開學,家長同老師要好好合作呀。

2021/09/06 15:55:33 網誌分類: 學習
06 Sep

家校合作非常重要。

覺得有問題,彼此都可以出聲。

以前我個仔讀既幼稚園好衰,唔聽我講既意見。大事想化小,小事想化無。佢化到我咩? 

結果越黎越多爭執同誤會。

當時我自己做緊小學老師、班主任、科主任。

我放工要跟好多野,接唔到個仔放學。點同佢幼稚園老師傾?

到星期六/真係chur住要自己早走,去接個仔同埋同佢既老師傾計,又玩大事化小,小事化無。其實冇問題我會出聲咩?

結果揾左教育局幫我搞掂左間幼稚園。哈哈,大概係咁。

溝通好重要架!

所以我好慶幸個仔入到好有愛心既小學。

老師真係會同家長好好傾小朋友面對緊既問題,又俾好多支持援同建議。小朋友鐘意老師,當然肯聽聽話話。家長對老師信任,就唔會揾到野講老師。大家都可以尊重老師,教育成效先大。

反之,唔信任同猜忌,話邊個邊個怪獸家長(個仔以前間幼稚園),你地唔會有好下場。

講真架,港女要生仔,生出黎就係小王子、小公主。唔係叫大家縱容,但起碼要合理地傾聽。危害人生安全同環境衞生(個仔以前間幼稚園)既野,唔處理,自然會有政府部門處理。

當然,我鼓勵老師都講多d野俾家長聽,例如教小朋友遇到既問題,家長樂意聽,因為係有關自己既小朋友嘛。佢知你出於關心而唔係指責,應該會努力合作。

開左學啦,希望各位老師、家長都開開心心,小朋友先可以開心咁返學放學,而且明白尊重他人既重要性。

一諗起以前用幾多時間投訴間幼稚園無效.....就知當時幼稚園幾唔尊重我。家長可以揾教育局、衞生署搞掂好多野- 真架,記低佢啦。

回應 (0)
我要發表
user

最新回應

淺雪
淺雪 2021/09/19

可能是 2 人和顯示的文字是「中秋節就要到來 祝賀大家 老少團圓 齊聚家園 和和氣氣好人緣 温温馨馨幸福圓 中秋節快樂」的圖像

淺雪
淺雪 2021/09/17

有時我都同自己講,,錢之嘛..用左可以搵番..不要難為自己.

wongi
wongi 2021/09/16

哈哈,送上星星,照亮“錢路”。

ivina
ivina 2021/09/14
@淺雪...

唔鬧得,會自殘。

唔打得,會報警。

唔逼得,會對立、反抗。