11~14/12 26300危危乎

11/12 周五港股吻別10及20天線, 恒指收26505, 升95點, 高位沽壓加劇

前底26256/10376危危乎, 牛牛命危

港股過去幾天日升日跌, 於26500穿梭, 溫水煮蛙式派貨, 今日雖然反彈, 但全周一直收於10及20天線之下, 托住大市陰陰跌, 反覆向下, 今日收升也不要以為大市已脫險, 切勿受每日的升跌所迷惑, 周線會睇得比較清晰, 港股於11月連升四周後掉頭回落, 隨後連跌兩周, 走勢差劣尋底格,

對比過去兩周港股表現, 不難發現大鱷大媽大戶正在托住指數來走貨, 可能係年尾手緊, 要沽貨套現, 基金經理雖然仍看好明年市況, 但過去幾周已經執緊倉埋年結, 準備收爐放聖誕及新年假期, hea住炒, 買賣兩閒, 入市態度並不進取, 削弱港股的反彈動力, 散戶成手蟹, 寧願去抽新股當買六合彩,

港股指數變化不大, 全周跌幅亦不算多, 營造跌唔落的錯覺, 但其實唔少股份都反艇深潛, 撐住幾隻股份來掩護出貨, 內地股市所有指數周線全面大幅下挫1.58~4.47%, 走勢差劣, 比港股更樣衰

本周(7~11/12)港股除了科技板.工商塊收升托市, 其他板塊全面下跌, 托沽味濃, 恒生恐慌指數升1.03%, 以全日最高位收, 大戶好驚呀! 下周危矣!! 希望係急跌急彈來擴大周及月波幅, 然後繼續在26300/26500穿梭, 如果一沉不起, 就要下試26000/25800, 新股年尾趕住上市, 加上配股潮, 都有托市誘因, 今早似係推上去殺淡友，震熊引牛，好友乘機逃命, 亦符合元帥估計下周會碌落山的預測

美股於9/12高見30319/12607同港股一樣正在聚頂, 美元上周插穿90.5後止跌回升, 於91穿梭, 人民幣連跌兩日後略為反彈, 上証繼上周失守3450後, 本周進一步失守3400及3350兩個大位, 走勢極差, 內銀內險A股大跌拖累相關H股, 今日收3347, 要上証重上3350及3400才能穩住港股

~~~~~~~~~~~~~~~~~~~~~~~~

如失26300關鍵大位不妙

過去兩周的星期一港股都係反艇，今次(14/12)仲遇上日蝕(食)，預示下周大鱷要食牛扒大餐, QQ於收市U盤踢上高位收，會令下周一沽壓增加，不過港股死唔死要看上證表現, 因為上証及港股周線多數係同步升跌, 本周齊齊收跌, 如下周上証續瀉, 就會拉住港股落山, 下周富時指數調動(下列財經日誌), 立立亂, 好友命危

港股高位一瞬即逝, 唔俾靚位淡友開倉, 午後大市一直在低位徘徊, 代表沽壓大, 買盤弱, 港股高開後衝上去殺幾百張熊仔趙完鬆, 高見26704好友逃命, 其後在26500附近游走養牛熊, 目前牛熊都貼價, 本周大鱷玩亂飆, 貼價牛熊齊齊陣亡

本周恒指只得614點周波幅, 已是連續5星期炒細波幅, 托沽味濃, 尋底市每周底頂下移的話, 下周(14~18/12)就會破底, 跌穿26256, 港股技術指標早已出現利淡訊號, 跌下彈下係聚頂, 大鱷用拖字訣, 當大鱷完成部署就會插, 整體牛熊分布係牛多熊少, 26250樓下牛牛愈養愈肥, 但美股靜候紓困措施出台, 一直高企不下, 淡友等利淡消息就有藉口殺跌, 26300係好淡角力大位

4/12(周五)道指創高位30218, 推動恒指同步於7/12(周一)創月內高位26870, 惟恒指見頂回落, 其後道指於9/12再創新高30319, 但恒指卻乏力再進, 國指受侵侵的制裁措施所拖累, 早於1/12高見10705就掉頭向下, 走勢疲弱, 拉住恒指後腿

連日急挫的中海油多日獲大媽青睞, 今日終於止跌回升, 本周北水大手掃入小米, 主力沽出內險.車股.匯控.中國生物製藥, 大媽手緊要套現, 以往當內地股市造好或守住大位, 大媽就會托住港股, 不過當內地股市反艇, 大媽就會沽港股班資回朝救亡, 本周三及五上証大跌, 這兩天午後大媽急急沽出港股套現

底頂下移尋底格

14/12 周一恒指收26389, 跌116點, 部署屠牛

今日上証大幅反彈, 拖慢了港股下跌步伐, 過去兩周的星期一恒指都係大跌, 今日收市只係跌116點, 即係未跌夠, 最多曾跌188點, 又係例牌拗腰收窄跌幅, 扮跌唔落震熊引牛, 月波幅遠遠未達標, 25800~25950上升裂口未回補是後患, 等破底跌穿26256來擴大周及月波幅, 後市能否守得住26000整數大位就要睇上証生唔生性,

港股早於11月尾已見頂回落, 轉勢向下, 但上証於12月初踢多一腳上去, 港股當時已乏力再上, 但大鱷就借勢托住港股來派貨, 其實技術指標利淡, 走勢差劣, 失守10及20天線已超過1個星期, 過去10個交易日港股5升5跌, 大鱷操控大市的能力真係神級, 扮跌唔落的手法高明, 騙倒唔少財演及散戶

牛牛入市博反彈係逆勢操作, 中伏了, 今日港股冇破底創即月新低只係假象, QQ.國壽.工中建行.財險等多隻指標股已跌穿了近來波動區間底部, 預示港股亦會跟隨破底, 即將插穿26256/10376創月內新低,

