12~19/8 尋底屠牛之旅

2021/08/12 19:20:23 網誌分類: 經濟
12 Aug

港股結束三連升, 見頂回落, 部署下殺屠牛

12/8 周四恆指收26517, 跌142點, 高處不勝寒

北水大媽沽貨利淡

今日港股雖然跌幅不大, 但測市指標出現多個利淡訊號, 周一二三尋頂皆收陽燭, 昨日創月內新高26822掉頭回落, 今早不斷上攻26700都打回頭, 收陰燭, 係見頂訊號, 強勢股港交所失守$500, 係強烈利淡訊號

今日港股沽空急增至16.11%, 罕有地超過16%, 代表淡友已出手, 往後必有大插, 明日會繼續隊落去, 不過本周由好友主導大市, 推上去逃命, 周線會收升, 即係今個星期不會深潛, VHSI恒指恐慌指數本周累計大跌約13%, 不過下周港股收跌機會大, 因為股災市彈兩周就要再尋底

繼昨日收市U盤大幅踢高43點, 今日收市U盤再踢高50點, 令恒指跌幅大大收窄, 又扮跌唔落, 通常由高位26822閒閒地要嘔500~800點, 如嘔千點仍唔彈高不妙, 代表大市已見頂, 就要向25000進發, 8月上旬好友推高港股逃命, 期權分析師指8月一直都係淡倉底, 大淡友等再插穿25000

按照大鱷操控大市的手法, 尋頂期間大漲小回, 一插即彈, 當見頂後就會縮手唔托, 大市就會碌落山, 10天線就危危乎, 不過明日係周五畫圖日, 如果好友想畫陽燭的話, 就要守住26000, 以及上周收市位26179, 10天線在26383, 向下方面, 小牛在26300~26360, 向下級級都有瘦牛, 向上方面, 熊在26840樓上

明日關鍵位 ~ 恒指26179/ 國指9273/ 科指6697, 本周科指收跌機會大, 但恒指國指周線仍有望收升, 彈埋今個星期, 下周才尋底

昨日已提醒大家爆上26822見空軍加沽, 好友大鱷及大媽高位都縮手唔托市, 昨日沽空勁多, 今早沽空亦多, 今日港股收跌係正路, 慣性走勢不會全周日日升, 每周升跌通常係2~3天, 升了3天, 就要跌2天

於尋頂期間大鱷會一直撐市, 守住10天線反覆推升, 引熊入局後就再殺上去屠熊, 當見頂以及牛牛上移就會縮手唔托市, 插穿10天線破位而下, 大舉屠牛, 目前係等利淡的殺跌催化劑, 月中係回調的時間窗口, 好友都唔想花太多子彈托市, 不會一直撐到月尾, 今次爆上26822係靠大媽掃QQ及美團所推動, 昨日創新高後大媽已經縮手, 連續兩日冇大手掃QQ, 大鱷大媽高位派貨, QQ見頂, 港股見頂

監管風暴蔓延, 阿爺的打壓政策沒完沒了, 內媒指銀保監針對互聯網保險亂象擬整治, 相關股份反艇, 昨日內銀內險飛天, 今日已見獲利沽壓湧現, 全世界都做快閃黨, 亦係港股高位一瞬即逝的主因, 滬深股通雖然錄得資金凈流入, 但老外係沽出茅台.平保及比亞迪A股, 散水了

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股連跌兩天, 部署下殺屠牛

13/8 周五恆指收26391, 跌126點, 臨危托沽

溫水煮蛙式派貨

港股技術指標轉弱跡象, 11/8港股見頂, 12~13/8連跌兩天, 淡勢已成, 國指今日率先跌穿10天線, 代表港股已轉為尋底市, 亦預示恒指亦會跟隨國指插穿10天線,

近來見資金轉投內銀等價殘舊經濟股,代表市場對新經濟股仍有戒心,畢竟阿里B站等在美上市的中概股沽壓未除,阿爺的監管政策猶如泰山壓頂, 內地監管措施沒完沒了, 最令基金界痛心就係連本來有政策扶持的芯片業都要嚴打, 科企沽壓沉重, 拖低大市, 資金由科企轉投舊經濟股來避險, 權重股QQ.阿里.強勢股港交所及比亞迪紛紛見頂回落, 代表港股要落山, 下周三QQ公布業績前港股沽壓加劇, 不過招行建行業績市場收貨見資金泊入, 內銀板塊再度受青睞, 成為托市功臣,

