26/2~2/3 日升日跌.好淡通殺

梅花間竹.日升日跌.溫水煮蛙式派貨.底頂下移.急跌急彈是常態

26/2 周五恒指收28980, 暴跌1094點

大鱷愛玩好淡通殺, 本周插得太多(全周恒指瀉1665點), 好友死得七七八八, 係時候反彈殺淡友, 只要下周一冇跌穿今日低位28980, 代表下周初會先彈上去回補今日下跌裂口29579~29833, 順道擴大月波幅, 到見頂就可落山繼續尋底之旅,

早前已經講過, 過去幾個月港股的大升浪好友賺到盤滿缽滿, 大鱷必定會想盡辦法要好友嘔突盈利, 十個股民九個輸就係呢個原因, 1月尾由高位30191跌至28259(大跌1931點), 2月尾由高位31183跌至28890(大跌2203點), 跌幅相若, 代表恒指快將見短底, 然後作出大反彈, 彈完再尋大底

18/2港股及上証確認同步見頂31183/12271/3731, 展開尋底之旅, 按照慣性走勢, 尋底市每周都會有新低, 預示下周初會先作出反彈, 然後才破底, 只要守得住29000, 就會再挑戰30000大關, 只要中美股市見底, 港股亦會步觸底回升,

近來港股係梅花間竹, 日升日跌, 今日跌, 輪到下周一升, 國指今日剛失守50天線, 通常跌穿大位都會彈, 正在上移的恒指50天線在28700附近, 係好友的防線, 不會輕易放手, 如失守, 代表好友已撤退, 所以大鱷理應先推上去尋頂, 再等出現利淡催化劑才殺跌, 就可好淡通殺, 目前港元已轉弱, 美元上升, 人民下跌, 由於壞消息已消化, 仲要等多些利淡因素才夠力水進一步推低大市

如失守28800發出第一個利淡警號, 只要收市上企29400, 發出第一個利好訊號, 跟住就會係挑戰29600~29800阻力區, 如能收29500之上, 發出第二個利好訊號, 如上企29800三天代表強勢, 如打回頭, 就要繼續尋底

恐慌性拋售的下跌裂口多數會回補, 市強收於其上, 市弱彈完再插過, 今日港股暴跌出現的下跌裂口在29579~29833, 下周初反彈如能突破前頂29579, 就打破了頂部下移的尋底趨勢, 代表大市正在尋頂, 關鍵阻力位29800,

由於港股累積龐大跌幅, 加上恒指即市波幅大, 如有反彈, 不應預先估頂就撲入去造淡, 否則大鱷挾淡逼空倉, 扯住大市上, 淡友就會屎無全C, 要等上証見頂或失守3500, 造淡港股勝算才大

自從3月中見頂回落展開尋底之旅, 恒指每次收升的話，多數係升三百多點，如下周一升幅超過360點或出現連升兩天，就打破了慣性走勢，代表好友成功反擊，如果仍然係衝高回落又彈散，吻別大位後就要下試50天線, 下周一係關鍵日, 港股許升不許跌, 要大幅上升拋離50天線才能脫險

~~~~~~~~~~~~~~~~~~~~~~~~~~~~~~~~~~~

北水撤退拖低港股

今年港股及上証的牛市升浪都係只跌一周即彈, 本周跌, 下周理應上升, 如仍收跌, 就確認31183已見首季大頂, 現水平才造淡已失先機, 等彈高些才考慮, 估計3月開新局首周造好先尋頂, 第二周沽壓會較大, 如本周恒指收升, 周五就會收28980之上

今日港股收得太低, 恒指收28980, 前底在28259/28382, 向下空間收窄, 要推高大市才能擴闊下跌空間, 等利淡催化劑再配合見頂訊號就造淡, 今日港股暴跌, 一沉不起, 其中一個原因係滬大媽罕有地單邊沽貨走鬼, 農曆年後阿爺收水, 加上財爺加股票印花稅, 基金經理及大戶大鱷怨聲載道, 用腳投票, 沽貨鬆人,

今日滬大媽單邊走貨套現, 要看下周一大媽的動向, 如繼續走貨利淡港股, 3月份有多隻成份股除息(拖累期指呈低水), 會吸引買盤追捧, 如有資金追入阿里健康等恒指新貴, 亦有助穩住大局, 下周一港股收市後將會公布恒指大改革諮詢結果, 港股變天了

港股有冇彈高吃, 就要看老外及大媽會繼續丟貨, 抑或收手唔沽, 買番上去, 上証洗倉式急挫76點(-2.12%), 收3509, 險守3500大關, 走勢差劣, 一般來說, 只要內地股市回穩, 大媽就會掃港股, 如內地股市續瀉, 大媽就要沽港股, 班資回祖國, 要阿爺好, 港股才會好

美債息衝高回落, 升勢回順, 有利反彈, 加上今日MSCI調動拖低港股, 跌過龍, 下周一會修正, 不過牛多熊少會拉住港股後腿

今晚美元急升利淡, 但美國十年期債息衝上1.6%後急回利好股市, 可能係央行出手壓低債息, 市場預期今晚美股會下跌, 中港股市已偷步急瀉, 所以下周初港股理應先行作出反彈, 日前已說納指連日暴跌但守得住13000大關, 只要納指止跌回升, 代表科企洗倉潮暫告一段落, 利好港科企

港股會否落地獄就要睇匯債走勢, 日前美元由90邊急彈上90.94, 如進一步上升突破91, 就會對股匯構成新一輪壓力, 如美元受制於91掉頭向下則利好, 但美元彈到上現水平已經拖低了人民幣, 美國十年期債息回落至1.4%附近, 如續跌則利好股市, 如上破1.5%, 利淡股市

