9月初港股進入阻力區

2021/09/03 00:00:10 網誌分類: 經濟
03 Sep

恒指進入阻力區, 好淡角力

1/9 周三恆指收26028, 升149點, 連升3天

雖然千點周波幅已達標, 不過突破26000大位會有追貨盤, 加上淡友回補空倉, 有助推動後市上破今早高位26102, 企26000, 短線來說, 下一個阻力在26200~26300, 如升抵這水平, 周波幅就夠水位俾短炒大鱷轉身, 如能突破26300, 500點一級, 就要上攻26500, 雙底回升利破頂, 估計9月下旬會上破8月頂26822, 不過大媽趁港股一路升就一路走貨, 亦會窒礙港股上升步伐, 目前港股已收復10及20天線, 呈反覆上升尋頂勢頭, 26500為關鍵阻力大位, 淡友必定會攔路

一般周波幅約千點, 但資金流走或流入的市況, 該周波幅通常特別大, 會有1200~1500點周波幅, 甚至更多, 大鱷通常係一路推升一路玩窒窒步, 一則要部署9月每周波幅, 二則震牛引熊, 今日26200樓上熊熊紛紛加倉

今日衝到上26102秒殺肥熊即回, 做夠約400點即市波幅就縮手, 皆因26200樓上只得瘦熊, 大鱷想養多一陣才殺, 今日港股表現有點似資金市, 係急升扯住上, 即市調整又再升過, 頂部不斷上移, 無論熱炒股抑或豬扒落後股都見買盤, 當大市出現底頂下移, 就代表今輪升浪結束, 博反彈要睇位食胡

滬深大媽近來都係沽QQ居多, 今日滬大媽沽QQ, 但深大媽卻大手掃QQ, 怪不得QQ急升挑戰阻力位$495, QQ站穩10及20天線, 有望挑戰50天線阻力$503.4, QQ未見頂, 港股未見頂, 中港股市落後於美股, 現正追落後,

技術指標及測市指標釋出利好訊號, 港股未有見頂跡象, 上証突破8月頂3544, 高見3582, 下一個阻力係7月頂3607,  由7月起, 上証三連升例跌, 但今日上証已升到第四棍, 好叻仔, 係資金流利好新興市場股市, 推動上証打破過去兩個月的慣承走勢出現四連升, 阿爺好.港股好, 港股何時掉頭睇實上証表現, 因為中港股市係同步見底頂,

上証通常連升3~4日就回吐, 最長五連升, 到1/9為止已是四連升, 沽壓會湧現, 就算指數夾硬升, 股份都未必跟升, 由於港股由低位24581反彈上26000累積龐大升幅, 加上升勢過急, 未必能站穩26000水平, 當連升斷纜跌幅超過200點, 又或者係上証及QQ見頂, 就係港股見短頂訊號, QQ美團港股都超買, 小心明日伸多一腳上去就見短頂, 加上由5月起, 科指通常連升3~4日就回吐, 今日已升到第三棍, 今個星期港股未跌過, 回吐壓力大增

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股衝高回落, 收窄升幅, 秒殺肥熊即回, 26000好淡角力

2/9 周四恆指收26090, 升62點, 連升4天, 沽壓大增

今早港股創本周新高, 伸埋呢腳上去, 本周恒指高低位25110~26359, 周波幅1249點已達標, 明日不應創新高, 不進則退, 要向25800進發, 大鱷要開始部署下周的波動區

提提好友, 港股今個星期未跌過, 26000及20天線仍未企穩咖! 短炒好友要識落車, 不要太貪心, 今日港股夾硬收升, 其實唔少股份都衝高回落, 甚至倒跌, 但大鱷卻夾硬托住指數來畫圖, 因為本周收升, 好友想畫周線大陽燭, 只要明日QQ低位插穿$493, 代表淡友正在發功, 不過只要好友守得住QQ $477.8, 代表好友仍未放手, 回調整固後就會挑戰26500.26800~27000, 如插穿25800不妙, 就要下試25500水平,

按照慣性走勢, 明日港股會收跌, 明日恒指季檢成交會大增, 季檢買賣盤或會扭曲了市況, 係好淡大鱷角力的大日子, 如能收跌, 淡友就可營造大成交下跌的見頂訊號, 2/9阿爺宣布北京將會成立交易所, 看似利淡港交所, 但有基金經理表示其實負面影響不大

恒指一如所料受制於26300阻力位, 高見26359, 高位一瞬即逝, 配合其他測市指標, 皆屬利淡, QQ衝高回落, 高見$510打回頭, 未能收$499之上, 釋出利淡訊號, QQ見短頂, 港股見短頂, 本周一二三四恒指都收升, 尚欠1日跌市, 市強即市調整或小幅下跌, 如跌超過200點就危

