點解自己教仔

2021/09/08 21:53:11 網誌分類: 親情
08 Sep

好多人揾鐘點或者四大長老,甚至外傭照顧小朋友。我雖然都好想請外傭,但真係可以代替到我咩? 真係100%合我心意咩?

由於仔仔對我黎講太珍貴,我唔會亂俾人掂佢囉。到佢漸漸大,係嚮幼稚園參加過phonics班既,衰過我自己教。自己教加alphablocks更可以引起佢既興趣,而唔係好沉悶咁俾冇受訓過既南亞人士照筆記讀。

幼稚園果陣佢都參加過STEM同情緒班,以及交通安全隊。不過打風、疫症..... 結果我咪陪佢嚮屋企在家學習囉。唔夠野學架,我日日上網搵新野令佢每日有新既學習動機。例如學恐龍既野啦,填色啦,做手工啦,簡單STEM啦。

小學,冇野參加呀。默測考比較緊逼,我自己同佢温。唔補習,因為佢地都冇我咁叻。我幫人功輔經驗豐富,又係小學老師,我點會放心求其揾d年青人教佢? 陣間掛住玩點收科。

而嚮屋企唔使出去補習,節省幾多時間,多好多親子機會呀。曾經個仔話我仲惡過老師,嚴過老師,我話咁佢返學應該更開心,係好事。不過小一果陣係逼緊左d既,因為幼稚園課程太淺,驚佢小學跟唔上。依家個仔已經培養好學習甚至自學既習慣,鐘意睇書,温少少野就可以繼續玩玩具,係咪好正呢?

我仲可以zoom返工教手工同漫畫。

到真係需要出去返工,就揾返長老啦。呢幾年代課都好好賺架。

quality of life. 

不過如果有自己唔識既野,例如科學野,就要陪個仔一齊學。唔明都要令自己明架啦 。上網問ok架。

回應 (0)
我要發表
user

最新回應

淺雪
淺雪 2021/09/19

可能是 2 人和顯示的文字是「中秋節就要到來 祝賀大家 老少團圓 齊聚家園 和和氣氣好人緣 温温馨馨幸福圓 中秋節快樂」的圖像

淺雪
淺雪 2021/09/17

有時我都同自己講,,錢之嘛..用左可以搵番..不要難為自己.

wongi
wongi 2021/09/16

哈哈,送上星星,照亮“錢路”。

ivina
ivina 2021/09/14
@淺雪...

唔鬧得,會自殘。

唔打得,會報警。

唔逼得,會對立、反抗。