3~8/3 部署驚蟄爆邊下殺肥牛

2021/03/03 21:37:34 網誌分類: 經濟
03 Mar

港股日升日跌走勢向下, 溫水煮蛙式派貨, 底頂下移續尋底

3/3 周三恒指收29880, 大升784點, 熊死牛命危

近來港股係梅花間竹升跌, 今日港股大升, 輪到明日大跌, 如出現連跌, 就代表淡友已奪得主導權, 受匯債魔咒拖累, 港股及美股技術指標仍處下行階段, 當後抽完成就會再落山繼續尋底, 今日沽空比率急增至13.99%, 為18/2港股見頂以來最高, 踏入3月, 沽空比率持續增加, 代表淡友大鱷正在作出向淡部署, 大龍鳳即將上演

昨日(周二)恒指創新低28957, 今日急彈, 如明日大跌, 仍然係日升日跌, 代表大市下殺破底危機未除, 當股民習慣了日升日跌, 大鱷就會失驚無神玩連跌, 來殺好友一個措手不及, 港股已確認見頂, 早晚會破底, 向50天線進發, 28800.28500.28259(好友最後防線).28000....

今日大鱷借降準消息夾硬乾升挾淡, 係虛火上升, 匯債危機仍在, 美元及全球債息都湧緊上去, 股市壓力未除, 債息敏感股科企沽壓大到不得了, 有災味, 今日逆市下跌, 只得QQ夾硬升, 目的係推大市上去殺淡友, 當QQ見頂, 就會拉住港股落山, QQ如跌穿關鍵大位$680, 港股就死得, 29000就危

要密切留意過去幾日QQ低位$690/$692.5/$679, QQ最後防線為2月低位$662.5, 如失守, 代表港股反彈浪結束, 港股要落地獄, QQ今日收市U盤夾硬踢上去全日最高位$723收, 升得好假, 明日沽盤會湧現, 如受制於阻力大位$725, 恒指亦會受制於30000大關, 成也QQ, 敗也QQ

今日港股係靠A股急升, 老外及大媽掃貨所推動, 明日上証及大媽表現對港股起關鍵作用, 今日科企非常疲弱, 普遍走低, 派貨走鬼味濃, 反映市場預期債息升浪未完, 升過龍高估值息率低的科企風光不再, 紛紛走貨, 資金轉投舊經濟價值股,

港股波幅出現異動, 恒指即市波幅由一般的三五百點, 大幅擴大至600~800點, 結算前夕竟然有近1300點即市波幅, 如果恒指仍然日日都係超大波幅, 即係撤資走鬼潮仍在, 港股準備潛行凶間

~~~~~~~~~~~~~~~~~~~~~~~~~~

死貓彈完續尋底

18/2港股及上証確認同步見頂31183/12271/3731, 展開尋底之旅, 恐慌性下跌裂口多數會回補, 今日急升已全數回補26/2插千點的下跌裂口29579~29833, 通常補完裂口就會再插過, 近來港股暴跌, 其中一個主要原因係滬大媽沽貨走鬼, 農曆年後阿爺收水, 外圍美元匯債齊升, 加上財爺加股票印花稅, 基金經理及大戶大鱷怨聲載道, 用腳投票, 沽貨鬆人

一直看淡3月份, 擔心3月港股會收跌係因為恒指已連升5個月, 獲利沽壓大增, 過去一個月基金經理持倉因新經濟股急跌導致盈利大縮水, 甚至倒蝕, 3月係基金季結要交數, 所以近來港股多數係彈散, 我估今日大反彈, 基金經理會沽貨來鎖定利潤及避險

2月尾低收是在預期之內, 係1月尾的翻版, 但弱得不尋常, 出乎意料之外收得非常低(28980/11247),特別是國指,差不多抹去所有升幅,而且係2月最後一個交易日創月內新低, 2月呈先高後低的利淡形態, 港股首季見頂已確認, 科指2月已收跌,有濃濃的洗倉走鬼味, 新經濟股泡沫已爆破, 股市危矣! 港股仍未有見底跡象, 淡友當道, 今日只係死貓彈

見今日急升亦不應太樂觀, 港股仍處於下行尋底階段, 除了匯債外, 話唔定3月有黑天鵝出現, 股市就會深潛, 美國民主黨好戰, 不斷搞中東, 或會引發金融市場波動, 加上1月港股係靠北水公募基金掃港股所推動, 如今卻是公募基金沽貨獲利, 1月匯債處於低水平, 利好股市, 但如今全球債息走高, 美元急升, 而過去幾個月的升浪主力靠新經濟股推動, 但這些股份出現走鬼撤資潮, 代表港股仍要尋底

為何港股日升日跌? 早已說過3月份日數太多, 有23個交易日, 感覺上3月係好淡通殺, 大鱷才可獲得最大利潤, 3月立立亂, 恒指成份股大改革諮詢結果,港股業績期,阿爺兩會, 月初美國將會通過紓困派錢方案, 恆指季檢調動,聯儲局議息,基金季結, 近日出現多個利淡車股德師奶的消息, 拖低車股板塊,而美國巨額放水令市場擔心會發債及增加企業稅

早前已經講過狂升的車股德師奶見頂回落, 代表中港美瘋狂的升市已告一段落, 係中港美三地股市見頂訊號, 只係大鱷托住來派貨, 形成跌下彈下的形態, 升市只係假象, 其實係頂底下移尋底格, 熱錢流出股市, 跌下彈下向下走

