, 下殺危機未除, $520樓上只得瘦熊, 削弱上升動力, 因而拉住港股後腿,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

颱風半日市, 大舉屠牛, 繼續尋底

19/8 周三恒指收報25179, 跌188點(最多下跌288點, 一度上升15點)

老外及大媽齊齊沽貨, 拖低中港股市, 近來恒指多數係連升或連跌, 今日收跌, 按照慣性走勢明日就應續跌, 港股明日表現就要看上証/QQ, 如上証失守3400大位, 就會推港股落山, QQ牛熊分布一直都係牛肥熊瘦, 最肥牛在$490~500, 下殺危機未除, 如QQ失守前底$501.5及$499.4, 進一步確認淡友已奪回主導權, 今日QQ收大陰燭, 以全日最低位收, 走勢差劣, 預示港股未見底,

本周一(17/8)見頂回落, 沖頂打回頭再尋底, 美元反彈, 人仔疑似見頂, 中港股市走勢已轉弱, 底頂下移, 今日收市彈上去收窄跌幅係震熊引牛入局, 本周恒指收跌(低於25183)機會愈來愈大,

由於過去幾日恒指即市波幅通常有200~450點, 既然向上25200阻力大, 代表未來兩日會插穿今日低位25079來向下擴大即市及周波幅, 整體牛熊分布係牛多熊少利下殺, 24800~25050牛牛愈養愈肥, 極具吸引力, 如做千點周波幅就要見24500水平, 24900~25050是10.20.50天線匯聚區, 如插穿不妙, 失守大位止蝕盤會令大市跌勢加劇 

當熱錢流入, 股市就會急升, 阻力位都攔唔住
當熱錢流走, 股市就會急跌, 支持位都撐唔住

大鱷將港股舞高弄低來搵食, 不愛走單邊, 喜歡好淡通殺, 8月上旬殺淡友, 8月下旬殺好友, 白宮稱特朗普已考慮對更多中國公司實施禁令, 在美國上市的中國企業可能在明年底之前被除牌,因此促大學基金清除中資股

 

最新回應

美味雞煲
美味雞煲 2020/09/30

群兄, 謝謝你解說ETF, 看來#7500只能短炒, 你懂的真多, 元帥真是班門弄斧了 .....

群兄好pro 👍🏾 大家又長知識。

試兄你MPF瞓身開美股淡倉?邊隻基金咁犀利?可否解釋吓 😂

中国加油
中国加油 2020/09/30
有惊无险,又到终点,9月恒指收23459,大跌1718(6.82%)。
放完假之后需要注意:
首先,當然係美國總統大選活動,特朗普與拜登的選情,相關消息足以對美股及中、港股市造成大幅波動。
第二,美國經濟消息,尤其是為數逾2.4萬億美元的刺激經濟方案能否順利獲得通過,從而能刺激美國經濟及提振美股氣氛。
第三,可能是全球最大宗的新股集資活動——螞蟻集團將於10月啟動中、港兩地上市計劃,必成市場焦點。9月份資金持續流入港股,基本上就係為認購螞蟻作準備,股民不妨留意在相關新股活動定價前,現成的中資科技股或可來個反彈浪,以起造勢之效。
第四,中國將於10月26日至29日召開第十九屆中央委員會第五次全體會議,期間將研究制定第十四個五年規劃,將為中美之爭下,未來五年中國的發展戰略,提供一幅更清晰的圖畫,並對港股走勢有所啟示。
第五,中美關係的進展,10月上旬美國可能會就制裁包括中、港金融機構的名單,而中國亦會以不可靠實體清單作還擊,到底相關制裁行動對兩地金融業影響有多大,必成市場焦點。
美味雞煲
美味雞煲 2020/09/30

試下學下
試下學下 2020/09/30

門兄好小心👍👍👍但個B浪睇怕要見埋227先。3浪未見底