~~~~~~~~~~~~~~~~~~~~~~~~~~

破底催化劑

上証港股通常係同步見底頂, 上周五(11/12)上証創本月新低3325, 港股冇跟, 因為當時大鱷嫌26250樓下牛牛唔夠肥, 所以用拖字訣, 磨埋今日, 加上有利淡消息, 今日牛牛已入局, 明日大鱷就有藉口殺跌玩破底,

淡友期待已久的破底催化劑終於出現, 阿里巴巴、騰訊、美團和京東等科網公司發展社區團購，被批評是搶基層商販飯碗, 阿爺不滿巨企壟斷市場, 於反壟斷法監管下, 個別科技股大插, 老外大媽齊齊走貨, 美國單日新增26.29萬宗確診破紀錄, 累計死亡人數破30萬, 本港新冠疫情大爆發, 青啤遭復星等下限價配售H股套23億, 銀保監會發布《互聯網保險業務監管辦法》, 皆利淡市場氣氛,

大媽手緊, 見阿爺出台反壟斷法, 所以狂沽QQ及美團套現, 指標股QQ今日創近日新低, 代表港股即將破底, 牛多熊少比例嚴重失衡, 好友時辰到, 貼價牛已養肥, 要買定官才, 內地企業債違約問題繼續困擾內銀, 建行中行等內銀跌到走樣, 恒指恐慌指數VHSI連升3日, QQ.阿里.美團.京東等龍頭新經濟股已先後失守50天線, 比大市先行一步, 預示後市不妙,

周五(4/12) 恒指季檢調動, 7/12美團正式染藍

周四(10/12)歐央行決議金融機構可否派息

2020庚子病鼠年12月14日將會出現日全食, 小心政經會有震盪

12月13~14日將會出現雙子星座流星雨

14/12美國總統大選~選舉人團投票日, 所以12月大市避險沽壓會特別大

小心子年子月: 7/12/2020~4/1/2021

周四(17/12)聯儲局議息

周五(18/12)美國市場四重結算日, 內地股指期貨結算

中芯國際(00981)、中交建(01800)、中鐵建(01186)和中國中車(01766)四間中國企業將從納斯達克指數成份股組合內剔除，以遵從美國政府限制中國企業股票交易的指令, 剔除於12月21日起生效。富時指數調動, 有被美國制裁股份會被剔出, 沽壓會增加,

21/12開始土木星相會

美國電動車製造商Tesla將於12月21日納入指數, Toyota進軍電動車市場, 強大競爭對手出現, 或會對Tesla構成威脅

12月基金年結

美國德國英國等歐美國家最快12月展開新冠疫苗接種

4/1/2021 MSCI調動, 有多隻中資股遭剔除

油組及其盟友將聯合技術委員會和部長級監督委員會會議,推遲至明年1月3~4日

拜登將於明年20/1/2021入主白宮

《互聯網保險業務監管辦法》明年2月1日起生效

美國新一輪紓困方案談判

反壟斷法

============================

免責聲明

本網站所載的資料並不構成投資的意見或建議。在作出任何投資決策前，您應考慮自己的財務狀況、投資目標及經驗、風險承受能力。

本網站所載的資料不構成任何投資產品之要約、要約招攬或建議。本資料只作為一般參考用途；並未就所載資料的完整性、準確性及時間性作出任何保證, 它並沒有考慮您的個人需要、投資目標及特定財政狀況。