~~~~~~~~~~~~~~~~~~~~~~~~

港股見頂回落, 不會跌兩個星期就重拾升軌, 技術指標仍弱, 呈下行趨勢

~ 印象中係要跌到股民死心才見底, 大家公認的支持位都失守

~ 股份會跌到阿媽都唔認得, 洗倉式下挫, 所以炒個股熊有得諗, 只要拋離股份頂部, 熊仔企安全水平, 就算有死貓彈都唔使死

~ 手腳慢就要避開超強成份股的熊熊, 否則失驚無神急彈就會被屠

~ 升過龍超高市盈率的股份熊得過

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股底頂下移續尋底, 部署下殺肥牛

4/3 周四恒指收29236, 跌643點

踏入3月份, 連續3日港股都係高開, 頂部上移, 代表大鱷推高大市想做3月高位, 結果昨日創月內新高29912, 任務完成, 今日就低開, 代表昨日已見月初高位, 再度展開尋底之旅, 要插穿28957來擴大月波幅, 向28500.28259.28000進發, 好友要買定官才, 只要出現連跌, 就代表淡友佔上風, 如果大鱷仍然想托沽, 明日插水屠牛後就要彈番上去, 不要收得太樣衰, 否則嚇到股民唔敢入市接火棒

唔少好友見今日港股暴跌, 以為又係日升日跌, 飛撲入市博反彈, 你估大鱷會點做呢? 港股日升日跌已運行了兩個星期, 呢種走勢不會持久, 否則俾股民捉到路, 大鱷就好難搵食,今日沽空比率仍高達13.09%, 為18/2港股見頂以來第二高, 踏入3月, 每日沽空比率都處於12%之上, 代表港股下殺危機未除

按照慣性走勢, 如本周收跌, 明日就會創周低位, 肥牛由29100一路排到落27800, 每百點都有肥牛, 28500~29100有約3500張, 28000~28500有約2000張, 美股破位而下, 走勢差劣, 只要美股再插深D, 就會拉住港股落山, 今早大鱷只係殺了小牛, 仲有肥牛未死, 如大鱷唔想嚇到股民唔敢入市, 屠牛後就會彈番上去, 繼續溫水煮蛙式派貨,

慣性走勢仍有效, 試完底(28957)再沖頂, 沖頂(29912)打回頭再試底28957, 多數會破底, 否則唔夠周及月波幅, 近日QQ反彈已見頂, 今日走勢差劣, 以全日最低位$690收, 如明日再插就會拉住港股落山, 要看QQ插水後能否重上關鍵大位$680就知好友是否仍健在, 要密切留意過去幾日QQ低位$690/$692.5/$679, 最後防線為2月低位$662.5, 港股成也QQ, 敗也QQ

