12~14/1 底頂上移續破頂

2021/01/12 20:27:28 網誌分類: 經濟

12 Jan

恒指低開高收, 單日轉向呈大陽燭, 大舉屠熊

12/1 周二恒指收28276, 升368點, 連升三天繼續尋頂

突破28000大位沽壓增加, 昨日港股沖高回落收陰燭, 幸好今日急升收大陽燭, 化解了危機, 收28200之上, 代表會上28500, 今日港股即市調整後破頂而上, 與上証齊齊以全日最高位收市, 上証向上突破, 上企3600水平, 強勢爆升77點(+2.18%)收3608, 阿爺好.港股好, 內銀內險油企A股爆升推高相關H股, 美中不足是中港股市成交縮減, 但仍無礙升勢, 突破28000後見慢三拍的股民追貨, 淡友亦走鬼回補空倉, 令大市進一步急升

熱錢不斷玩換馬炒波幅, 今日恒指國指雙雙破頂而上, 但科指卻未能突破前頂8839再創新高, 反映累積龐大升幅PE高的新經濟股獲利沽壓湧現，換馬相對較落後的舊經濟股, 科技指數已連升3日，過去幾個月只係試過4次四連升, 一次五連升, 通常升2~3日就會跌, 預示科指升勢快將斷纜,

中港股市升勢過急, 唔少股份都超買, 本周港股三大指數都係造好, 按照慣性走勢不會全個星期日日升, 通常每周跌1~2天, 要慎防作出回吐, 近來大市愈升愈有, 但下跌股份多, 多左股民輸錢, 反映港股升勢並不全面, 大鱷大媽派緊貨, 美資亦要沽出受制裁股份, 侵侵在餘下幾日任期仲會加碼對付中企, 以及侵粉預告20/1前會上街暴動, 亦令投資者有戒心, 熱錢大鱷就不斷轉板塊輪流炒波幅, 股份升幾日就轉向, 令股民難以捕捉

恒指連續兩日下試27800, 略為隊穿即彈, 反映好友仍主導大市, 牛市買盤強勁, 一插就見趁低吸納買盤, 低位一瞬即逝, 站穩28000, 下一個阻力在28500及28800(2018年見大頂後展開跌浪反彈0.618), 牛市應市策略係逢跌買上, 過去幾日窒窒步震住上係想引淡友熊熊入局, 按照慣性走勢, 收升周多數會在周三四五創該周高位, 今日高位28276/11217不會是頂, 仍會有新高

國會確認登登當選後, 大權在握, 老謀深算的登登就出招, 禁止肥佩奧外訪, 連外交官訪台也煞停(唔想激嬲阿爺?), 以免佢再埋下更多地雷害登登, 共和黨的金主紛紛割席, 暫停捐款, 侵侵真係累死黨友, 登登玩秋後算帳大清算, 展開搜捕行動, 一朝天子一朝臣, 撐侵的平台遭封殺, 曾說選舉舞弊抹黑登登的KOL文宣人人自危, 造謠大王黃絲至愛的大紀元當然不能倖免, 失去了鬼佬後盾, 今次黃絲慘過死老豆

美國十年期債息上升利淡科企, 加上登登打壓社交平台令納指受壓, 不過市場預期下周登登上任後會推出更多紓困措施派糖, 則利好市場氣氛, 美元回落, 人民幣連升兩天, 老外大媽齊齊掃貨, 中港股市牛氣沖天, 一挾淡逼淡友回補空倉, 港股又爆上

過去幾個月好消息浪接浪, 多國宣布於去年12月開始為國民接種新冠疫苗, 去年11月中旬中國與東盟及日韓澳紐等國簽署《區域全面經濟伙伴關係協定》（RCEP）, 歷時7年的《中歐全面投資協定》談判於去年12月尾落實簽署, 一眾利好消息推恒指上28000, 兩份協議生效意義重大, 不但化解了美國孤立中國的陰謀, 亦有助分化美歐, 以及鞏固中國經濟復蘇的基礎, 加強熱錢及基金經理掃入中港股市的信心

恒指愈升愈有, 已突破去年二月頂部28055, 級級向上挑戰28500.28800.29000....

