16~20/11 聚頂托沽+挾淡屠熊

2020/11/16 19:03:55 網誌分類: 經濟
16 Nov

16/11周一恒指收26381, 升224點, 挾淡屠熊, 繼續尋頂

今日恒指高見26394, 未破頂其實係大鱷留力, 後市只要中美股市破頂, 又或者有強烈利好消息, 恒指就可借勢爆上創新高, 不過估計早已轉弱的科技板塊及國指會拉住港股後腿, 港股如果再衝上去26500獲利沽壓會加劇, 當食飽肥熊就會落山食貼價牛, 不過由於今個月由好友主導大市, 如果本周收升, 未來幾日就不應跌穿今日低位26191

由於26500有超肥熊, 估計後市恒指會升穿前頂26474上去開大餐, 不過科技指數及國指早已於9/11見頂8524/10707, 所以一直壓住恒指, 本周恒指能走多遠睇美股及上証, 因為中港美三地股市多數係同步尋頂, 同步見頂

今日港股急升已見獲利盤出籠, 不過大鱷托住指數來營造利好氣氛, 方便高位派貨, 恒指今年多數有1700~2300點月波幅, 如果上到26500有約2300點月波幅已達標, 今個月向上空間收窄, 大鱷亦要部署12月再創新高的水位, 短線阻力: 頭肩底量度升幅26500/7月頂26782, 如跟1月做2900點超大月波幅可見27100, 不過今個月唔似會到

於尋頂期間, 大鱷用輪動方式推高大市, 急升股回吐, 落後股接力上, 來維持頂部上移的走勢, 一路窒窒步升, 一路養牛熊, 如明日新經濟股回吐, 抖左幾日的舊經濟股就要接力上, 睇盤路大鱷本周目標並非指數, 似乎想用拖字訣, 唔想大市太快飛出外太空, 因為26800係關鍵大位, 阻力極大, 所以10/11上到26474就忍忍手手, 可能拖到月尾才攻上去

現時大鱷目標係向個股埋手, 好淡通殺, 科技股已見頂, 派貨手影明顯, 不過舊經濟股份如未去到7月初水平則見追落後買盤暗暗吸納, 明年主調是炒經濟復蘇, 市場認為今年最壞的時期已成過去, 睇過去一個月的盤路, 資金趁低吸納舊經濟股, 憧憬疫苗進展或令經濟復甦較預期快, 基金經理仍看好後市, 皆因中國係全球經濟復蘇表現最亮麗的國家

港股只係表面風光, 個股暗藏殺機, 大鱷向新經濟股埋手, 急升暴跌, 波幅非常大, 好淡通殺, 炒QQ.阿里.京東.美團等新經濟股的投資者, 唔少好友淡友都輸到趴街