內地股市暴跌, 大媽沽港股套現回祖國救亡, 港股變成孤兒仔, 任由淡友大鱷開大餐, 蠶食股民的血汗錢, 早已說過過去幾個月的大升浪好友贏到開巷, 大鱷會玩大插, 逼好友嘔突盈利, 港股後市要看美國債息的變化,一個晚上,一個消息,足以令港股風雲變色

~~~~~~~~~~~~~~~~~~~~~~~~~~~~~~~~~~~~~

部署破底屠牛

昨日急升目的係創月內新高29912來擴大月波幅及屠熊, 以及回補下跌裂口, 亦有可能係大鱷推上去開淡倉, 或者係好友推高逃命, 任務完成就應該破底來擴大周及月波幅, 

港股明明係見頂回落尋底格, 但近來大鱷托住大市於29000~30000困局中游走,不斷上攻下殺來屠貼價牛熊,方向難辨,外圍的牛熊就會愈養愈肥,失驚無神爆邊就可以開大餐, 恒指日波幅閒閒地500~1000點, 明日驚蟄一定會破底, 好友命危, 將會打破日升日跌的慣性走勢, 出現連跌機會大, 因為周波幅只得約千點未達標, 現水平接近月初高低位28957~29912的下方, 破底易過破頂, 當上証插穿前底3485/3465, 港股就死得

目前唔少股份已跌至1月初的水平, 當時是28000附近, 代表如今恒指企29200只係假象, 理應落去28000水平, 要看好友會否守住28500, 等養肥牛牛才下試28259/28000, 如果短炒一周的淡友於28500食胡回補空倉, 港股跌勢就會喘定

近來港股雖然日升日跌, 表面上跌唔落, 其實技術指標全面向淡, 創新低日子是關鍵, 周二創新低28957, 周三大升冇破底, 但周四急瀉, 冇出現連升, 代表周三升市只係虛火, 港股將會破底, 明日係驚蟄, 如本周收跌, 將會收28980之下, 短炒淡友會推港股落山食胡, 如本周收升, 就會收28980之上

我一直唔喜歡炒科企新經濟股,老早已說是泡沫,高估值,市盈率超高,早晚會爆破,炒上天價才加入指數唔係好事, 如今果然成為港股跌市火車頭, 近來不同行業高估值的板塊都出現洗倉撤資現象, 代表過去幾個月的升浪已告一段落, 大鱷散水, 低處未算低, 不要亂撈底, 港股有災味, 係臨危托沽, 唔撐得幾耐

~~~~~~~~~~~~~~~~~~~~~~~~~~~~~~~~

大鱷大媽呢個日升日跌的策略非常成功,營造了港股市底強,跌唔落的錯覺,看來高位派咗唔少貨,

我估今個星期會踢上去29800補裂口,甚至上埋30000的主因,先做頂殺熊,再尋底屠牛, 好淡通殺, 昨日高見29912, 接近反彈目標收貨喇! 可以落地獄了

3月未開局已經預測會係好淡通殺, 風高浪急, 全民皆艇, 少炒為妙, 因為

~ 交易日數太多,大鱷唔想炒單邊,太易估方向的話,大鱷炒上就會輸畀好友,炒落就會輸畀淡友

~ 恒指已連升5個月,3月獲利沽壓大增

~ 1月北水湧港,2~3月要獲利

~ 3月基金季結要鎖定利潤,一個星期前已有基金經理說盈利大縮水,甚至有說已入肉,基金多數重倉科企新經濟股係死因

~ 3月業績期見光死

~ 人民幣及港匯愈來愈弱, 熱錢正在流走

~ 美元及全球債息走高, 利淡股市

~ 17/3 聯儲局議息, 通常股匯債都會大幅波動

~ 美股升過龍, 係時候落山, 要淡友食胡才會有死貓彈

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股創月內新低, 秒殺肥牛即彈, 50天線危危乎

5/3 周五恒指收29098, 跌138點, 連跌兩天

今日港股收跌, 已打破了兩個多星期以來日升日跌的局面, 技術指標全面向淡, QQ收關鍵大位$680之下利淡, 國指已率先失守50天線, 代表淡友已奪回主導權, 淡友將恒指推到落28513, 可能係短炒淡友食胡推動港股即市拗腰向上, 收復大部份失地, 亦有可能係推高大市養牛, 雖然港股本周收升, 但我睇到唔少股份都有災味, 已跌至年初28000的水平, 指數企29000只係假象, 其實係臨危托沽, 熱錢正在撤退

早已說過3月港股會碌落山, 通常元帥係網誌及留言說擔心乜乜物物, 多數會發生, 早已提醒大家當十年期債息上企1.5%, 股市就會反艇, 近來債息升得愈急, 股市就插得愈甘

港股沽空持續高企, 代表港股仍未見底, 好淡大鱷大撼大, 下周一非生即死, 不是你死就是我亡, 一係挾淡, 一係再試底, 上証連跌兩天, 3500危危乎, 如失守, 恒指29000就不保, 唔計農曆新年假期短周, 過去幾個星期恒指周波幅高達1100~2100點, 如果下周上唔到29500, 就要隊穿28500來擴大周及月波幅

債息已形成上升趨勢, 利淡股市, 好友大媽大鱷唔撐得幾耐, 就算有利好消息, 閃一閃上去又會再跌過, 今次熱錢走得好急, 無論散戶抑或基金經理都坐艇, 削弱港股低位的承接力, 一破位斬倉盤就會令大市跌勢加劇, 一彈上去就會見沽壓

美債息升勢回順, 推動外圍股市彈一彈, 不過要小心下周三美國拍賣國債時債息會再起風雲, 股市就會有震盪, 科企走勢弱雞, 以及肥牛都會拉住港股後腿, 港股低處未算低, 跌得未夠驚嚇, 大插插陸續有來

