15~16/12 26500穿梭.好淡通殺

近來港股連跌2~3天後就會彈, 恒指通常小跌就跌3天, 大跌就跌2天, 本周已大跌兩天, 預示快將作出反彈, 一個星期前元帥已預告本周會破底跌穿26256來擴大周及月波幅, 等養肥牛牛就插得, 結果今日低見26127, 會否下試26000，以及何時插穿就要看中美股市表現以及貼價牛熊分布，大鱷通常係追住貼價牛熊來殺

今日恒指收26207, 為一個月以來首度收26300好淡角力關鍵大位之下, 走勢弱雞, 不過港股有大媽睇場, 要收於26300樓下3天才能確認淡友已奪回主導權, 因為有可能係向下假突破震倉, 港股近來一直炒窄幅波動, 目前收市水平拋離10及20天線不遠, 升穿或跌破可信度成疑

今個月港股一直玩跌下彈下, 急跌急彈, 不走單邊市, 在10及20天線穿梭, 要看明日好友會否作出反擊, 要留意指標股QQ會否守住$550~560止跌回升, 就知港股後向, QQ見底, 港股見底, QQ見頂, 港股見頂, 今日科指收跌, 按照過去幾日的升跌韻律, 科指通常跌1日就彈, 只要科指造好, 有助推動港股向上

牛熊分布方面, 今日大鱷吃了一口牛, 市強通常落山食1~2口牛就會反彈, 目前牛牛在26100邊, 熊熊大幅下移至26450附近, 牛熊都在屠殺範圍之內, 本周高低位26127~26544, 又可以玩好淡通殺兩邊爆都得, 如果大鱷暫時唔想再破底就要殺上26450來食熊掌, 向上每百點都有熊熊, 新股藍月亮明日登場, 抽中的股民又有利事, 近來新股表現亮麗, 亦有助營造利好氣氛

本周五中美股市結算, 可能係美股咬住高位唔放的原因, 低息環境下水浸市場, 資金由債市金市流出, 轉投股市, 美國經濟衰退, 借錢炒股好賺過做生意, 怪不得美股屢創新高, 港股亦高企不下, 今次繼續炒新一輪抗疫紓困刺激措施出台, 以及新冠疫苗, 今個月道指與恒指保持約3600點差距, 納指仍強勢, 如果美股高企不下, 港股就不會深潛, 要美股大跌才能推低港股

今日滬深大媽齊齊沽出美團及QQ, 係拖低大市的元兇, 不過近日企業回購略為增加, 由於唔少股份跌幅比指數大, 或會有淡友回補空倉，推動港股彈一彈

內銀內險A股急挫, , 跌1點, 跌勢喘定, 連續兩日插穿3350後仍能收於其上, 亦冇跌穿上周五(11/12)低位3325, 中港股市同步的話, 上証回穩亦有助穩住港股, 美元下跌, 收90.5之下, 有利人仔反彈, 亦有助推動港股重上26500/10500

11月港股整體沽空多數有13~15.5%，但過去6日只得10.3~12.3%，沽空明顯縮減代表未來幾日係hea住炒，短線博大市深潛的大户唔多，不過要小心下周，因為20號之後通常係爆邊的時間窗囗，港股破底危機未除

殺完好友殺淡友, 部署屠熊, 挑戰26700~26800

16/12 周三恒指收26460, 升253點, 結束兩連跌

信義光能(00968)宣布折讓4-6.7%配股集資約$17.55億, 近來港股日日都有配股及ipo的消息, 有托市誘因, 怪不得港股咬住26300唔放, 玩窄幅好淡通殺, 不過今日港股雖然高收, 唔少股份卻沖高回落收陰燭, 內銀A走低, 拖累內銀H急升急回, 抹去大部份升幅甚至倒跌收場, 代表大市有暗湧，大鱷大媽正在派貨

今日大媽趁老外大手掃貨乘機沽貨套現, 內險A反彈, 穩住了A股, 上証下試3350關口後反彈平收

上証於上周五(11/12)低見3325後觸底回升, 底部不斷上移, 中港股市同步的話, 港股本周亦不會再創新低, 會繼續反彈勢頭, 挑戰前頂26544/10704, 通常創新低後反彈超過200點就利好，反彈見頂翌日跌超過200點利淡

繼上周五低見3325後, 上証已是連續3日底部上移, 正處於反彈勢頭, 上証通常跌2~3日就會反彈, 目前已連跌兩天, 只要上証彈高, 試完底再沖頂, 有利港股挑戰26600/10500阻力大位, 今日收市U盤大鱷夾硬踢高26點收26460, 擺明係部署明早食熊熊做早餐, 大鱷正趴街

按照慣性走勢, 沖高(26870)回落就要尋底, 試完底就會再沖頂(近日高位26544/26704), 如果再打回頭就要再尋底(26127), 今日高見26510, 仲未彈夠, 要上破周一高位26544才能擴大周波幅,

過去兩日港股跌市成交有約$1440億, 但今日港股升市成交卻縮減至$1290億(當中有新股藍月亮$72億), 並不配合升勢, 主力靠昨日急挫的新經濟股急彈來推動港股反彈, 後市港股能走多遠就要睇上証表現

今日26200樓下牛牛勝利大逃亡, 走了超過1500張, 資金湧左上去造淡, 26528樓上有熊仔, 要買定官才, 納指屢創新高, 升勢停不了, 資金重投過去兩日大跌的科技股, QQ一度大插低見$553急彈, 收$571.5, 大鱷殺完好友就殺淡友, 挑戰$580阻力位, QQ $580熊熊命危

上周恒指收26505, 當時我認定本周要下破前底26256來擴大周及月波幅, 但估計本周有可能係先低後高, 周線有七成機會收升, 不過由於周五係大日子, 沽壓特別大, 內地股指期貨結算, 富時指數調動, 亦有聯儲局議息後影響匯債, 變數太多, 所以對本周收升沒有十足把握, 內地股市完成調整, 今個星期上証周線有望收升, 本周呈先低後高格局