尋頂市每周都會有新高, 預示明日恒指會上破前頂26474創新高, 今日競價僅升205點見26362, 而不是市場預期的26500開出, 其實大鱷可能冇乜信心收陽燭, 所以今日競價唔敢開得太高, 壓住開市位可減低本周收陽的難度, 只要本周收26362之上, 本周收陽收升, 連升3周, 繼續尋頂

~~~~~~~~~~~~~~~~~~~~~~~~~~~~~~~~~

科技股好淡通殺

國指受侵侵宣布明年1月11日起禁止美國機構投資解放軍關連企業股票拖累, 表現遜恒指, 侵侵計劃於未來數周對中國實施多項更強硬措施, 台海局勢緊張, 成港股後市隱憂,

科技指數已連升3天, 通常升3~4日就跌, 預示明日科企會見沽壓, 恒指破頂不難, 但侵侵打壓中資企業, 加上企業違約問題, 增加國指破頂的難度, 幸好上証一如所料結束4連跌, 收3346, 升36點, 收3347, 並以全日最高位收, 靚仔, 短線阻力3350

一如日前所說, 大鱷往往於尾市及收市U盤踢高收, 由5/11起每日收市U盤都走高, 今日亦不例外, 又係黑箱作業, 恒指收市U盤升多28點, 淡友入局冇得走, 明日再裂口高開熊熊淡友即死, 後市當尾市及收市U盤冇踢高收就要小心

今日恒指冇大裂口高開創新高, 一步到位爆上26500肥熊區殺雞取卵,養多一日淡友熊熊會增肥, 咬住高位順道溫水煮蛙式派貨, 今日壓住升勢,來預留多些空間後市頂部上移, 陰d陰d推升來營造不斷創新高的利好形態, 引股民入市高位接火棒

{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}{#icono_64}{#icono0_51}

17/11周二恒指收26415, 升33點, 繼續尋頂, 部署屠熊

港股已收復所有平均線, 勢頭向上, 尋頂市多數在周三四五創該周高位, 即係未來幾日會升穿今日高位26530屠熊及擴大周波幅, 未來幾日如跌穿周一低位26191不妙, 代表好友已鬆人, 如好友健在, 部署下周破頂, 就會力守26191, 挑戰26500

有分析指3/11美國大選後, 由於拜登勝算機會極高, 金融市場反應正面, 道指連日爆升, 嚇到淡友大戶紛紛反手造好買上, 這就可解釋到為何港股見利淡消息都跌唔落, 一路殺上26000仍高企不下, 反映好友主導大市, 而6/11後於25800附近才建好倉的大鱷就力守25800水平, 不過居安思危, 當全城看好就要慎防大市突然逆轉, 震倉殺牛再上

大鱷/大媽推高舊經濟股來托市掩護, 沽出PE過高, 走勢已轉弱的宅經濟科技股, 基金經理普遍看好後市, 不過由於見持倉今年大賺三四成, 止賺部份升幅過多的股份(特別是宅經濟科技股), 以及換馬優質落後股, 根據統計, 以往美國大選3個月內股市都係向好, 睇基金經理的樂觀態度, 就會明白為何港股往往一插即彈

港股似在聚頂, 根據以往的慣性走勢, 當大鱷完成部署, 聚頂結束後就會大插, 往後當恒指大跌, 如幾日內收復失地利好, 如未能收復失地, 以及收市U盤冇踢高, 就係見頂訊號, 近日唔少舊經濟股份已升抵7月初水平, 買盤縮手, 沽壓湧現, 跌下彈下派緊貨, 匯市方面, 美元失守93向92進發, 當落到波動區間下方就要慎防美元止跌回升, 資金流有變, 就會拖低股市

日前說基金經理減磅科企, 換馬落後股以及盈富基金來避險, 如果連基金經理入市態度都轉保守, 大鱷再踢上去基金經理都不會冒風險高追, 因為持倉已大賺三四成, 多位基金經理都表示如見回吐, 就會趁低吸納, 下周一恒生科技指數相關認股證牛熊證及期權出台, 預示結算周會有大龍鳳

{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}

18/11周三恒指收26544, 升129點, 連升3, 高位沽壓加劇

上証一度突破3350阻力高見3358, 惟沖高回落, 亦未能上破本月高位3387, 收3347, 升7點, 仍受制於3350, 美股已於16/11見頂, 中港美三地股市同步見頂的話, 小心港股或要作出調整, 過去幾日港股都係高開, 如明日低開, 就係淡友反擊訊號,

恒指本周高低位26191~26618, 周波幅只得426點仍未達標, 除非本周做超細波幅, 磨到下周才上演大龍鳳, 否則未來兩日就要爆邊來擴大恒指周波幅, 本周恒指已連升3天, 通常升3~4日就回吐, 預示明日大市收跌機會大, 道指於16/11(周一)爆升高見29964後昨晚回落, 中港美三地股市通常係同步見頂, 如美股見頂, 港股亦見頂, 好友要等上証升穿3387創新高, 才有藉口玩破頂

如好友健在, 周五就會收於26362/26156之上,  如收於其下代表大市轉弱, 於26500水平聚頂派貨, 睇盤路近日港股升得愈來愈吃力, 沽壓愈來愈大, 市場對7月頂26782阻力有戒心, 紛紛沽貨鎖定利潤, 大鱷亦忍忍手, 唔敢踢得太高, 想拖到月尾結算周才爆上去

近日港股升勢已露疲態,而我身邊的親友同事近來亦係輸錢居多,可作為散戶指標,代表港股有暗湧, 美國十年期債息早已見頂回落,反覆向下,要慎防資金流有變, 現時全城看好,反而要小心大鱷變臉殺好友

過去10日恆指收市U盤 累計踢高322點, 夾硬黑箱作業推升,若非如此,恆指應處於26000之下,本周恆指兩度創新高,但成交跟唔上升勢, 26500水平買盤並不積極, 獲利沽壓增加, 有鎖定利潤的味道

過去一週老外大鱷大媽都走貨及換馬,由於已做夠月波幅,大鱷似乎唔想本周踢指數出外太空, 可能等結算周才出手, 部署結算位

日圓走強破104, 人民幣連升4日, 收6.5425, 創近29個月新高, 人幣升勢過急, 太強未必係好事, 小心人仔隨時見頂回落, 拖低股市

~~~~~~~~~~~~~~~~~~~~~~~~~~~~~~~

RCEP貿協提振市場氣氛

按照慣性走勢月中係回吐的時間窗口, 本周應收跌, 回一回再上,但周日(15/11) 15國簽定的RCEP貿協就煞停了調整,港股觸底回升,再展升浪, 不過今日創新高見26618, 成交並不配合升勢, 而且係受期指突然急升所推動, 並非由資金慢慢掃正股買上, 高位一瞬即逝, 反映港股高處不勝寒, 要回調整固, 消化沽壓, 方能再上沖,

今個月由好友大鱷睇場,加上基金經理看好後市,今日低位26344,剛好高過昨日低位26339,恆指繼續底頂上移,陰啲陰啲推升, 目前牛熊都非常貼價

恒指創月內新高26618, 已超標完成月波幅, 但國指及科指卻未能創新高, 反映現水平獲利沽壓增加, 拉住後腿, 拜登當選/疫苗/RCEP等好消息已消化得七七八八, 26500阻力非輕, 想企穩殊不容易, 要等美國紓困措施出台, 又或者上証爆上, 港股才有力再上

