12月期結技術性反彈

2021/12/29 22:26:59 網誌分類: 經濟
29 Dec

結算前夕淡友反擊, 下殺小牛, 好友力守23000部署結算位

29/12 周三恆指收報23086, 跌194點

期結23000好淡角力

日前說去年12月尾美股彈高高, 今年會歷史重演, 可惜內地股市反艇拖低港股, 不過好友連日咬住23000來部署明日結算, 收市U盤又踢高, 反映好友健在, 尾市及收市U盤見小淡友食胡手影, 個別股份見洗倉盤, 一直說阿里陰氣重, 做好友必死, 過去一個月阿里沽壓加劇, 要下試前底$109.5的支持力, 美團QQ冇莊家護盤持續捱沽, 再傳出有內房債務違約累街坊, QQ已連跌3日, 今日雖然收跌, 但卻收陽燭, 露出一線曙光, 看來死貓未彈完, 好友想守住$440穩住港股來結算,

港股通休市四天, 大媽不在, 淡友乘機出手殺跌, 幸好今日跌幅不算大, 港股技術指標未轉差, 熱錢由月中起反覆流入本港, 可惜並非掃港股, 港股成交持續低迷

一般恒指周波幅900~1200點, 不過今個星期只得3日半市, 短周的周波幅通常會收窄, 上周4日半市, 波幅只得718點, 未來兩日23000~23400等爆邊來擴大周波幅, 回顧去年12月尾港股表現向好, 正路未來兩日不應隊穿22665創新低, 因為今個月波幅已達標, 要預留明年開新局的下跌空間, 明年首季破底機會大, 呢幾日基金經理收爐及埋年結求穩, 不但唔會狂沽來幫淡友隊散港股, 反而嘜高股價埋數,

今個月恒指做細月波幅, 所以明年一月恒指會做大月波幅, 會有大龍鳳, 下周一(3/1)內地假期休市, 港股有市

上証大跌33點, 收3597, 只要阿爺護盤, 上証重上3600水平, 好友就有藉口守住23000, 企穩23000, 500點一級挑戰23500, 當打回頭再尋底,港股成交急降至$629億, 成交細, 操控易,

沽空急增, 恒指國指ETF齊齊上沽空榜, 淡友反擊, 港股底頂下移, 不過尾市見淡友食胡手影, 整體熊多過牛, 要大幅抽升挾淡上23300, 收復10天線, 才能穩住大局, 按照慣性走勢, 本周五(31/12)會收23223之上, 假如今個月收跌, 就會收23475之下, 即係31/12會收23223~23475之間, 周線收升, 月線收跌

今日恒指殺跌, 插一日等同過去三日的升幅, 牛熊非常貼價, 上落都有得開餐, 整體牛熊分布熊略比牛多, 11148張牛 VS 12373張熊, 以往出現呢種格局, 港股都不會大插放生肥熊, 一係彈上去大舉屠熊, 一係磨下, 養肥牛牛才插, 23278 BB熊今日出世, 牛在23000, 牛熊都在屠殺範圍

美元回落, 港匯走強, 人民幣強勢, 美股彈高, 理應利好港股, 但港股卻反艇, 恒指結束五連升, 國指三連跌, 科指四連跌, 皆因昨晚在美上市中概股出現大成交沽貨潮, 擔心明年白宮出招打壓中概股, 老外年尾執倉沽出高危中概股

美國十年期債息止跌回升, 向1.50~1.55%水平進發, 怪不得納指及港科指連日捱沽, 科指今日創今年新低5455, 12月基金年結粉飾櫥窗, 資金由高風險的科企及潤電.華能等熱炒股 轉投舊經濟股/公用股來避險, 新舊經濟股換馬, 抵消了部份科企的跌幅, 恒指因而守得住23000來結算, 明日下午結算價塵埃落定見真章, 假如未來兩日港股造好, 代表淡友食胡回補空倉, 又或者好友偷步入貨博明年開新局, 假如未來兩日港股續跌, 代表投資者看淡下周

馬斯克早前明明表示已完成沽出德師奶, 但突然又再減持Tesla 涉及約10.2億美元

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

期指結算好友力守23000, 牛死熊命危

30/12 周四恆指收報23112, 升25點, 重上10天線

弱彈: 22665(底) + 600~800點 = 23250~23450(24/12高見23383)

強彈: 22665(底) + 1000~1200點 = 23665~23865

12月期指結算價23118
12月國指期貨結算價8099

恒指本周波幅仍未達標, 12月結算周正路應做細周波幅約六七百點, 23000~23400兩邊都爆少少,

恒指一度低見22990, 幸好秒殺小牛即彈, 收23112, 收復10天線, 收市U盤已是連續3日踢高, 反映好友健在, 月尾大鱷通常會追殺貼價牛熊來追數, 連續兩日下殺小牛, 熊熊下移, 港股技術指標仍向好, 如果反彈浪未完, 通常落山食1~2口牛就要再上山屠熊, 好淡通殺, 如果落去食超過3口牛牛, 就係見頂訊號

