30/11~2/12 MSCI技術性調整+消化沽壓

2020/11/30 21:32:55 網誌分類: 經濟
30 Nov

30/11 周一恒指收26341,  暴跌553點, 失守10天線, 反彈在望

反彈阻力:

50個月線26687/關鍵位26800/前頂27040

支持位:

20天線26202/今日低位26322/11月下旬低位26191/上升裂口25800~25950

回顧今個月港股大漲小回, 由好友主導大市, 小跌才會出現連跌, 如大跌就會翌日即彈, 市強未見大頂, 通常吃1~2口牛就會反彈, 好淡通殺, 今日大鱷已吃了一口牛, 預示大市即將作出反彈

今日港股雖然收跌, 但今個月埋單仍錄得可觀升幅, 恒指連升兩個月, 11月大升2234點, 升9.27%, 為2018年展開熊市以來升幅百分比最大的月份, 有牛市味, 不過是否熊轉牛仍要再觀察,今次恆指六連升於27000水平斷纜,代表投資者於27000再買上感到猶豫及不安,因而沽貨止賺或減倉

今日港股暴跌, 係淡友借MSCI大執位的沽壓順勢殺跌殺好友, 唔少股份都受MSCI調動引發的技術性沽盤所拖累,近全日低位收,係跌過龍, QQ就係最佳例子, 尾市大跌, 收市U盤直插至全日最低位$563收, 要看看相關股份明早股價會否作出修正,彈番上合理水平(收復跌過龍的部分), 從而推動港股作出反彈, 重上或吻別10天線

如果明早港股成交急增向上走, 就係修正技術性跌過龍的表現, 其實今日港股急挫亦有可能係結算完大鱷刻意放軟手腳, 今日壓低收, 反而可降低12月收升的難度, 過去兩個月港股每次回吐後, 往往能急彈並收復失地

今日大鱷完成多個任務, 殺指數牛532張(未計個股牛), 釋放沽壓, 緩解超買, 淡友回補部份空倉, 亦有利反彈

內地股市高開低收, 阿爺放水, 早市上証一度殺上3456創月內新高, 內銀內險A股表現亮麗, 但午後急挫至全日最低位收, 成交急增, 相信突然由升轉跌係同港股一樣受MSCI調動所拖累, 只係技術性跌市, 只要明日作出反彈就可確認

今日MSCI調動, 牽涉大量股份被動買賣盤, 市況立立亂, 因為基金要因應比重而沽出部份QQ/阿里持倉, 相關技術性沽盤拖低大市

國統局公布11月官方製造業PMI升至52.1勝預期, 創逾3年高, 內地經濟數據靚絕全球, 有助吸引熱錢流入

================================

資金流入中資股

11月由24107反彈至27040, 升幅2933點, 累積龐大升幅, 由於11月升抵27040已跟足今年一月做夠了超大月波幅, 反正11月已做夠數, 所以大鱷留力下月再上, 今日就借勢消化沽壓及養牛熊

有調查顯示拜登當選有利資金流入中港股市, 因為基金/大戶憧憬拜登打壓中國手段未必會如侵侵那麼強硬及瘋狂, 由11月下旬起, 老外密密掃A股, 推動上証突破3350阻力位, 阿爺好.港股好, 港匯走強, 美元弱雞, 人民幣強爆, 亦有利中港股市, 港股能走多遠睇美股及上証, 因為中港美三地股市多數係同步尋頂, 中美股市勢頭仍佳

12月份港股表現就要睇資金, 資金流入大市就會急升, 如熱錢再湧入或留港炒作, 恒指就會守住26000繼續向上推進, 27000.27100.27500.27700..., 如資金流走大市就會暴跌, 如熱錢撤退, 就要下試26000, 甚至落去回補25800~25950的上升裂口

中國科企係美國打壓的主要對象, 加上反壟斷法的陰霾, 科技指數於9/11見頂8524後不但一直無法再創新高, 更不斷在8000穿梭, 皆因消息面利淡, 市盈率太高, 升過龍, 業績後見光死, 高位獲利沽壓湧現, 連大媽都趁高沽出宅經濟科技股, 派貨/換馬手影明顯, 反觀市盈率低, 落後的地產內房金融資源商品等舊經濟股見買盤, 新舊經濟股交替撐市, 加上有追落後買盤, 就算超賣股份大跌, 但指數仍能高企不下, 幸好內銀價殘, 每次回吐都見趁低吸納買盤, 大媽近來不斷掃工建行, 港股才得以守住26000/10500水平

疫情下經濟不景, 企業債務違約潮起, 加上年尾資金需求大, 企業水緊, 債務危機, 河南省國有大型煤炭企業永煤集團債券違約, 阿爺打壓內房政策, 都是隱憂, 中美打算推反壟斷法, 螞蟻延後上市及美國訴訟亦拖累阿里, 侵侵宣布明年1月11日起禁止美國機構投資解放軍關連企業股票, 侵侵計劃於未來數周對中國實施多項更強硬措施, 台海局勢緊張, 幸好市場水浸, 壞消息能快速消化

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

1/12 周二恒指收26567,  升226點,

國指收10659, 升113點, 重上10及20天線

連續兩日公布的11月中國製造業PMI數據都靚仔, 吸引資金流入, 老外大舉掃A股, 上証急升60點, 收3452, 上証站穩3400繼續尋頂, 老外流入A股主力掃內銀內險券商股, 不過內銀內險A股升勢過急, 亦要慎防有回吐, 只要上証企穩3350, 有助推動港股向上

