1~3/9 尋底之旅

2020/09/01 20:37:18 網誌分類: 經濟
01 Sep

港股見頂回落, 展開尋底之旅

1/9恒指收25184, 升7點

昨日(31/8)恒指創新高25847見頂回落, 倒跌有可能係技術性因素(MSCI調動+月結+黑期結算), 以及大鱷乘機趁混亂夾硬造頂, 好友趙完鬆, 唔係幾妥, 因為恒指好少在月內最後一個交易日創新高, 多數係留待下月才踢上去, 營造每月有新高的利好形態來引股民入局, 大鱷就可高位派貨, 如今大鱷急不及待於8月底爆上25800, 預示9月份將會出現利淡因素令港股無法更上一層樓, 所以大鱷才急於造頂, 令9月創新高機會下降

昨日見頂後今日無法再創新高, 釋出利淡警號, 今日低見24995後反彈, 25000久守必失, 估計短線會再跌穿25000來向下擴大周及月波幅, 向24800/24500進發, 如一一失守, 代表反彈浪結束, 會下試前底24167

回顧7月下旬插穿25000, 低見24621, 翌日就重上25000, 反映結算前有無形之手守住整數關口, 今日低見24995, 又係一插即彈, 收25184, 但結算後力撐誘因已消失, 托市力度明顯減弱, 目前港股窄幅波動, 扮跌唔落, 淡友正等待突發利淡消息來插穿關鍵大位, 逼好友斬倉進一步推低大市,

按照大鱷操控大市的一貫手法, 尋頂市大市橫行係震牛引熊, 尋底市大市橫行係震熊引牛, 目前係尋底市, 在25000窄幅波動, 代表大鱷想引好友入局, 25000樓下牛牛肥到不得了, 有下殺誘因

~ 由於中美股市強勢, 利好港股, 如果過去幾個月展開的升浪仍未結束, 25847只係短頂的話, 9月高位就會高過8月頂部, 9月開局落山屠牛, 要消化沽壓, 待樓上熊熊養肥及下移, 又或者沽空大增, 牛牛死得七七八八, 港股才會急彈, 相反, 如果9月係轉勢月(我擔心係呢個劇本), 就會下試24800/24621/24500/24167多個支持位

由於24995~25847周波幅已進入達標範圍, 如果正常上落市, 本周就冇必要深潛下試24621, 底頂下移的話, 亦要預留下周的波動空間, 唯一要擔心係升過龍的美股, 當美股見頂回落, 港股就會大插, 好友亦會縮手唔托市, 24500神奇大位就危