近來已多次強調今個月恒指月波幅已達標, 按照慣性走勢12月應做細月波幅, 今年癲夠了, 不應破底隊穿22665, 本周23000~23400反而要爆邊來擴大周波幅, 因為目前本周高低位22990~23319, 周波幅只得329點遠遠未達標, 就算短周最少都要做六七百點周波幅, 明日關鍵位23223/23475, 反彈阻力23400~23600

近日全城唱淡港股, 連好友都死心, 淡友熊熊飛撲入市, 就要小心大鱷玩挾淡, 過去一周整體牛熊分布仍然係熊略比牛多, 係反常, 因為一般來說係牛多過熊, 目前係11473張牛 VS 12449張熊, 以往出現呢種熊多過牛的格局, 港股都不會大插放生肥熊, 多數係彈上去大舉屠熊, 23250 BB熊今日出世, 肥熊在23400~23700, 有上攻誘因, 既可擴大周波幅, 亦可食新年熊掌大餐, 當肥熊陣亡, 養肥牛牛, 又會再插過

~~~~~~~~~~~~~~~~~~~~~~~~~~~~~~~~~~~~~~~

上証3600 VS 恒指23000

昨日上証大跌收3597, 今日反彈22點, 收3619, 3600失而復得, 所以今日好友就有藉口守住23000, 今日期結, 午後結算價塵埃落定好友仍踢高收10天線之上係好現象, 代表好友並非撐完結算就鬆人, 假如明日港股仍造好, 代表淡友食胡回補空倉, 又或者好友偷步入貨博明年開新局彈上去食胡, 今日連弱雞科指創今年新低5428後都拗腰向上, 結束四連跌, 低開高收, 單日轉向, 可能有淡友食胡, 又或者博反彈買盤進場

QQ雖然收跌, 但成功守住$440大位, 上攻$450~460, 關鍵位$450及$459.4, 熱錢繼續流入, 港匯走強, 美元跌穿96

港股慣性走勢係連升日數太多就會嘔, 連跌日數太多就會彈高, 21~28/12恒指連升5天, 29/12就大插, 目前國指24~30/12連跌4天, 正在醞釀反彈, 國指本周跌跌不休, 按照不會全周日日跌的慣性走勢, 明日國指會反彈

港股連續兩日成交只得不足七百億元, 成交細, 大鱷操控大市上落易如反掌, 昨日淡友威威, 今日好友力守23000作出反擊, 明日大除夕只得半日市, 會有大龍鳳, 

上周說過, 港股雖然走弱, 今個月的月線會收跌, 但利好利淡訊號有矛盾, 並非財演所說全面向淡, 因為12月係非常特別的月份, 有基金粉飾櫥窗, 要嘜高股份年結收市位, 會扭曲了市況, 去年聖誕節前後美股及港股都係反覆向上, 明日最理想收市位在23223~23475之間, 就符合慣性走勢

按照慣性走勢, 上周創12月新低, 今個星期的周線就會收升, 即係明日會收23223之上, 今日收23112, 換句話說, 明日恒指要續升, 周線才能收升, 大前題要QQ重上$450以及上証彈高來做助力, 不過QQ $459.4會攔路, 今日上証3600一插即彈高收, 走勢與恒指插穿23000即彈高收一樣, 兩地股市同步止跌回升, 後市當上証收3600之下, 恒指亦會同步收23000樓下

最新回應

c6
c6 2022/06/26
@試下學下...

排骨仔哥哥

你變咗賺錢賭徒

C6變咗蝕錢賭徒

//當初就想靠投資致富,初嘗甜頭就變左賭徒//

c6
c6 2022/06/26
@soho*...

大元帥😊

大行其實係騙子報告其實係呃人🤥

咁科技股斷估未升完 不過都升左好多

試下學下
試下學下 2022/06/26

七大行星及冥王星移至太陽的同一面時,從地球上觀看它們之間的位置相對較為接近,出現「行星匯聚」的天文現象。天文台圖片

至於今次「行星匯聚」最特別的,是期內7大行星及冥王星將會少有地靠在太陽系一側,故在日出前無論是肉眼能看見的水、金、火、木及土星,或是肉眼看不到的天王星、海王星和「矮行星」冥王星,都會在香港上空匯聚一起。市民如要觀賞「八星連珠」,則要利用望遠鏡觀測或拍攝。

天文台又教路,從香港觀賞,水星、金星、天王星、火星、木星、海王星、土星和冥王星將會在東邊及南邊順序在黃道附近的位置出現,提醒若天色良好,市民可以連續數星期的凌晨時分盡情觀賞。如今次錯過了,就要等到2205年才能再次見到「八星連珠」的出現。

試下學下
試下學下 2022/06/26

8星連珠 {#iconb_3129}元帥有無睇

趁機會許個好願望🥰🥰🥰