樂觀性格 2
2008/06/14 18:08:03
網誌分類:
生活
有冇聽過杞人憂天的故事呀?
杞國有位十分悲觀的人. 日日就擔心個天會冧落泥, 攪到周圍D人煩到死, 勸又勸佢唔掂, 真係冇佢符o(黄SIR就最怕遇倒D咁嘅人, 冇計傾!你講乜佢都諗到最壞, 真係同D咁嘅人玩, 寸步都難行也o)
但佢日憂夜憂, 有乜益呢?只係得個憂字o(佢就係唔明, 個天如果真冧, 乜都死啦, 仲駛乜諗呢?如果唔冧, 咪繼續玩囉!)
人生是要追求快樂, 幸福的, 成日自怨自艾, 又有乜益呢?
所以好多人都識揾D娛樂, 例如黄SIR而家玩的唱粵曲呀, 做粵劇呀, 跳社交舞呀, 超伯玩的, 打活力鼓呀(超伯有得教!)攝影呀, 其他人玩的繪畫呀, 書法呀, 武術呀, 諸如此類, 都可以快活過神仙o
有D人話, 我要為口奔馳, 又點可以剩係吃喝玩樂呢?
咁又係, 又唔係人人做嘢都可以玩玩吓嘅!但保持樂觀的態度, 做人做事都會快樂溉o
做工, 大不了東家唔打打西家, 駛死咩?
再唔係, 辭左份工, 玩晒D錢, 至揾過份又得o
一唔係, 駛晒D錢, 搞到攞公援, 你吹乎?
總之要信: 天無絕人之路, 你點都會快樂D嘅!知冇?
回應
(0)
我要發表