疫苗及紓困措施的憧憬下, 美股強勢持續, 納指愈升愈有, 破頂而上, 推動QQ大幅反彈, 不過科指卻逆市下跌, 科技股沽壓未除, 阿爺表現亮麗, 推動國指一度重上10天線, 不過衝高回落, 恒指已是連續兩日收10天線之下, 只要收市位拋離不遠, 就代表好友仍未放手, 隨時會彈番上去, 只要守得住26200, 代表反覆上升勢頭不變, 只要有利好消息就會再上, 配股活動下, 大鱷/大媽亦有誘因托市, 加上內地股市強勢, 所以港股往往係急跌急彈, 低位見買盤承接

年尾水緊, 康方生物, 龍湖地產及小米齊齊配股集資, 美眾議院料通過立法收緊審計要求, 阻止部分中資企業在美上市, 不利明日市況, 熊熊非常貼價, 已大幅下移至26670, 收市U盤再度踢高, 看來明日大鱷想食熊掌早餐, 不過26700~26800阻力大, 樓下牛牛亦上移, 大鱷可以玩好淡通殺, 關鍵位26375/26322, 如失守不妙, 如能站穩26500則利好

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

2/12 周三恒指收26532,  跌35

保歷加通道頂: 26975

保歷加通道底: 25757

恒指於周一(30/11)失守26500, 翌日(周二)已彈番上26500, 是連續兩天收市企26500大位之上, 大鱷推高匯控.平保.長和來抵消科企的跌幅, 港股即市調整, 消化沽壓, 恒指恐慌指數大跌4.09%, 並以全日最低位收, 唔驚! 代表本周港股不會深潛

老外上午沽滬A股, 下午就掃貨, 上証才得以於尾市反彈, 收窄跌幅, 僅跌2點, 收報3449, 兩地股市低位見承接, 都跌唔落, 目前股匯債形勢皆利好股市, 市場風險胃納高, 資金由債市流向股市及商品市場

上証在3450穿梭, 恒指亦在26500穿梭, 國指受配股活動拖累, 跌85點, 收10573, 不過由16/11以來收市一直企10500之上, 內地經濟數據強勁, 提振中港股市, 上証本周收升機會大, 亦係港股收窄跌幅的主因,

睇盤路似係咬住高位溫水煮蛙式派貨, 基金經理於11月下旬已經開始部署粉飾櫥窗埋年結,沽貨止賺換馬執倉,準備放聖誕新年長假期

近來大鱷的手法係踢高股價派貨, 再插落去逼人止蝕/斬倉/止賺, 於低位收貨, 尾市及收市U盤再踢上去, 高沽低吸炒波幅, 震到失暈,好淡通殺

大鱷力撐大市, 一度衝上去殺貼價小熊131張, 今日恒指底頂上移26379~26670, 勢頭向上, 高過昨日的26375~26662, 如果明日繼續底頂上移, 就會再上去屠殺貼價熊, 年尾水緊, 配股集資潮起, 有托市誘因

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

周一(30/11) MSCI 調動、黑期結算、基金月結

周五(4/12) 恒指季檢調動

12月基金年結

市傳美國德國英國料最快12月展開新冠疫苗接種

拜登將於明年20/1/2021入主白宮, 拜登將於周二(24/11)公布首批內閣官員名單, 市傳耶倫是新財長人選,市場反應正面

14/12美國總統大選~選舉人團投票日, 侵侵能否翻盤就睇這天, 所以12月上旬大市或會出現避險沽壓

因頭條網登入時常出問題,所以另設後備留言區

SOHO網友備用落腳點~留言

https://sohofriends.blogspot.com/2020/11/111122.html?showComment=1606103051614#c8623609630816391171

https://sohofriends.blogspot.com/2020/11

最新回應

門徒
門徒 2021/03/08

試兄不過輸開有條路架 {#iconb_216}

試下學下
試下學下 2021/03/08

連跌

淡友回補完又沽,好友一次又一次被大幅消耗實力,連跌3日

要大市回穩要出現連升

吾係的話隨時再創新低/高開即插/裂口低開彈完又插

美股背後的暗黑帝國,誓要聯儲局維穩托市,美股一定chok過貓王

門兄,今日開市同下午開市都比左機會你,我點都要贏番次,無理由成日輸就我,贏就你 {#iconb_239}

試下學下
試下學下 2021/03/08

試兄, 大家齊齊回憶下以前見頂回落的模式, 當大市展開跌浪反而更易部署搵食,

~ 印象中係要跌到股民死心才見底, 大家公認的支持位都失守

~ 股份會跌到阿媽都唔認得, 洗倉式下挫, 所以炒個股熊有得諗, 只要拋離股份頂部, 熊仔企安全水平, 就算有死貓彈都唔使死

~ 手腳慢就要避開超強成份股的熊熊, 否則失驚無神急彈就會被屠

~ 升過龍超高市盈率的股份熊得過

元帥的股災心態預示文件🤪👍👍

水滴石穿
水滴石穿 2021/03/08
@門徒...

升兮跌所依,跌兮升所倚