~ 港股9月開新局, 正處於尋底階段, 仍有下跌空間, 不過港股配股/新股招股活動頻繁, 亦有大媽低吸護盤, 力守25000水平, 更有美股牛市做後盾, 港股不會獨自深潛, 要等中美股市反艇, 港股才會大插, 如有回吐, 第一個支持位在24800關鍵大位, 24621/24500不容有失, 如失守不妙, 代表港股會潛行凶間

~~~~~~~~~~~~~~~~~~~~~~~~~~~~~~~~~~~~~~~~~

9月首周中港美股市變天

~ 4/9恒指季檢成份股大執位, 加入科網生力軍踢走弱股長線利好國指, 本周會有百億被動資金掃入新貴, 利好股價,  近來大鱷推高科網股來掩護派貨, 其他股份都跌到走樣, 災味甚濃, 當新貴大幅炒高, 就要慎防7/9入指數後會有回吐壓力, 可能本周四五已有偷步獲利沽壓, 本周港股高處不勝寒, 9月開局淡友反擊

~ 美股牛氣沖天, 未有見頂跡象, 利好港版科網股, 本來有助穩住港股, 但本周港股卻走弱, 有可能係受恒指季檢成份股大執位所拖累, 金融.公用.地產減比重, 工商增加比重, 投資者亦擔心美股隨時見頂回落, 所以趁美股未死就偷步沽貨

~ 投資者跟紅頂白, 近來見資金沽出權重內銀地產等舊經濟股換入科網股, 反而壓住大市, 科網股高處不勝寒, 現時最擔心係美國及港版科網股升勢過急, 累積龐大升幅, 超買, 隨時會大幅回吐, 拖低港股, 亦係估計本周恒指會收跌的主要原因, QQ減比重是未來幾日最大隱憂, QQ尋底, 港股尋底

~ 侵侵為了總統大選造勢, 無形之手將美股推上山, 美股強勢尋頂, 上証在3400穿梭, 老外頻頻沽A股, 導致上証一直未能站穩3400大關, 內銀內險走弱拖低上証, 港股表現多數跟中美股市, 內地股市對港股影響力較大, 即市上証急跌急彈, 港股亦會跟隨飛天遁地, 無路可捉, 貼價牛熊都要死

~ 恒指季度檢討, 周五(4/9)大執位, QQ佔比會由11.48%降至10%, $560阻力大, $550樓上往往站不穩, 不過大媽愛QQ, 時常高沽低吸, QQ係大鱷操控港股上落的棋子, 與港股同步尋底頂, 升跌飄忽, 難以捕捉, 炒QQ牛熊易中伏, 近來QQ企硬撐起大市, 當QQ見頂回落, 港股亦會同步落山, 如QQ失守$530, 港股就危

今日大鱷托市, 牛熊養左成日, 有結果了, 瘦牛變肥牛, 牛牛快高長大, 目前牛熊都非常貼價, 整體牛熊分布係牛多熊少, 重倉牛引死大鱷, 大鱷頭痕, 如果上攻屠小熊就會放生肥牛, 港股大方向利淡, 正路應先下殺食雪花肥牛, 要看是不是秒殺肥牛即彈, 窒窒步扮跌唔落來引多些盲牛入局

高開低收, 單日轉向呈陰燭, 秒殺小牛即彈, 繼續尋底

2/9 周三恒指收報25120, 跌64點(最多下跌253點, 一度上升55點~競價開市)

今日低見24931, 大市沽壓沉重, 內銀續瀉, 又係靠QQ托市, 溫水煮蛙式派貨, 印度政府宣布禁用118款中國手機應用程式, 利淡QQ, 唔少科網股呈超買, 獲利沽壓大增, 港股陰陰跌, 已失守多條主要平均線, 淡友主導大市, 正在等利淡消息做催化劑來殺跌,

恒指月波幅遠遠未達標, 大市正在尋底, 大方向要下試24800/24500/24167/24000.... 來擴大月波幅, 不過今個星期由於周波幅已進入達標範圍, 限制了下跌空間, 到下周開新局就沒有制肘, 牛肥熊瘦拉住港股後腿,  令港股反彈乏力, 大鱷唔想放生牛牛, 好友死期將至

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股低開低收呈陰燭, 大舉屠牛, 底頂下移繼續尋底

3/9 周四恒指收報25007, 跌112點(最多下跌266點, 一度上升96點)

昨晚美股飛左出外太空, 但中港股市卻下跌, 代表沽壓沉重, 道指急升454點, 但VIX恐慌指數卻急升1.72%, 唔係幾對路, 一直覺得9月港股會變天, 係高危月, 除了因為恒指已連升3個月外, 亦係因為帶領港股上升的科網股升過籠, 由於9月初兩個新科網指數登場, 發行商要掃貨, 因而將科網股推左上天價, 高處不勝寒, 最大鑊係恒指季檢, QQ將於周五減比重, 沽壓特別大, 呢幾日QQ高位往往一瞬即逝, 明知$550~$560阻力非輕, 所以元帥過去幾日已相繼於$548~555沽清QQ, 因為每月總會有幾次大跌市, 不愁沒有低位補回的機會

其實由8月尾開始, 老外就日日走A股獲利撤退, 當時人仔仍走強, 代表大鱷預測人民幣快將見頂回落, 呢兩日人仔果然下跌, 美元守住92止跌回升, 利淡人民幣,美國10年期債息見頂回落, 失守0.7%向下走, 匯債形勢利淡股市,

睇恐慌指數代表美股昨日係燒煙花, 升到水尾, 伸埋最後一腳上去, 納指突破整數關口12000, 收12056,道指突破整數關口29000, 收29100,整數大位好邪, 通常阻力特別大, 企得穩就會爆升, 受阻就會大插, 一如日前所說, 美股已嚴重超買, 隨時反艇, 將會拖累全球股市

25847(頂) - 900~1300點=24550~24950(本周回吐目標)

大方向要向前底24167進發

~~~~~~~~~~~~~~~~~~~~~~~~~~~~~~~~~~~~~~~~~

恒指轉勢向下續尋底

一如元帥早前所說, 由於恒指已連升3個月, 上升時間已足夠, 殺完淡友殺好友, 好淡通殺, 大鱷係唔會俾股民賺錢落袋, 盈利未袋穩就要嘔突, 元帥傾向睇9月是轉勢向下高危月, 8月恒指波幅1582點, 假設9月同樣做1600點波幅(如見大頂, 月波幅可高達2500~3500點), 如果9月無法升穿8月高位25847, 就要向下擴大月波幅, 假設1/9高見25254已見頂, 減1600點月波幅就要插穿24500/24167低見23650, 假如跟7月做約2300點月波幅就要低見23000, 即係最低消費都要隊穿24000,