2020年頂 29175
2019年頂 30280
2018年頂 33484
2017年頂 30199

${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$ ${#icono_82}$

港股高開低收, 單日轉向呈陰燭, 秒殺肥熊即回

13/1 周三恒指收28235, 跌41點, 結束三連升, 回調整固, 儲力向上

恒指創新高28414/國指創新高11304, 但科指仍未能突破前頂8839, 港股於28500/11300關口受阻而回, 不過QQ買盤強勁, 終於突破$600大關, QQ好.港股好, 預示科指將會破頂而上, 近日美國十年期債息上升利淡科企, 但今晚債息回落, 按照慣性走勢科指通常跌1~2日就會反彈, 只要明日科指彈高高就會推高大市, 港股破頂不難, 窒窒步上就可震牛引熊, 向上阻力在28500.28800

大市超買隨時會作出調整, 恒指未平倉合約減少, 國指未平倉合約減幅大, 似乎有去年低位入場的好友止賺, 反映好友認為28500阻力大, 先行獲利, 不過有人辭官歸故里, 有人漏夜趕科場, 現水平仍有資金入市博上30000大關, 梁燈神都係呢幾日才急急腳高追, 淡友於28500/11300攔路逃命, 市傳登登下周上任後就會推出二萬億美元紓困措施, 提振股民入市信心, 又水浸了, 怪不得股市熱炒, 牛市勿估頂, 挾淡的威力唔講得笑

今日港股雖然回吐, 不過唔洗擔心, 休息是為了走更遠的路, 按照今次升浪的慣性走勢, 每次跌完都會彈高, 收復失地並升突, 牛市策略逢跌買上博破頂, 今日有濃濃的換馬派貨味, 大媽大鱷近來密密走車股小米散水, 亦配合唔少分析都認為Tesla升過龍, 明日輪到邊個板塊爆上托市呢? 科指未破頂, 跌完就要追落後了

上証及港股今日同步創新高28414/11304/3622, 同步高開低收, 單日轉向呈陰燭, 昨日(周二)上証爆升76點收3608, 河北疫情惡化, 今日內地股市獲利沽壓湧現, 內險券商A股回吐, 股份跌幅比上証大, 今日上証失守3600關鍵位, 收3598, 跌9點, 內地股市見頂回落, 而港股就要等熊熊養肥, 以及上証完成調整才會殺上28800.29000...., 大鱷要預留上升空間俾下周的話, 最好下周才殺上去28800, 收升月多數會在該月下旬創月內新高, 尋頂市每周都會有新高, 28500樓上級級都有熊, 最肥熊在28800及29000, 但29100樓上只得瘦熊,

近日股東減持/配股/發債活動非常頻密, 係港股愈升愈有, 跌唔落的主因, 今日輪到保利協鑫配股, 其實唔少股份都係炒高來抽水, 熊市配股就會拖低大市, 牛市配股反而會有資金趁低吸納,

~~~~~~~~~~~~~~~~~~~~~~~~~~~~~~~~~~~

北水大媽抗衡美資沽壓

侵侵離任前不斷出招對付中企, 阿爺當然要全力對抗美賊, 大媽瘋狂掃貨護盤, 愈打壓愈頑強, 狂掃QQ.電訊股.中芯.中海油等遭賤美制裁的股份, 港股A股化, 大媽北水對港股升跌起關鍵作用, 大媽掃貨唔理市盈率及RSI超買, 唔理歐美股市表現或消息, 所以大媽股往往升到你唔信, 震一震又再癲過

近來港股每次跌完都會破頂而上, 中港股市牛氣沖天, 成交持續暢旺, 近來內地股市日日都有超過11000億人民幣成交, 而港股亦有約$2000億, 牛市買盤強, 難連跌, 大漲小回, 通常跌1~2天就會急彈, 老外及大媽今日齊齊掃貨, 人民幣強勢, 吸引資金流入中港市場, 現時唯一要留神就係美國十年期債息, 目前在1.1%附近游走, 債市資金轉投股市, 當升破1.5%~2%就要慎防資金流逆轉

新舊經濟股輪流撐市, 亦係港股往往跌唔落的主因, 仍然係底部上移向上推進尋頂格局, 資金市多數係即市調整, 低位一瞬即逝, 收市跌少過200點, 好少連跌, 跟住就會再扯住上, 自從30/12收復27000就一直咬住唔放, 500點一級向上推進, 28000.28500...., 市場普遍睇今次牛市會上29000, 甚至30000之上, 順勢應逢跌買上, 如造淡只能快閃

早前講過道指及恒指約有三千多點的差距, 氣氛好時就會係跑輸約二千點, 美股爆上31000, 目前兩者差距約2800點, 美國選舉塵埃落定, 連參議院兩席都落入民主黨手上, 有利拜登日後施政, 侵侵大勢已去, 被全球打落水狗, 消除不明朗, 美股愈升愈有, 高企不下, 港股仍大幅跑輸道指, 基金經理繼續看好後市, 佢地逢跌就會吸貨買上,

${#icono_82}$ ${#icono_64}$ ${#icono_82}$ ${#icono_64}$ ${#icono_82}$ ${#icono_64}$ ${#icono_82}$ ${#icono_64}$ ${#icono_82}$ ${#icono_64}$ ${#icono_82}$ ${#icono_64}$ ${#icono_82}$ ${#icono_64}$