~~~~~~~~~~~~~~~~~~~~~~~~~~~~~~~~~~~

3月風高浪急波動月

2月收得高的話，3月收升難度高, 2月收得非常低，3月收升較容易, 假如3月上旬壞消息盡出，反而有利3月下旬推升, 3月份港股會大幅波動, 禍福難料, 一直擔心3月港股收跌係因為恒指已連升5個月, 獲利沽壓大增, 過去一個月基金經理持倉因新經濟股急跌導致盈利大縮水, 3月係基金季結要交數, 如果後市反彈, 我估基金經理就會沽貨來鎖定利潤

2月尾低收是在預期之內, 係1月尾的翻版, 但弱得不尋常, 出乎意料之外收得非常低(28980/11247），特別是國指，差不多抹去所有升幅，科指2月已收跌，如科指及國指反彈，最終港股3月收升都唔奇, 不過3月剛開局，時間尚早，太多變數, 暫時對月升跌未有頭緒，話唔定3月有黑天鵝出現, 股市就會深潛, 美國民主黨好戰, 不斷搞中東, 或會引發金融市場波動, 加上1月港股係靠北水公募基金掃港股所推動, 如今卻是公募基金沽貨獲利, 而過去幾個月的升浪主力靠新經濟股推動, 但這些股份走勢已轉弱, 代表港股仍要尋底, 要科指見底, 港股上升動力才會增強

3月份日數太多, 有23個交易日, 感覺上3月係好淡通殺, 大鱷才可獲得最大利潤, 3月恒指成份股大改革諮詢結果，港股業績期，阿爺兩會, 月初美國將會通過紓困派錢方案, 恆指季檢調動，聯儲局議息，基金季結

近日出現多個利淡車股德師奶的消息, 拖低車股板塊，而美國巨額放水令市場擔心會發債及增加企業稅, 但美股一向有人睇場, 急跌亦會急彈

港股低位始終有大媽護盤，加上基金經理仍看好後市，只要上証不深潛, 港股死不了，如高位有走貨，已經可開始向下分注補貨，一切要看美國債息的變化，一個晚上，一個消息，足以令形勢逆轉，短炒根本冇得估，中線投資易過短線投機

以港股的慣性走勢，無論點升都會跌返落嚟，無論點跌都會走返上去，做好做淡都有理據， 上升及下跌裂口早晚會回補, 目前有下跌裂口在29500樓上, 按照慣性走勢多數會彈上去吻別

農曆年假期後美國債息向上突破, 拖累股市出現走鬼潮, 基金及大戶重組倉位, 減持新經濟股, 換入舊經濟股, 導致港股成交愈來愈大, 連恒指即市波幅亦由一般的三五百點, 大幅擴大至600~800點, 結算前夕竟然有近1300點即市波幅, 如果執倉已屆尾聲, 即市波幅就應回復至正常水平, 如果恒指仍然日日都係超大波幅, 即係走鬼潮仍在

置諸死地而後生, 好友絕地反擊

1/3 周一恒指收29452, 急升472點,

上周債息急升, 利淡科企, 拖低全球股市, 周末多國央行出手推低債息, 利好科企, 上周[新經濟股]資金轉投[舊經濟股], 今日係反轉版, 科指急升, 推動港股大幅反彈, 但唔少舊經濟股卻逆市下跌, 沽壓沉重, 走勢差劣, 加上牛肥熊瘦, 大媽繼續沽貨撤退, 下殺危機未除