美股愈強, 港股愈弱, 因為唔少炒港股的資金都轉投美股市場, 1/8起加股票印花稅影響浮現, 加上大媽.外資.高頻交易商撤走, 港股成交逐步萎縮, 資金流走, 港匯亦再度走弱, 今日成交只得$1259億, 創2個多月以來最細成交, 成交急降, 大龍鳳先兆, 港股表面上連升兩周, 其實唔少股份上周已見頂回落, 並不是11/8才跟隨大市見頂, 大鱷大媽臨危托沽

6月初恒指見頂29490回落尋底期間, 每逢周一恒指多數係收跌, 只係見過1次周一收升, 但踏入8月份首兩周轉為反彈尋頂市, 連續兩個星期一都收升, 假如日前高見26822已見頂轉為尋底市, 下周一就應收跌, 月中係回吐的時間窗口, 港股已連升兩周, 如果冇趁8月上旬反彈時走貨, 就錯失良機

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股連跌三天, 繼續尋底屠牛之旅

16/8 周一恆指收26181, 跌210點

受中美政策不斷打壓, 在美上市中概股繼續捱沽, 拖低相關板塊, 醜聞纏身的阿里沽壓沉重, QQ業績前尋底, 走勢差劣, 測市指標全面利淡, 回顧過去兩周尋頂期間恒指一直守住10天線, 不過繼昨日國指失守10天線, 今日連QQ恆指亦同步跌穿10天線, 代表8月上旬的反彈浪已結束, 假設本周港股收跌, 按照慣性走勢今日低位不會是底, 後市會插穿今日低位26047/9225, 當恒指插穿25500, 國指亦會同步插穿9000水平,

今日高低位26047~26449, 周波幅仍未達標, 仍有下跌空間, 要下試月初低位25743, 權重科企弱雞, 利淡港股, 今日四大板塊3升1跌(工商), 在大跌市當中金融公用地產三大板塊仍能逆市收升, 反映資金積極換馬避險, 大鱷托住26000可能係臨危托沽, 震熊引牛, 牛熊分布 8158牛 VS 4857熊, 貼價牛肥到不得了, 26000樓下每百點都有肥牛, 有下殺誘因, 向下有上升裂口25520~25857未全數回補是後患,

資金繼續由新經濟股轉投內銀屋仔等舊經濟股, 令港股收窄跌幅, 險守26000水平, 上周美國車企德師奶見頂回落, 拖累比亞迪等強勢車股反艇, 代表港股要落山, 內地剛公布的經濟數據欠佳, 拖累上証衝高回落, 差不多抹去所有升幅, 上証結束兩日跌勢, 收升1點, 無形之手力守3500水平, 但上証仍受制於前頂3544, 不進則退, 要慎防連日掃A股的老外沽貨食胡, 當上証插穿3500大位, 淡友就有藉口殺跌

回顧8月上旬無論當天恒指點插, 收市都企26150之上, 今日亦唔例外, 誰在托市? 當收於26150, 代表好友已閃, 港股要向25800.25500進發, 就可擴大月波幅, 恒指恐慌指數VHSI急升4.4%, 預示港股後市不妙, 淡友等緊利淡催化劑來殺跌

睇下資金流就知港股發生乜事, 大鱷趁港股彈高食胡鬆人, 資金流走, 下列11/8港股見頂前後幾天港匯收市位反映大鱷推高港股後就撤資

09/8  7.7838 港匯弱

10/8  7.7814 港匯開始轉強

11/8  7.7787 (港匯強.港股見頂日)

12/8  7.7814 港匯開始轉弱

13/8  7.7828 港匯弱

16/8  7.7843 港匯愈來愈弱


老外大舉掃A股, 大媽外資走港股, 滬深、港股通資金流向(人民幣)

滬深股通合計流入100.40億
港股通合計流出29.60億

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股連跌四天, 大舉屠牛

17/8 周二恆指收25745, 大跌435點

美期大跌 + 上証暴跌, 雙鬼拍門 = 港股破位而下

今日低見25615, 創8月新低, 不過29/7上升裂口25520~25857未全數回補, 即係未見底, 收跌周多數在周三四五創新低

今日中港股市走鬼撤資, 幸好恒指收市U盤大大力踢高49點(過去兩日係走低), 代表好友正部署反擊, 按照恒指慣性走勢, 如周一二大跌, 周三或四就會作出反彈, 彈完再跌過

中國公布令人失望的經濟數據、阿富汗政局以及 Delta 變種病毒急劇擴散, 市場避險情緒升溫, 影響了資金流, 避險貨幣日圓及美元都走強, 美元再度上企93.1水平, 人民幣轉弱, 港匯跌破7.79, 為去年3月以來最弱, 怪不得中港股市反艇,

