大表妹的生日會
(* 相片候補)
先給大家看一顆樹樹:
爺+女麻
意粉爸+意粉媽 二叔+二嬸 三叔+三嬸 大姑姐 二姑姐+二姑丈
大 二 小 堂 細 大 肥 大 二
哥 哥 意 弟 堂 堂 妹 表 表
妹 妹 仔 妹 妹
好了,樹樹畫好,可以說了。今天,12歲的大表妹(小時候似舒淇也似關之琳)生日!在她們家樓下遇見,首先一起上去安頓下來。大表妹有朋友曰虹虹、雯雯,加上二表妹(快8--小時候似湯盈盈)、細堂妹(6--想不到似誰啊)、小意(快23--有陣子似鄧萃雯,有陣子似章子怡)和肥妹仔(快6--似蘇玉華),女生就是7個;嚴格來說,有6朵小花……
由於中國人探望親友不能「兩梳蕉」,意粉媽託小意帶一包提子(噢,提子叫我想起婆婆),以及在沙田一家百貨買的袋子給大表妹、二表妹(也是六月的)。小意則在早前買過每人一本簿、一條手鏈,今天還買了兩排特價益力多(益力多叫人想起爺爺,以前有陣子爺爺經常買給我們,想不到現在我買給她外孫女呢)。
見二姑姐還未回來,小意先開了一樽益力多自用。姑丈問大表妹為甚麼不招呼我,大表妹很直率:「表姐佢自己拎左樽益力多飲啦,D益大多係佢拎上黎架。」哈哈!跟著我給她禮物,說她跟妹妹一人一份的,她一開就「哇,好靚呀!」--這句意粉媽聽到定會很開心呢!
大表妹戴了個鮮黃色的「頭COOL」,穿著粉紅T-SHIRT和米色短褲;她人很高的,跟她同學相差近一倍?小意小時候,是她同學的那種身型啊。我想起以前覺得很高的女同學的名字來了。
虹虹說,以為大表妹口中的「BB」是「BB黎架,幼稚園果D」,但一見肥妹仔就給嚇著。「佢係幼稚園架!」大表妹這一句叫虹虹再說:「O下? 都唔知,我覺得佢大過幼稚園喎。」
擾嚷一番,二姑姐回來了。她說這個生日會用了接近一千元:PIZZA HUT的食品、小花們「美女廚房」用來包壽司的材料(她們包的真的不敢恭維)、她們用來弄HELLO KITTY+MELODY等等燒餅的東西(以PANCAKE粉開,她們有模型可以協助--這個二姑姐喜歡吃啊),以及西瓜盅、雪糕蛋糕、各種小吃。
肥妹仔因為年輕,大家都不許她入廚。她在外面吃著這,吃著那,吃著吃著還吃著,然後她見大姑姐坐著,她坐在大姑姐的腿上,加一張椅子在前方,把腳放上……
「好舒服呀!」她說。
「妳緊係舒服啦。」大姑姐嘆息……
肥妹仔發現又有東西吃,但小意記得她的手觸及過她的腳板,著她先洗手,其他大人都催促了。她不肯,寧願不吃東西,睡在大姑姐身上。二姑丈開始說:「您要教下佢架嘛,唔可以由得佢咁架。佢唔肯洗手您抱佢去洗嘛。」
「我要抱住幾百磅喎(其實73磅),抱幾百磅去?好倦呀。」
想不到意粉爸不敢罵的大姑姐,會給妹夫罵呢……姑丈再回應:「幾百磅係妳一手做成架!(一手縱容而來)」
有時看似覆雜的事情,原來很簡單的。而二姑姐家中的一缸肥金魚,都叫小意心中傻笑--是小女孩們不斷給她們食糧,又要經常買魚,才讓魚這麼出遊得不從容啊。原來她們家中還有一池的小魚,用來玩撈魚,但玩得久了,二姑姐問:「妳地唔好咁玩啦,妳地想下,如果妳地係D魚,係咪好慘先?」
二表妹告訴了大家一個「笑話」:
「有條魚得一隻眼架。家姐整甩左佢隻眼呀!」
「咩呀!」大表妹即時反擊。
「上次呀,妳撈緊魚,撈下撈下唔係同媽咪講,媽咪呀,甩左隻眼呀條魚!」
其實魚的眼,據二姑丈說,是大魚沒東西吃,吃掉小魚的眼;眼給吃掉仍然能生存,弄成這種焗面。原來二姑丈懂的東西也不少,包括一個尤德的故事:
「尤德的尤字,包含1996,德字有十四這個字,不是尤德的死忌嗎?」這故事針對早前所謂李白的詩「北京奧運、四川地震」……
另外的小發現,就是二表妹臂上有個MELODY紋身貼紙;另外,最愛美的細堂妹穿得公主似的,給雯雯的母親笑:「今日似係妳生日多D喎。」最後,不得不提她們坐在地上說沒有椅子坐,自己是「四川災民」。身在福中,她們心底都知道自己是幸福的,而看見她們都很自愛很幸福,小意覺得更幸福了!
哈哈, 呵呵……
錢錢
小意,
"有錢就煩囉" 我都想煩...想有錢呀!
我大表妹叫YOYO,二表妹叫KIKI~
好丫, 妳好似細堂妹叫大表妹咁,叫我大表姐, 哈哈。
(佢地叫我個名再加表姐二字架,所以每次4個字咁叫,幾搞笑)
因爲昨日訓左一日,,所以唔知你表妹生日啊,,,
原來同我一天生日,,哈哈
生日快樂啦
o甘,,我,,系咪應該叫你做大表姐,,哈哈哈
candy,
佢應該幾開心架!
幫佢多謝妳先。
貝澳,
爭意見比較多,我地唔太有錢嘛。
有錢就煩囉~
布甸,
以前新年真係好大陣將架。
大哥二哥畢業時成20個人去晒城大(雖然二哥讀港大)影相,可觀尤甚。
PENNY,
我都幾鐘意佢地架。
不過章子怡近來瘦左咁多,
佢拍<我的父親母親>時個樣係最靚架。
糯米,
其實中國人好多都大家族架……
就算呢個族系(唔知係咪咁講)冇咁多,
可能佢地好多疏堂既,又好多親戚擴展晒。
內地D人仲勁,
記得太多親戚啦!
意粉媽果邊都好多親戚,我總記唔晒認唔晒,樹樹都畫唔到。
小青蛙.水呀,
都唔係既~
小時候只有大人嘛,跟住堂細佬出世之後大堂妹出世,但佢地都唔嚮香港,一個內地一個外國 XD 跟住多埋二姑丈囉,唔難記。
11歲時先多返個大表妹,之後又出現3朵小花。
祝你大表妹生日快樂!
不會似郭家咁爭位嗎?
小意(快23--有陣子似鄧萃雯,有陣子似章子怡)
似鄧萃雯,又似章子怡,似她們咁靚女,都不錯呀~
雖然畫了樹樹,不過關係有些都幾複雜,
人物這麼多,意粉小時候一定記得很辛苦