今日港股反彈卻收陰燭, 技術指標全面向淡, 如再上山出現見頂訊號, 受制於29800掉頭回落, 50天線就危, 29000樓下每百點都有肥牛是後患, 上証雖然反彈, 但內銀內險A股卻逆市下跌, 唔係好現象, 如弱勢持續, 就會拖低港股, 要內銀內險A股造好, 港股上升動力才會增強

由18/2起, 恒指一直都係日升日跌, 今日升, 輪到明日跌, 如收跌, 即係無法打破好淡爭持的局面, 代表好友仍未奪得主導權, 今日只係超跌後的反彈, 要明日違反慣性走勢收升, 即係連升兩天, 大市才暫時回穩

如明日跌穿今日低位29196, 就要下試上周五低位28980, 如果好友仍守唔住, 向下支持位在28800.28500.28259(好友最後防線)

如能收29500之上, 利好, 29800之上企3天, 強勢, 會挑戰30000水平

反彈阻力: 上周五下跌裂口29579~29833

由18/2起, 恒指見頂回落展開大跌浪, 溫水煮蛙式派貨, 日升日跌, 升幅細.跌幅大, 一路推港股落山, 例如上日跌1094點(跌幅大), 今日升472點(升幅細),

港股飛天遁地, 好淡通殺, 貼價牛熊齊齊陣亡

2/3 周二恒指收29095, 跌356點, 反彈在望

港股雖然高開低收, 單日轉向呈陰燭, 但卻出現向上突破, 今日高見29766, 升穿過去兩日高位29550/29579, 代表好友正在部署大反擊, 打破了頂部下移的劣勢, 可能係想推上去逃命, 因為美股已轉勢向下, 會進一步推低港股

今日美元急升上91.35水平, 係拖累港股先高後低, 單日轉向的其中一個原因, 但傍晚美元由高位回落, 收90.77, 加上美債息回穩, 夜期隨即走高, 預示明日港股會高開(明日輪到升市), 最終收升或跌就要看上証(跌42點收3508), 因為係上証急跌拖低港股, 上証今日低見3485(守住2月低位3465), 要上証回穩, 守得住3500, 港股跌勢才能喘定

昨日升, 今日跌, 明日輪到升, 跌下彈下代表大鱷大媽貨多未派晒, 想托沽, 亦可順道養牛熊, 日升日跌, 似升非升, 似跌非跌, 令股民無所適從企錯邊, 大鱷就可以好淡通殺, 今日恒指高低位28957~29766, 即市波幅高達808點, 大撼大, 飛天遁地, 殺熊224張, 殺牛68張, 如反彈未完, 大鱷食一口牛就會再上山, 港股反艇, 但恒指恐慌指數VHSI下跌, 唔驚!

以即市這麼大波幅來看, 明日29000~29500會爆邊, 向上阻力29250~29400, 如能上企, 利好, 上周五下跌裂口29579~29833只係回補到29766, 代表後市仍有望再上攻, 會全數回補裂口, 如本周恒指收升, 周五就會收28980之上

今日QQ收升, 而且冇插穿周一低位$679, 收市U盤大鱷夾硬踢高, QQ逆市收升, 所以港股未死得, 反彈浪未完, 29766不會是3月頂, 只要QQ守得住過去兩日低位$692.5及$679, 就係利好訊號, 如失守$679, 利淡

大媽繼續沽貨撤退, 加上老外狂沽A股, 上証急跌, 港股就反艇, 恒指創新低28957(前底28980), 但國指低見11307, 冇插穿前底11247, 好友仍力撐, 等好消息再上攻, 只要明日收升多過356點(今日跌幅), 就係利好訊號

~~~~~~~~~~~~~~~~~~~~~~~~~~~~

創新低日子是關鍵

例如上周五創新低28980, 如本周一二造好, 大市就回穩, 但結果周一升周二跌, 代表好友反擊失敗

今日(周二)恒指再創新低28957, 如未來兩天(本周三四)造好, 大市就回穩, 如果仍然係日升日跌, 代表大市下殺危機未除

昨日好友大反擊, 今日理應再上攻, 但最終仍收跌, 維持兩個星期以來日升日跌, 好淡大鱷角力, 爭持不下的局面, 如出現連升或連跌, 就代表大鱷奪得主導權, 連升, 好友大鱷當道, 連跌, 淡友大鱷當道, 所以明日好友必需要反擊來收復失地