下周初匯控會受好息之徒追捧, 科企沽壓未除, QQ好淡大鱷打交位$680, 美元走強, 港匯及人民幣轉弱, 美債息高企, 資金流不利股市, 3月風高浪急, 係好淡通殺的波動月, 港股勢頭向下, 出入要小心

~~~~~~~~~~~~~~~~~~~~~~~~~~~~~~~~

今次港股見頂回落, 轉勢向下, 不會由高位31183跌2000點就收工, 29000唔撐得幾耐, 不要貪平入市撈底, 尋底市博反彈坐艇居多, 因為市弱沽壓大, 多數係高位一瞬即逝, 難以捕捉, 通常人人公認的支持位都會失守, 現時唔少分析師都說28500及50天線會守得住, 即係等插穿啦!

港股好友防守位:

28950~29100, 以及28800/28513, 如收29200之上, 代表大市正處反彈勢頭,

如周一二(8~9/3)都收升, 代表好友健在, 反彈阻力10天線29527, 20天線29848, 前頂29912

港股淡友進攻位:

如周一二(8~9/3)兩天都收跌或一升一跌, 代表淡友再度發功, 如彈散收29183之下代表弱勢, 如收28950之下不妙, 要向28500.28259.28000進發

尋底市每周都會有新低, 過去幾周恒指高低位:
2月中: 30099~31183
2月尾: 28980~31071
3月初: 28513~29912

按照上述底頂下移的趨勢, 下周不應升穿29912, 會插穿28513, 好友底線28259, 能否守得住28000就要看中美股市, 因為道指和恒指多數有1500~2500點差距, 最惡劣情況有3000~4000點差距

港股續創月內新低, 繼續尋底屠牛之旅, 向28259進發

8/3 周一恒指收28540, 跌557點, 連跌三天

港股危危乎, 按照尋底市的慣性走勢, 周一的低位不會是周底, 仍會有新低, 今日低位28422必破, 樓下有超多肥牛待屠, 好友底線28259

大鱷將大市舞高弄低來畫圖, 係關鍵位浮沉, 令好友誤以為跌唔落, 只係大牛市的健康調整, 不但唔止蝕, 仲會加注入貨, 繼續買上, 磨下磨下就會突然大插插, 最終要在低位止蝕斬倉

睇下牛熊分佈, 連我盲中中都睇到18/2港股已見頂31183/12271, 短期內不會破頂, 但由見頂當天開始, 差不多日日都有約11000張牛牛博反彈, 而熊熊多數只得3000~4000張, 反映股民仍然係買上居多, 但卻忘了一二月港股飛天係受北水基金湧港以及本港基金經理一月重組倉位所推動, 水浸市場已成歷史,

農曆年假期後已經冇呢支歌仔唱, 港股已經變左味, 熱錢流走, 跌市成交大, 升市成交縮, 港股正在反覆向下尋底, 跌下彈下目的係營造利好氣氛, 溫水煮蛙式派貨, 但股民仍然當尋頂市來炒, 結果成手蟹

最新回應

soho*
soho* 2021/04/21

雞煲, 好友周一冇食胡, 今次真係 [柯篤茄] "點算好"

C6, 唔好博反彈呀! 未見頂前要做好友, 見頂後就要做淡友,

A股唔撐得幾耐, 因為過去幾日A股大升係靠老外掃貨, 如今老外走貨, A股就危危乎

soho*
soho* 2021/04/21

黑天鵝

我擔心周一(19/4)高位29319已見頂, 月尾會破底來擴大月波幅,

周一殺上29319我已經覺得好奇怪, 點解19/4咁早就破頂升到這麼高, 因為好難撐到月尾, 如今看來係好友推上去食胡

周一爆上29319時已說買跌空間大過買上, 亦已預告恒指通常升2~3天就轉向, 加上昨日是穀雨變盤日, 昨日國指已率先收跌, 恒指就梗係要跟

今日恒指三連升斷纜, 跟足慣性走勢

28000~28500有肥牛近二千張, 具吸引力

過去三個月每逢月尾例插

今日裂口大插, 遺留下跌裂口28778~28885有待回補

過去20年4月份恒指有85%機會收升, 15%機會收跌, 我擔心係15%中, 因為有好多黑天鵝, 所以4月就算係收升, 幅度也不會多, 上月收28378

黑天鵝事件網誌已詳述

試下學下
試下學下 2021/04/21

門大師放我一馬好吾好😭😭😭🙏🙏🙏

soho*
soho* 2021/04/21

我地搵門師兄出來幫手造淡, 港股下殺危機未除, 牛牛命危