今日上證收升, 但另外3個指數(深指.滬深)卻收跌, 有分析指, 內地資金炒A股, 係沽新經濟股換入金融等舊經濟股, 所以上証一枝獨秀, 愈升愈有, 人民幣強勢, 老外連日大舉掃A股, 上証五連升, 表現亮麗, 已平了今年最長連升記錄, 小心明日升勢斷纜, 上証下一個阻力在前頂3607, 如果打回頭, 就會拖低港股

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

港股回調整固.消化沽壓, 儲力向上

3/9 周五恆指收25902, 跌188點, 結束四連升

一般來說, 第一次挑戰阻力大位26200~26300多數係試水溫, 會打回頭, 結果高見26359即回, 向下支持25800.25500, 回調整固後就會上破2/9高位26359, 阻力在26500.26800~27000, 港股技術指標向好, 如果9月未見大頂, 只係見短頂回落, 市強由高位嘔600~800點就會彈(26359-600~800=25550~25760)

美元回落, 人民幣港匯齊齊走強, 匯市形勢利好中港股市, 港股溫度計QQ今日收跌收陰, 皆因本周港股未跌過, 今日要收跌, 當然要推低權重QQ, 後市只要QQ止跌收陽收升, 就係利好訊號, 上証結束連升5日勢頭, 收3581, 跌15點, 連續3日企3550之上, 曾突破7月高位見3614, 下一站挑戰6月頂3629, 「跨境理財通」據報最快國慶假後開通, 近日有資金炒阿爺國慶送大禮

過去幾個星期的周一收升或跌具啟示作用, 係關鍵日, 碰巧下周一美股休市, 港股自由行, 必有大龍鳳, 按照慣性走勢, 下周一如能收升, 代表周線有望收升

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

6/9 恆指收26163, 升261點,

QQ先低後高, 收升收陽, 靚仔, 皆因有無形之手睇住QQ, 目的係推高港股, 其實上周QQ.快手.京東.美團.B站等多隻新科技股都見莊家陸續進場, 係科指及港股走強的主因,恒指周波幅及月波幅仍未達標, 代表港股未見頂, 仍有上升空間, 後市會升穿上周高位26359/9434來擴大波幅

QQ已率先站穩10及20天線, 而恒指近日不斷跌穿26000並下試20天線仍能收於其上, 呈利好形態, 因為過去幾個月的大跌浪港股一直受制於20天線, 今次卻連日收20天線之上, 好明顯今次上升動力比以往強, 上周曾說港股有資金市的味道, 近日見莊家紛紛入場掃貨, 又真係愈來愈似, 不過熱錢似集中炒新科企, 金融地產內房卻受冷待, 只要科指保持強勢未見頂, 代表港股升勢未完, 當科指轉弱就要小心

過去半年港股反覆下跌, 股民傾向悲觀, 淡友多, 挾淡倉就係最佳推升方法, 但近來的升市成交縮, 並不配合升勢, 當有利淡消息, 就較易反艇, 熊市不宜太樂觀,

阿爺好, 港股好, 中港股市係同步尋底頂, 9月上旬中港股市正在尋頂, 上証開市位已是全日低位, 港股都係一樣, 齊齊低開即彈, 單日轉向高收, 就算港股有沽壓, 但A股會扯住港股上, 要上証見頂回落, 才會拖低港股

近來內地股市強勢, 其中一個原因係老外由23/8起就密密大手掃A股, 上証收3621, 強到嚇人, 另外一個強勢原因係匯市, 人民幣及港匯都走強, 因為美元失守92.5水平

以往老外掃A股都係三幾日貨仔就沽貨獲利, 但今次唔係, 係一路掃貨, 推高內地股市, AH股同步, 老外掃A股, 間接推高H股,上証愈升愈有, 不斷突破阻力位, 上企3600大位之上, 收3621, 升40點, 目前中港股市係同步尋頂, 港股比上証落後, 正在急起直追

上周上交所宣布納入快手.時代天使等十多隻股份入港股通, 一眾大媽的買盤就結束了連續一個多星期港股通資金凈流出, 變成凈流入, 係利好訊號, 反映北水大媽重拾對港股的興趣

最新回應

門徒
門徒 2021/09/19

{#iconb_263}好野又有估仔聽

試下學下
試下學下 2021/09/19

食埋野就埋位講市。下星期想3升1跌

星期四太邪。又係議息後。就比佢跌

反彈目標258~260

門徒
門徒 2021/09/18

248好似打過大交黎 {#iconb_61}多成六千張

c6
c6 2021/09/18

小門大師

要感謝🙏大元帥

9月20~21日(周一二)內地股市休市兩天

9月22日(周三)內地復市, 不過港股周三休市