匯市變化對股市的影響力最大, 8月上旬港股急升就係受港匯突然轉強所推動, 本周港股急跌就係受港匯突然急速轉弱所拖累, 當國指失守9000大關, 恒指25500就危危乎, 恒指由高位26822回吐至今日低位25615, 跌幅1207點, 或會作出死貓彈引好友入局, 不過月波幅仍未達標, 彈完就要再尋底

由於中港股市今日已偷步跟美期下挫, 明日港股表現就要看 1) 內地股市會否創新低, 會否止跌回升 2) QQ能否守住低位$422, 3) QQ業績前淡友會否食胡回補空倉 4) 國指會否轉強, 5) 好友會否繼續掃內銀及友邦來托市 6) 大鱷隊落去屠殺貼價牛後會否推番大市上去 7) 港股會否打破日日低開的弱勢, 競價轉為高開

肥牛陣亡, 過去幾日俾大鱷呃左入局的好友歸西, 估計大鱷今日屠恒牛約1500張, 創今個月新低, 擴大了月波幅, 不過恒指月波幅仍未達標, 上証急插70點, 接連失守3500及3450兩個大關, 收3447, 老外走貨, 上証見頂回落, 大媽亦沽港股

美股正在聚頂, 收水陰霾下, 隨時會大插, 本周五結算, 升了這麼多, 美股淡友理應會作出垂死掙扎, 作出反擊, 世上沒有只升不跌的股市, 當美股反艇, 就會推港股落山,

昨晚美股一插即彈, 近全日高位收, 但在美上市中概股卻反艇, 我估係美股有無形之手托市, 以及美企回購股份, 但中概股受中美政策打壓, 基金.大小鱷.散戶.大媽全面沽貨, 所以彈唔起, 亦拖累港股表現

只要國指弱勢持續, 國指9000大關就好難守得住, 如此一來, 恒指25500亦不保, 8月上旬趁反彈我按計劃積極走貨, 因為估計第三季係尋底市, 點都要再下試前底24748吧! 高低腳或破底來擴大年波幅, 所以減磅博破底才考慮分注補貨

假設11/8高位26822已是反彈浪頂, 後市就要插穿7月股災低位24748來擴大年波幅, 如果做細月波幅, 就可以做高低腳, 下試24800~25000, 今個月係港股業績期, 小心業績股見光死, 港交所就係業績後潛行凶間

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股死貓彈完續尋底

18/8 周三恒指收25867, 升121點, 結束四連跌

港股好少全周5天都係同一個方向, 日日升或日日跌, 多數係升(跌)2~3天, 市弱都會升1天, 呢個慣性走勢好準, 周一二恒指收跌, 周三收升, 符合慣性走勢, 假如本周港股收跌, 未來兩天淡友會於26000攔路, 以即市波幅閒閒地四五百點來看, 就要隊穿25500, 國指亦要插全9000水平, 今個月係淡倉底, 8月上旬好友威威, 8月下旬輪到淡友出場,

美元強勢上企93, 為4月以來首度連續兩日收93水平之上, 不利新興市場貨幣及資源商品價格, 人民幣連跌兩天, 利淡, 今日港匯轉強, 港股跌勢得以喘定, 當港匯再度轉弱, 港股又會再插過,

過去四日國指都走弱, 跑輸恒指, 今日國指一轉強, 港股就收升, 如明日國指轉弱, 又或者低開, 港股又會再跌過, 今日成交只得$1344億(昨日大插有$1661億), 港股仍然係升市成交縮, 跌市成交大, 走鬼格

過去五日QQ都係收陰燭收跌, 但今日開市位已是全日低位, 一開即彈, 收陽收升, 結束五連陰(跌), 可能係淡友於QQ公布業績前食胡回補空倉, 大媽今日只係買少少QQ, 係臨危托沽, 唔係大手掃貨, 後市當QQ插穿前底$422, 就要向$400進發, 恒指25000就危

vhsi恒指恐慌指數今日雖然收跌3.41%, 但周一二三累計仍大幅上升11.72%, 代表港股下殺危機未除

以前港股主力靠科企推高, 係虛火上升, 如今科網夢醒, 資金繼續由新經濟股換馬有實質盈利的舊經濟股, 由內銀保險地產等舊經濟股撐市, 不過近日內銀內險屋仔等舊經濟股累積升幅大, 獲利沽壓非輕