本來以為本周會守住24800, 養牛震熊, 磨到下周才插穿, 如今睇匯債形勢不妙, 好夢將成空, 其實呢幾日港股走勢明明向下,但即市不斷一插即彈,扮跌唔落目的係引好友入局, 以及震走淡友,24800/25000久守必失,不過保力加通道底+100天線+3月以來上升軌三線匯聚在24550~24700, 落到呢個水平會有一番爭持, 養牛震熊, 磨完再插

今個星期會否做盡周波幅見24500(上月力守, 但9月好難守得住, 不過落到呢個水平可能會彈一彈, 市弱多數係即市反彈, 收窄跌幅), 港股會否深潛就要看中美股市表現,因為三地股市通常係同步尋底, 尋底市每周都會有新低, 向上方面,除了多條平均線阻力外,今個月高位25254, 以及25500/25847都會攔路

周四五是炒一周期權大鱷食糊的日子, 由於本周由淡友主導大市, 代表周四五是創新低的時間窗口, 目前大市呈底頂下移的趨勢運行,臨危托沽格, 貼價牛愈養愈肥,有生命危險, 向下每百點都有肥牛, 向前底24167進發,

其實反映經濟的BDI波羅的海乾散貨指數於8月中已見頂, 當時港股及上証衝到上25588/10495/3456就反艇, 但由於有期指結算因素, 以及兩隻港版納指先後上市, 發行商要掃入相關股份, 好友就借勢咬住高位唔放, 於8月尾最後兩個交易日再伸多兩腳上去創8月新高, 月尾結算後好友已鬆人, 當上証今日失守3400大關, 港股就碌落山, 由高位25847累計回吐千點見24854, 仍未有見底跡象, 上証企唔穩3400, 港股亦企唔穩25000/10000, 按照BDI見頂回落的走勢, 進一步確認港股已於8月見頂25847/10495

本周五港股會特別混亂,午後及收市U盤更加會立立亂, 因為有恆指季檢調動, 所以一直提醒大家QQ減比重, 明日係創本周新低的高危日, 3032科技指數新登場, 亦係超買的美股長假期前夕,獲利沽壓特別大, 近來恒指即市只得約300點細波幅, 按照大鱷操控大市的一貫手法, 幾日細波幅後, 靜極思動, 就會突然爆邊殺倉

{#icono_71}{#icono_66}{#icono_71}{#icono_66}{#icono_71}{#icono_66}{#icono_71}{#icono_66}{#icono_71}{#icono_66}{#icono_71}{#icono_66}{#icono_71}{#icono_66}{#icono_71}{#icono_66}{#icono_71}{#icono_66}

港股低開低收, 大舉屠牛, 繼續尋底之旅

4/9 周五恒指收報24695, 跌312點(最多下跌519點), 100天線穿梭

最新回應

美味雞煲
美味雞煲 2020/09/30

群兄, 謝謝你解說ETF, 看來#7500只能短炒, 你懂的真多, 元帥真是班門弄斧了 .....

群兄好pro 👍🏾 大家又長知識。

試兄你MPF瞓身開美股淡倉?邊隻基金咁犀利?可否解釋吓 😂

中国加油
中国加油 2020/09/30
有惊无险,又到终点,9月恒指收23459,大跌1718(6.82%)。
放完假之后需要注意:
首先,當然係美國總統大選活動,特朗普與拜登的選情,相關消息足以對美股及中、港股市造成大幅波動。
第二,美國經濟消息,尤其是為數逾2.4萬億美元的刺激經濟方案能否順利獲得通過,從而能刺激美國經濟及提振美股氣氛。
第三,可能是全球最大宗的新股集資活動——螞蟻集團將於10月啟動中、港兩地上市計劃,必成市場焦點。9月份資金持續流入港股,基本上就係為認購螞蟻作準備,股民不妨留意在相關新股活動定價前,現成的中資科技股或可來個反彈浪,以起造勢之效。
第四,中國將於10月26日至29日召開第十九屆中央委員會第五次全體會議,期間將研究制定第十四個五年規劃,將為中美之爭下,未來五年中國的發展戰略,提供一幅更清晰的圖畫,並對港股走勢有所啟示。
第五,中美關係的進展,10月上旬美國可能會就制裁包括中、港金融機構的名單,而中國亦會以不可靠實體清單作還擊,到底相關制裁行動對兩地金融業影響有多大,必成市場焦點。
美味雞煲
美味雞煲 2020/09/30

試下學下
試下學下 2020/09/30

門兄好小心👍👍👍但個B浪睇怕要見埋227先。3浪未見底