科技股早已見頂轉弱, 今日仍見沽壓, 畢竟已累積龐大升幅, 投資者紛紛減磅避險, 大市有濃濃的換馬托沽味, 資金似由科技股轉投新地長和系地產板塊等優質落後股, 新舊經濟股交替撐市, 但這些舊經濟股亦已累積龐大升幅, 要慎防連舊經濟股亦即將見頂回落, 到時就要睇科技股會否再接力上

下周五(27/11)期指結算, 睇今個月盤路, 11月係好倉底, 大漲小回, 每周都能創新高, 而收市跌幅每次都係少過100點, 當出現連日大跌就代表好友縮手,

過去13個交易日恒指9升4跌, 升多跌少, 代表好友主導大市, 不過要小心未來8個交易日跌市日數會增加, 因為通常每月最少跌7~9日, 如今只係跌了4天, 看來要補跌了

{#icono_64}{#icono_71}{#icono_64}{#icono_71}{#icono_64}{#icono_71}{#icono_64}{#icono_71}{#icono_64}{#icono_71}{#icono_64}{#icono_71}{#icono_64}{#icono_71}{#icono_64}{#icono_71}

19/11周四恒指收26357, 跌187點, 回調整固, 消化沽壓, 儲力向上

尋頂市每周都會有新高

人民幣急挫426點子拖低港股, 幸好夜市美元由高位回落, 有利明日人幣作出反彈, 到時港股就會借勢彈高, 睇盤路大鱷唔想本周再創新高, 可能想拖到結算周才破頂, 按照慣性走勢, 尋頂市回吐後, 震完就會收復失地並破頂, 恒指能走多遠睇美股及上証, 因為中港美三地股市多數係同步尋頂, 同步見頂

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

20/11周五恒指收26451, 升94點, 繼續尋頂

恒指每周都創新高, 但工中建行國壽及內房已見頂, 就係國指於9/11高見10707後無法再創新高的主因, 看來要靠QQ等宅經濟股幫手才能推動國指突破前頂

內銀內險地產等舊經濟股沽壓沉重, 有臨危托沽味, 疫情惡化, 宅經濟科技股再度受追捧, 有助於下周推動恒指升穿26618, 挾淡破頂屠熊, 不過由於港股上升動力已轉弱, 加上大鱷可能想預留多些水位俾12月創新高, 要小心爆上26600樓上沽壓會加劇, 26300樓下有貼價牛, 亦會拉住港股後腿, 10天線在26346, 是好友大鱷的第一度防線

老外連續3日掃A股, 為今個月首度出現, 有調查顯示基金大戶因為拜登當選而加碼投資亞洲新興市場, 相信中港股市會受惠資金流入

本周內地股市除了創業板收跌外, 其他指數表現亮麗, 上証站穩3350, 向前頂3387及3400整數關口進發, 按照慣性走勢, 只要上証破頂, 恒指就會跟隨破頂, 不過估計下周恒指會大幅波動, 因為本周細波幅, 下周就會大波幅, 才夠水位俾大鱷轉身,

下周一恒生科技指數相關認股證牛熊證及期權出台, 預示下星期結算周會有大龍鳳

{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}{#icono_64}


周一(23/11) 日本勤劳感谢日, 日股假期休市

周三(25/11) 施政報告

周四(26/11) 感恩節,美股休市

周四(26/11) 美國聯儲局公布4~5/11政策會議記錄

周五(27/11) 美股半日市,當天港股期指結算

周一(30/11) MSCI 調動、黑期結算、基金月結

美國德國英國料最快12月展開新冠疫苗接種

拜登將於明年20/1/2021入主白宮, 拜登將於周二(24/11)公布首批內閣官員名單

因頭條網登入時常出問題,所以另設後備留言區

SOHO網友備用落腳點~留言

https://sohofriends.blogspot.com/2020/11/111114.html#comment-form

https://sohofriends.blogspot.com/2020/11/

最新回應

c6
c6 2020/11/23
@soho*...

大元帥

你有無見到

紅底金字的口罩😷

我今日無出街無發現

c6
c6 2020/11/23
@soho*...

大元帥好

唔好勞氣

保重身體

放假在家

好好享樂

如果屋企人

有食物供應

少出街安全啲

c6
c6 2020/11/23

soho* 2020/11/22 00:59:28 回覆

我自住一間千呎豪宅,另外有兩個物業收租,户口流動現金三億元(發夢中),希望日日拜神就能得償所願

都係打機的錯

原來你有出現

我住的地方很細

我間房只有幾十呎

羨慕你的千尺豪宅

soho*
soho* 2020/11/22

對於跳舞群組所引起的第四波疫情, 我感到非常憤怒, 始作俑者違反政府的防疫措施, 令疫情於社區大爆法, 現時已有數百人出事, 可能會陸續導致數千人受感染, 千百億元的香港經濟損失, 自私的人以為戴口罩就會百毒不侵, 白痴及無知

{#iconb_3134}

自私的香港人實在太多了, 罪魁禍首必定會有報應