美國收水在即, 美股見頂回落, 股匯債再起風雲, 入市風險大, 唔少入市資金都係食快餐, 今日閃上去26025, 期指未平倉凈數大減, 好友可能食胡, 港股高位一瞬即逝

昨日上証急挫70點後, 今日大幅反彈38點, 收報3485, 重上3450大位, 內銀內險A股爆升, 推高相關H股, 亦係今日港股反彈, 國指跑贏恒指的主因, 換句話說, 當內銀內險H股回吐, 港股就會反艇, 港股即市上落跟上証, 港股食粥食飯睇阿爺

29/7上升裂口25520~25857已經分兩次回補, 仍未補晒, 似係大鱷刻意的安排, 如此一來, 牛熊都會進場

2/8回補至25743作出反彈

17/8回補至25615作出反彈

遺留25520~25614裂口未回補是後患, 收跌周, 周三四五係創周低位的時間窗口, 由於月波幅仍未達標, 要向25000進發來擴大月波幅, 前底在24748

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股繼續尋底屠牛, 25000危危乎

19/8 周四恆指收25316, 大跌550點, 

港股好友逃生門已關上

今日低位25183必破, 恒指月波幅仍未達標, 要向25000.24800進發, 只要隊穿25000就可擴大周及月波幅, 插穿前底24748就可擴大年波幅, 美元急升上破93.5關鍵大位, 係強烈利淡訊號, 新興市場有難, 港匯人民幣下跌, 利淡中港股市, 周三四五係創周低位的時間窗口

昨日老外及大媽齊齊入貨, 推動中港股市作出反彈, 但今日老外及大媽齊齊大舉沽貨, 港股就反艇,股災市受斬倉止蝕盤拖累,通常會跌過龍,破底跌穿24748就係超筍價,會吸引長短炒及補倉資金入市

第二季大鱷大媽托沽, 恒指主要在27500~29500游走

第三季大鱷大媽走鬼, 恒指跌穿上述2000點橫行區, 由27500下壓2000點, 正路應在25500~27500游走, 但如今連25500都插穿, 如果係未死得, 好友仍在,就要拿拿臨推番上25500樓上, 否則再由25500下壓2000點, 變成23500~25500游走

最新回應

試下學下
試下學下 2021/09/17

今晚似樣,納指大跌夜期企定定 {#iconb_62}

水滴石穿
水滴石穿 2021/09/17

半官方吹风:

《環球時報》總編輯胡錫進在個人微博發文,指恒大(3333)一旦破產,亦不會出現「成為雷曼兄弟倒閉那樣系統性金融風暴的導火索」。

他認為,中國並不存在發生房地產發生次貸危機的基本形勢,中國購房首付款的比例很高,二套房的首付比例尤其高,與美國當時的情況截然不同。

胡錫進指,國家不會給企業出難題,故意置企業於困境,當企業正常經營遭遇市場逆風時,國家也會以規範的方式盡量幫它們紓困。然而,國家需要對行業開展規範化調整時,也不會因為存在的企業問題嚴重而投鼠忌器,對它們刻意遷就和保護。一旦問題爆雷,出事企業不能有自己「大到不能倒」的僥倖,必須有能力以市場方式自救。市場上最後留下來的都是基礎業績過硬、不怕風雨一時刮斷幾根樹杈的企業。

胡鍚進重申,個人希望恒大能度過難關,每一個遭遇困境的企業,都希望它們能上演「起死回生」的奇蹟。因為它們活下來,對增加社會韌性的正面作用往往更大,但這個奇蹟需要恒大和每一個一旦陷入險境的企業主要依靠自己的市場力量去創造。

水滴石穿
水滴石穿 2021/09/17

下一波,香港地产股?

有報道指,中央官員在今年一場閉門會議上,向香港發展商傳達訊息,要求將資源和影響力用於支持北京,以及幫助解決香港的住房短缺問題。

《路透社》引述3名主要發展商以及1名熟悉相關會談香港政府顧問,指中央官員在一場閉門會談上傳遞上述訊息。報道引述消息人士稱,他們被告知「遊戲規則已改變」,中央政府不再容忍「壟斷行為」。報道亦引中央政府官員消息人士稱,中聯辦有意削弱一些未對中央在港利益做更多事的財團。

合和主席胡應湘則對《路透社》表示,北京並沒有指示該怎樣做,但就說「你們需要解決這個問題」,認為中央並非對香港不耐煩,但會施加一定壓力。另一發展商消息人士則指,內地官員表達了期望,但沒有提出策略和期限。

門徒
門徒 2021/09/17

試兄真係好心地拖阿婆過馬路 {#icons_boy9}